Matiye 21:41 - Dɔnɔn kə̂ Siki: Tar kə̂ aw arə təbbə

⁴¹ Dilɛ̂je tə̂ nan: «Nâ koo kəm-to-ndoo lə njê-mə-majangje nəənn le ang ta nâ tɔlde. Goe tə̂ a, nâ kinya ndɔɔ le ji marə njê-ddaje kula tə̂ kə̂ dang karə ndɔɛ̂ asə a, n̂-ddeeje kə ko-ndɔɔ laa darɛ̂je.»

Maketuru le Lubba ke tar kabba

⁴¹ Dilaeje te na: «Na koo kem-to-ndoo le nje-me-majangje neenn le ang ta na tɔlde. Goe te a, na kinya ndɔɔ le ji mare nje-ddaje kula te dang kare ndɔe ase a, n̂-ddeeje ke ko ndɔɔ laa dareje.»

Matiye 21:41 ပူးပေါင်းရင်းမြစ်များ

Matiye 21:34

Kar kuja kandə binyə le asə a, nula ngann njê-kulaje laa rɔ njê-ddaje kula binyə tə̂ le karə dulaje kə kandə binyə laa darɛ̂je.

Matiye 21:40

Jeju təl dujude nan: «Bbo nje-ndɔɔ binyə le ddee a, ddi â nâ dda kə njê-ddaje kula binyə le wa?»

Matiye 21:43

Mba yeenn bba, m-pa marəse: Lubba a kɔru Bbe-kɔn laa jise tə̂ karə marə gəl-dəwje kə̂ a ddaje kula kə̂ maji.

Matiye 3:12

Nuwa bagiri laa jia tə̂. Nâ kuta lo kunda ko laa ngaâ nâ jin kandə-ko le kungu mə dam tə̂ laa, a nâ ro tisa kəm puru tə̂ kə̂ a koy ndɔ kâra ang.»

Luku 20:16

Nâ ddee tɔl njê-ddaje kula binyə le ngaâ nâ kinya ndɔɔ le ji marə dəwje tə̂ kə̂ dang.» Dəwje kə̂ banya le ooje tar le a, n̂-paje nan: «Maji karə nɛ̂ɛnn ddee tokə baann ang!»

Kulaje 15:7

N̂-maynje naan tar ngəng nya ngaâ Piyɛr in taar pa nan: «Ngakɔnʼmje, ə-gərəje to Lubba bbarəm horose tə̂ ləw baa karə m-pa Tar kə̂ Maji marə dəwje kə̂ toje to Jiipije ang, karə dooje tar le ngaâ dooje məde tə̂.

Kulaje 18:6

A Jiipije mbətəje tar laa ngaâ daw tajɛ̂je. Yeenn bba, Pɔl le tunda bum kə̂ kubbu tə̂ laa ngaâ pa arəde nan: «Məsəse təl kə dɔse tə̂, tarɛ̂ a kuwa dɔm ang. Bbasinɛn nəənn mâ kaw kə rɔ dəwje tə̂ kə̂ toje to Jiipije ang ngaa.»

Kulaje 28:28

Pɔl pa arəde bbay nan: «Maji karə ə-gərəje to Lubba ula kə tar kaji nəənn arə dəwje kə̂ toje to Jiipije ang. Dede dâ ndikije tar tə̂ le.» [

Kulaje 28:8

Bɔ Pubiliyusje le to tuwa rɔ-to tə̂. Rɔɛ̂ tunga nya ddəm n̂-ndəngə məsə ddəm. Pɔl aw ooe, duju Lubba dɔɛ̂ tə̂, ila jia dɔɛ̂ tə̂ ngaâ naji.

1 Tesalonisinyɛje 2:16

Dɔkuje ddəw kila mbər tar karə dəwje kə̂ toje to Jiipije ang darəje dəwje le ingaje kaji ang. Nɛ̂ɛnn dda arə majangje lə Jiipije le uta dɔɛ̂. A ta tee kɔnyɛ̂ tə̂ a, wungu lə Lubba oso dɔde tə̂.

Ebərəje 12:25

Aaje rɔse! Ə-mbətəje ta koo ta Lubba kə̂ aw pa tar arəse nəənn ang. Mba dede kə̂ ləw n̂-mbətəje ta koo ta Mɔyijə dɔ nangə tə̂ nəənn le, n̂-teeje ta kunda tə̂ ang. A jeje, bbo n-turuje girije jarə Lubba kə̂ nje-kisi darâ nu kə̂ aw ndɔru mbije le a, ja tee ta kunda tə̂ tokə baânn wa?

Ebərəje 2:3

Yeenn a, bbo jooje kaji kə̂ ngəng be nəənn le to nɛ̂n ang a, jeje ja teeje ta kunda tə̂ tokə baânn wa? Kaji nəənn le, Əbbə-dəwje â unn kutu kila mbəre. Goe tə̂ a, dəwje kə̂ ooje tam kaji nəənn le təlje ddee paje tarɛ̂ arəje nan to tar kə̂ tɔkɔrɔ.