Matiye 21:19 - Dɔnɔn kə̂ Siki: Tar kə̂ aw arə təbbə

¹⁹ Noo marə kakə pigə kə̂ ar mbɔr ddəw tə̂ ngɔsi ngaâ naw ngɔsi kə kakə le a, kamɛ̂ dɔrɔ â noo. Yeenn bba, n̂-pa narə kakə le nan: «A kandə ndɔ kâra ang ngaa.» A karɛ̂ tə̂ənn njaa kakə le oy njan.

Maketuru le Lubba ke tar kabba

¹⁹ Toke noo mare kake pige ke ar mbɔr ddew te ngɔsi a, naw ngɔsi ke kake le a kame dɔrɔ a noo. Yeenn a n̂-pa nare kake le na: «A kande ndɔ kara ang ngaa.» A kare teenn njaa kake le oy njan.

Matiye 21:19 ပူးပေါင်းရင်းမြစ်များ

Matiye 21:20

Njê-njaje go Jeju tə̂ le ooje nɛ̂ɛnn le a, dum dɔde ngaâ paje nan: «Dda tokə baânn bba njangə baa njaa a, kakə pigə le oy wa?»

Marke 11:14

Yeenn ngaâ Jeju pa arə kakə pigə le nan: «Dəw a kusa kandi ndɔ kâra ang ngaa!» Njê-njaje go Jeju tə̂ le ooje tar le.

Marke 11:20

Lo-karɛ̂ kə əndɔɔ kə̂ daw ndayje a, dooje kakə pigə le a, oy taar ndərəng ngirɛ̂ tə̂.

Luku 3:9

Tinan to ngɔsi ta tuka nɛ̂n kakəje ngirɛ̂ tə̂ mban, kakə kâra kâra tɔyn kə̂ kandɛ̂ kə̂ maji goto tə̂, dâ tuka kila purô.»

Tar kə̂ Maji kə̂ Jan dda makəturu tə̂ 15:2

Barkəm-rɔje tɔyn kə̂ toje rɔm tə̂, a andəje ang, naw tuka kə ddang. A naw gangə dɔ barkəm-rɔje tɔyn kə̂ aw andəje karə dandəje uta ye kə̂ kete bbay.

Tar kə̂ Maji kə̂ Jan dda makəturu tə̂ 15:6

Bbo dəw nayn rɔm tə̂ ang a, dâ kilɛ̂ ddaka tokə barkəm binyə karə n̂-tutu. Ngaâ, dâ koto kungu purô karə puru ɔn.

2 Timɔte 3:5

Dâ ddaje nɛ̂n tokə nje-mə-kunn, a dâ mbətəje singa-mɔngu mə-kunn le. Maji karə ə-turu girii arə dəwjeenn le tɔ.

Titə 1:16

N̂-paje nan n̂-gərəje Lubba, a kula-ddade tɔju to n̂-gərəje Lubba ang. N̂-majije ang, n̂-toje to njê-dɔ-ngəngje, dasəje ta dda kula kə̂ maji kâra ang.

Judə 1:12

Dede le n̂-toje to nɛ̂n-yərəw horose tə̂, see njê-mə-kunnje ndɔ kɔn muru mə-kâra tə̂ ləse. Dusaje nɛ̂n ngaâ dayje nɛ̂n kə rɔ-kul ang darəje məde ndann ngaâ dəjəje kə dɔde tə̂, dede njaa. N̂-toje tokə lə ndi kə̂ in, a ərə ang, mba ləl ɔsu ɔtu nɛ̂n. N̂-toje tokə kakə kə̂ nɛyn kandə lə kakəje asə a, andə ang. Tokə kakəje kə̂ n̂-tɔru kə ngirɛ̂ baa darə oy njan.

Apokalisi 22:11

Maji karə dəw kə̂ to gatə gatə ang, to gatə gatə ang kə kete kete bbay. Ngaâ nje-nɛ̂n-yərəw ddee to nje-nɛ̂n-yərəw kə kete kete bbay. A maji karə dəw kə̂ to gatə gatə dda nɛ̂n kə̂ gatə gatə kə kete kete bbay. Ngaâ maji karə dəw kə̂ sangə rɔɛ̂ mba Lubba, sangə rɔɛ̂ kə kete kete bbay.»