Matiye 21:31 - Dɔnɔn kə̂ Siki: Tar kə̂ aw arə təbbə

³¹ Jeju dujude nan: «Horo ngannje tə̂ kə̂ joo nəənn, ne kə̂ dda â n̂-dda nɛ̂n kə̂ bɔɛ̂je ndiki wa?» Dilɛ̂je tə̂ nan: «Ne kə̂ dɔngɔr.» Jeju pa arəde nan: «Tɔkɔrɔ njaa, m-pa marəse, njê-taaje narɛ lambo kə dɛnɛ̂n njê-kayaje a kandəje mə Bbe-kɔn tə̂ lə Lubba dɔngɔr karəse.

Maketuru le Lubba ke tar kabba

³¹ Jeju dujude na: «Horo ngannje te ke joo neenn, ye ke dda, a dda ne ke bbɔeje ndiki wa?» Dilaeje te na: «Ne ke dɔngɔr.» Jeju pa arede na: «Tɔkɔrɔ njaa, m-pa marese, nje-taaje nare lambo, ke dene nje-kayaje a kandeje me Bbe-kɔn te le Lubba dɔngɔr karese.

Matiye 21:31 ပူးပေါင်းရင်းမြစ်များ

Matiye 12:50

Bbo dəw dda nɛ̂n kə̂ mə Bɔmje kə̂ darâ ndiki a, dəw le to ngokɔnʼm, to kɔn-nannəm wase kɔnʼmje.»

Matiye 18:3

ngaâ pa nan: «Tar kə̂ tɔkɔrɔ â maw pa marəse. Bbo ə-turuje məse arə ddee tokə mə ngannje kə̂ ngaji nəənn ang a, â kandəje mə Bbe-kɔn tə̂ kə̂ darâ ang.

Matiye 20:16

Jeju pa bbay nan: «Dəwje kə̂ dɔ guku a toje to dəwje kə̂ dɔngɔr. A dəwje kə̂ dɔngɔr, a toje to dəwje kə̂ dɔ guku.»

Matiye 21:30

Dingaw le aw rɔ ne kə̂ mbatə tə̂ pa tar kə̂ kâra baa le arɛ̂ tɔ. Ngonn le ilɛ̂ tə̂ nan: ‹An än Bɔy, mâ kaw.› A naw ang.»

Matiye 5:18

Tɔkɔrɔ njaa m-pa marəse, bbo dara kə nangə n̂-naynje baa bbay a, marə ngonn gɔl makəturu wase marə mbita gɔl Makəturu-Ndu a koso nangə̂ ang, ndərəng ddutu ndɔ tə̂.

Matiye 5:46

Bbo njê kə̂ ndikise dɔrɔ bba ə-ndikijede a, kuka ddi bba â kingaje ji Lubba tə̂ wa? Njê-taaje narɛ lambo kara ddaje tokə baann tɔ.

Matiye 6:5

«Bbo aw dujuje Lubba a, ə-ddaje tokə lə njê-ngəmje ang. Dede, n̂-ndikije nya ta kar taar bba duju Lubba mə kəy mbɔn-naanje tə̂ wase tɔ-ddəwje tə̂ karə dəwje tɔyn oojede. Tɔkɔrɔ njaa, m-pa marəse, dingaje kuka ləde mban.

Matiye 7:21

«Dəwje tɔyn kə̂ aw bbarəmje nan: ‹Əbbə-dəwje! Əbbə-dəwje!› Dede tɔyn â dâ kandəje Bbe-kɔn tə̂ kə̂ darâ ang. Bbayɛ̂ njaa to dede kə̂ n̂-ddaje nɛ̂n kə̂ mə Bɔmje kə̂ isi darâ ndiki.

Matiye 9:9

Jeju in lo tə̂ənn le aw ɔtu a, noo marə dingaw kə̂ daw bbarɛ̂ nan Matiye kə̂ isi lo taa narɛ lambo tə̂. Jeju pa arɛ̂ nan: «Unn gom.» Matiye le in taar ngaâ unn goe.

Luku 15:10

M-pa marəse, to ddəw kâra baa, rɔ-nəəl to nya horo anjəje tə̂ lə Lubba mba nje-nɛ̂n-dda kə̂ maji ang kâra kə̂ turu məɛ̂.»

Luku 19:22

Əbbeeje le pa arɛ̂ nan: ‹Nje-kula kə̂ maji ang, tar kə̂ tai tə̂ njaa mâ gangə nɛ̂n sariya dɔi tə̂. Ə-gərə to m-to dəw kə̂ kətərə nya. Nɛ̂n kə̂ mila ang kara munn ddəm nɛ̂n kə̂ m-dubbu ang kara muja kandɛ̂ ddəm.

Luku 7:29

Dəwje tɔyn kə̂ ooje tar lə Jan le kə njê-taaje narɛ lambo kara gərəje to Lubba ndiki ta kajide ngaâ dawje darə Jan ddade batɛm.

Tar kə̂ Maji kə̂ Jan dda makəturu tə̂ 3:3

Jeju ilɛ̂ tə̂ nan: «Tɔkɔrɔ m-pa mari, dəw kə̂ n̂-təl duje tokə siki ang a, a kasə koo Bbe-kɔn lə Lubba ang.»

Tar kə̂ Maji kə̂ Jan dda makəturu tə̂ 3:5

Jeju ilɛ̂ tə̂ nan: «Tɔkɔrɔ m-pa mari, dəw kə̂ maann kə Ndil â uje ang, a kasə kandə mə Bbe-kɔn tə̂ lə Lubba ang.

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

Rɔmɛnje 3:19

A n-gərə to nɛ̂n tɔyn kə̂ Ndu lə Lubba pa le, n̂-pa mba dəwje kə̂ Ndu ɔn dɔde le. Yeenn bba karə dəw kâra oo tar ta pa ang ngaâ karə dəwje tɔyn gərəje to sariya lə Lubba to dɔ dəwje tə̂ tɔyn kə̂ duninya tə̂.

Rɔmɛnje 5:20

Ndu ddee mba karə majangje ddeeje tokə banya. A lo kə̂ majang banya tə̂, mə-maji lə Lubba bo tə̂ kə kete kete bbay tɔ.

2 Piyɛr 3:9

Marə dəwje aw paje nan Əbbə-dəwje aw tila nya bba ta dda nɛ̂n kə̂ nunn ndue ta dda le. A nɛ̂ɛnn to tokə baann ang. Naw tɔ wure mbase, mba n̂-ndiki ta karə dəw kâra nayn kə kɔrɔ̂ ang. N̂-ndiki ta karə dəwje tɔyn njaa turuje ddəw ləde.