Matiye 21:11 - Dɔnɔn kə̂ Siki: Tar kə̂ aw arə təbbə

¹¹ Dəwje kə̂ banya le ilaje tə̂ nan: «Jeju kə̂ to nje-kila mbər tar lə Lubba â nəənn, nin Najarɛtə, nangə Galile tə̂.»

Maketuru le Lubba ke tar kabba

¹¹ Dewje ke banya le ilaje te na: «Jeju, nje-kila mber-tar le Lubba ann, nin Najarete nange Galile te.»

Matiye 21:11 ပူးပေါင်းရင်းမြစ်များ

Matiye 2:23

Naw ngaâ n̂-dda bbe kə̂ Najarɛtə. Yeenn bba karə tar kə̂ njê-kilaje mbər tar lə Lubba paje le ddee to tar kə̂ tɔkɔrɔ. Tar le nan: «Dâ bbarɛ̂ to dəw kə̂ Najarɛtə.»

Matiye 21:10

Jeju andə Jerujalɛm a, mə bbe tɔyn yəkə. Dəwje dujuje tar nan: «Nân â nəənn wa?»

Matiye 21:26

Bbo n-paje nan: ‹Dəwje› a, a to tokə baânn wa?» Mba n̂-bbəəl kəm dəwje kə̂ banya le, mba dəwje tɔyn gərəje to Jan to nje-kila mbər tar lə Lubba.

Matiye 21:46

N̂-sangəje ddəw ta kuwɛ̂je, a n̂-bbəəlje kəm dəwje kə̂ banya, mba dəwje le gərəje to Jeju to marə nje-kila mbər tar lə Lubba.

Marke 6:15

Marɛ̂je paje nan: «To Eli.» A marɛ̂je paje nan: «Marə nje-kila mbər tar lə Lubba tokə lə marɛ̂je kə̂ ləw â nəənn.»

Luku 13:33

A maji karə m-nja nja ləm bbokənɛn, bara kə nunan. Mba ddəw kə̂ ta karə nje-kila mbər tar lə Lubba oy nɛ̂n marə lo tə̂ dang kə Jerujalɛm goto.›

Luku 24:19

Jeju dujude nan: «Ddi wa?» Dilɛ̂je tə̂ nan: «Nɛ̂n kə̂ inga Jeju kə̂ Najarɛtə. N̂-to nje-kila mbər tar lə Lubba kə̂ ngəng nya ddəw kula tə̂ ddəm ddəw tar tə̂ ddəm nɔn gɔl Lubba tə̂ kə nɔn gɔl dəwje tə̂ tɔyn.

Luku 7:16

Bbəəl uta dɔ dəwje le tɔyn. Dɔsuje gaji Lubba, n̂-paje nan: «Marə tɔkə nje-kila mbər tar lə Lubba tee horoje tə̂, Lubba ddee ta dda maji kə dəwje laa.»

Luku 7:39

Parijinyɛ le oo baann a, pa məɛ̂ tə̂ nan: «Bbo dingaw nəənn to nje-kila mbər tar lə Lubba tɔkɔrɔ a, nâ gərə to dɛnɛ̂n kə̂ aw ɔrɛ̂ nəənn to nje-nɛ̂n-dda kə̂ maji ang.»

Tar kə̂ Maji kə̂ Jan dda makəturu tə̂ 1:21

N̂-dujeje nan: «Yeenn a, ə-to nan wa? Ə-to Eli wa?» Jan ilade tə̂ nan: «M-to Eli ang.» N̂-təl n̂-dujeje bbay nan: «Ə-to nje-kila mbər tar wa?» Jan ilade tə̂ nan: «M-to nje-kila mbər tar ang.»

Tar kə̂ Maji kə̂ Jan dda makəturu tə̂ 1:25

N̂-dujeje nan: «Ə-to Kristə ang ddəm Eli ang ddəm ə-to nje-kila mbər tar lə Lubba ang ddəm. A mba ddi bba aw dda dəwje batɛm wa?»

Tar kə̂ Maji kə̂ Jan dda makəturu tə̂ 4:19

Yeenn ngaâ dɛnɛ̂n le pa arɛ̂ nan: «Əbbə-dəwje, moo a, ə-to nje-kila mbər tar lə Lubba.

Tar kə̂ Maji kə̂ Jan dda makəturu tə̂ 6:14

Dəwje le ooje nɛ̂n-mɔri kə̂ Jeju dda le a, n̂-paje nan: «Ne njaa â n̂-to nje-kila mbər tar lə Lubba kə̂ a ta ddee dɔ nangə tə̂ le.»

Tar kə̂ Maji kə̂ Jan dda makəturu tə̂ 7:40

Dəwje kə̂ banya le ooje tar lə Jeju le ngaâ marɛ̂je paje nan: «Dəw nəənn to Nje-kila mbər tar lə Lubba le njaa.»

Tar kə̂ Maji kə̂ Jan dda makəturu tə̂ 9:17

Yeenn ngaâ n̂-təl n̂-dujuje dəw kə̂ kəmɛ̂ tɔ ləw le bbay nan: «A əi, tar ddi â ə-pa dɔ dəw tə̂ kə̂ dda arə oo lo le wa?» Nilade tə̂ nan: «N̂-to nje-kila mbər tar lə Lubba.»

Kulaje 7:37

Ne Mɔyijə le â n̂-pa narə ngann Ijarayɛlje nan: ‹Lubba a kula marə ngokɔnse karəse to nje-kila mbər tar lə Lubba tokə əman nəənn.›