Matiye 20:1 - Dɔnɔn kə̂ Siki: Tar kə̂ aw arə təbbə

¹ «Tar Bbe-kɔn kə̂ darâ to tokə tar lə marə nje-ndɔɔ kə̂ tee kə əndɔɔ baa mba sangə dəwje karə aw ndɔɔ binyə tə̂ laa.

Maketuru le Lubba ke tar kabba

¹ «Tar Bbe-kɔn le Lubba to toke tar le mare nje-ndɔɔ ke tee ke esin baa mba sange dewje kare aw ndɔɔ binye te laa.

Matiye 20:1 ပူးပေါင်းရင်းမြစ်များ

Matiye 13:24

Jeju təl pa marə gusu-tar arəde nan: «Bbe-kɔn kə̂ darâ to kâra baa kə dəw kə̂ dubbu kandə-ko kə̂ maji mə ndɔɔ tə̂ laa.

Matiye 13:31

Jeju təl pa marə gusu-tar arəde bbay nan: «Bbe-kɔn kə̂ darâ to kâra baa kə kandə-ko kə̂ ria nan mutardə kə̂ dəw dubbu mə ndɔɔ tə̂ laa.

Matiye 13:33

Jeju pa marə gusu-tar arəde bbay nan: «Bbe-kɔn kə̂ darâ to kâra baa kə wum kə̂ dɛnɛ̂n bɔkɔlɔ nɛ̂n nduju kə̂ mə ka tə̂ mota arə ndərəng a, bɔr nduju le tɔyn ti.»

Matiye 13:47

«Bbe-kɔn kə̂ darâ to kâra baa tɔ kə ddəngə kə̂ dila ba-katə tə̂ ngaâ uwa kanjije dang dang.

Matiye 20:2

Ne kə dəwje le dooje ta naan karə nukade kandə narɛ kâra mba ndɔ kâra kâra. Goe tə̂ a, narə dawje ndɔɔ binyə tə̂ laa le.

Matiye 21:28

Jeju pa arəde bbay nan: «Ddi â əjəje dɔ tar tə̂ kə̂ mâ ta pa karəse nəənn wa? Marə dingaw, ngannɛ̂ kə̂ dingaw eeje joo. N̂-pa narə ne kə̂ tɔkə nan: ‹Ngonnəm, aw bbokənɛn aw dda kula mə ndɔɔ binyə tə̂ ləm.›

Matiye 22:2

«Tar Bbe-kɔn kə̂ darâ to kâra baa kə tar nəənn: Marə tɔkə mbay dda kusu taa-naan lə ngonnɛ̂ kə̂ dingaw.

Matiye 23:37

«See dəwje kə̂ Jerujalɛm! See dəwje kə̂ Jerujalɛm! Sese kə̂ aw tɔlje njê-kilaje mbər tar lə Lubba ngaâ aw tilaje dəwje kə̂ Lubba ulade arəse kə ər aw tɔljede. M-ndiki nya ta mbɔnse tokə kɔn-kunja aw mbɔn ngannɛ̂ kɔ bakɛ̂ tə̂, a ə-ndikije ang.

Matiye 25:1

«Yeenn a, Bbe-kɔn kə̂ darâ a to tokə tar lə marə ngann mandəje dɔku kə̂ otoje lambeje ləde ta kaw tila nɛ̂n kəm dingaw kə̂ nje-taa dɛnɛ̂n.

Matiye 25:14

«Tar Bbe-kɔn lə Lubba a to ddəw kâra baa kə tar lə marə dingaw kə̂ a ta kaw mba tə̂ a, bbar njê-kulaje laa ngaâ inya nɛ̂n-kingaje laa jide tə̂.

Matiye 3:2

N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Marke 13:34

Nɛ̂ɛnn a to tokə dəw kə̂ a ta kaw kə mba tə̂ ngaâ inya nɛ̂nje mə ji njê-kulaje tə̂ laa. Narə dəw kâra kâra kula laa karə dda. Nunn ndu narə nje-ngəm ta-kəy karə tibbi ang.

Tar kə̂ Maji kə̂ Jan dda makəturu tə̂ 15:1

«Əman, m-to kakə binyə kə̂ tɔkɔrɔ. A Bɔmje to nje-ndɔɔ binyə le.

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!