Matiye 20:19 - Dɔnɔn kə̂ Siki: Tar kə̂ aw arə təbbə

¹⁹ ngaâ dâ kilɛ̂ ji dəwje tə̂ kə̂ gərəje Lubba ang karə dɔjɛ̂je n̂-kokoje nɛ̂n. Dâ tundɛ̂ kə ndəy ngaâ dâ tɔlɛ̂ kakə-dəsə tə̂. Ndɔ mota laa a, nâ ndol.»

Maketuru le Lubba ke tar kabba

¹⁹ ngaa da kilae ji dewje te ke gereje Lubba ang kare dɔjeje n̂-kokoje ne. Da tundae ke ndey, ngaa da tɔle kake-dese te. Ndɔ mota laa a, na kin horo dewje te ke oy.»

Matiye 20:19 ပူးပေါင်းရင်းမြစ်များ

Matiye 12:40

Tɔkɔrɔ tə̂ njaa, tokə Jonas kə̂ dda ndɔ mota kə til mota mə tɔkə kanji tə̂ le, Ngonn lə dəw a dda ndɔ mota kə til mota mə nangə tə̂ tɔ.

Matiye 16:21

Dɔ ndɔɛ̂ tə̂ənn njaa, Jeju unn kutu pa kə ddaka karə njê-njaje goe tə̂ nan to tar laa ta kaw Jerujalɛm, ta koo ndoo ji tɔkəje tə̂ lə Jiipije kə mbayje lə njê-poloje Lubba kə njê-gərəje-Ndu. Dâ karə n̂-tɔlɛ̂ ta ndɔ mota goe tə̂ a, nâ ndol.

Matiye 17:23

Dâ tɔlɛ̂je ngaâ ndɔ mota laa a nâ ndol.» Njê-njaje go Jeju tə̂ ooje tar le a, ndingaje ndoo nya.

Matiye 27:26

Yeenn ngaâ Pilatə ɔru Barabas arəde. Narə n̂-tunda Jeju kə ndəy ngaâ nulɛ̂ jide tə̂ karə n̂-tɔlɛ̂ kakə-dəsə tə̂.

Matiye 27:63

n̂-paje nan: «Dəw kə̂ bo, jole məje to, dɔ ndɔ tə̂ kə̂ nje-kərə dəwje nəənn le nayn nɛ̂n kəm baa bbay le, n̂-pa nan: ‹Ndɔ mota go yo tə̂ ləm a, mâ ndol.›

Marke 14:65

Marɛ̂je unnje kutu ti wənrə dɔɛ̂ tə̂. N̂-tɔje kəmɛ̂, n̂-bbirije jide n̂-tundɛ̂je nɛ̂n ngaâ n̂-dujeje nan: «Nân undai nəənn wa? Ə-pa arə joo.» Njê-kulaje lə tɔkə mbay tɛɛ̂je ngaâ tundaje ka-mbɔrɛ̂.

Marke 15:1

Kə əsindɔɔ baa njaa, mbayje lə njê-poloje Lubba mbɔnje naan kə tɔkəje lə Jiipije, njê-gərəje-Ndu kə kəsə njê-gangəje sariya tɔyn ta koo nɛ̂n kə̂ ta dda. Darə n̂-tɔ Jeju ngaâ daw saa nɔn gɔl Pilatə tə̂.

Marke 15:15

Pilatə ndiki ta dda karə rɔ dəwje kə̂ banya le nəəlde. Yeenn bba nɔru Barabas kəy-kula tə̂ narəde. Narə n̂-tunda Jeju kə ndəy a nulɛ̂ ji mbambaje tə̂ karə n̂-tɔlɛ̂ kakə-dəsə tə̂.

Luku 18:32

Mba dâ kilɛ̂ ji dəwje tə̂ kə̂ toje to Jiipije ang, dəwje a kɔjɛ̂je koko nɛ̂n, dâ ddɛɛ̂je maji ang, dâ tibbije wənrə dɔɛ̂ tə̂.

Luku 23:11

Erodə kə mbambaje laa ooeje maji ang kəmde tə̂. N̂-kokeje ngaâ dulɛ̂je kubbu kə̂ ndɔnrɛn. Goe tə̂ a, dulɛ̂je darə Pilatə guku.

Luku 24:46

N̂-pa narəde nan: «Makəturu lə Lubba pa nan: ‹Kristə le a koo ndoo ngaâ ndɔ mota a, nâ ndol.

Kulaje 2:23

Jeju le dunnɛ̂ dulɛ̂ jise tə̂ ddəw kâra baa kə ndu kə̂ Lubba njaa unn tokə kete ddəm nɛ̂n kə̂ Lubba gɔl ləw baa ddəm. Uwɛ̂je ilɛ̂je ji dəwje tə̂ kə̂ maji ang arəje n̂-tɔlɛ̂je kakə-dəsə tə̂.

Kulaje 21:11

N̂-ddee ningaje ngaâ n̂-taa əndaar-kuwa-bbər lə Pɔl, n̂-tɔ nɛ̂n gɔlɛ̂ kə jia ne njaa ngaâ n̂-pa nan: «Ndil-mə-nda pa nan Jiipije a tɔje nje-əndaar kuwa-bbər nəənn Jerujalɛm tokə be ngaâ dâ kulɛ̂je ji dəwje tə̂ kə̂ gərəje Lubba ang.»

Kulaje 4:27

«Tɔkɔrɔ njaa, Erodə de kə Pɔnsə Pilatə n̂-mbɔnje naan mə bbe tə̂ nəənn kə dəwje kə̂ gəlde to dang ddəm dəwje kə̂ Ijarayɛl ddəm mba mbətə nɛ̂n Jeju kə̂ to nje-kula ləi kə̂ undɛ̂ dang to Kristə le.