Matiye 2:2 - Dɔnɔn kə̂ Siki: Tar kə̂ aw arə təbbə

² ngaâ n̂-dujuje nan: «Tɔkə mbay lə Jiipije kə̂ duje le ee dda wa? Mba joo əndɛtɛrɛndɛn laa ər kə kəm kar tə̂, mba yeenn le bba n-ddee ta pole.»

Maketuru le Lubba ke tar kabba

² ngaa n̂-dujuje na: «Tɔku-mbay le Jiipije ke duje le ee dda wa? Mba joo endenterenden laa er ke lo tee te le kare, are n-ddee ta poloe.»

Matiye 2:2 ပူးပေါင်းရင်းမြစ်များ

Matiye 2:3

Tɔkə mbay Erodə oo tar le a, tar le jɔkɛ̂ nya ngaâ dəwje tɔyn kə̂ Jerujalɛm kara tar le jɔkude nya tɔ.

Matiye 21:5

«Ə-paje arə dəwje kə̂ Sinyɔ: Ooje, mbay ləse aw ddee kə rɔse tə̂, n̂-to dəw kə̂ wul pee, nisi dɔ kɔn kororo tə̂, kə dɔ ngonn kororo tə̂ kə̂ to da kə̂ daw dda nɛ̂n kula.»

Matiye 27:11

Daw kə Jeju nɔn ngonn mbay Pilatə tə̂. Ngonn mbay le duje nan: «Ə-to tɔkə mbay lə Jiipije wa?» Jeju ilɛ̂ tə̂ nan: «Əi njaa ə-pa mban.»

Luku 19:38

N̂-paje nan: «Lubba bbar tar kə̂ maji dɔ tɔkə mbay tə̂ kə̂ ddee kə ri Əbbə-dəwje! Mə-wul-lɔm to mə dara tə̂, piti to loje tə̂ kə̂ ddutu dara tə̂ nu!»

Luku 2:11

Bbokənɛn, duju Nje-kaji-dəwje darəse bbe tə̂ lə Dabbiti, n̂-to Kristə, Əbbə-dəwje.

Luku 23:3

Pilatə duju tar Jeju nan: «Ə-to tɔkə mbay lə Jiipije wa?» Jeju ilɛ̂ tə̂ nan: «Əi njaa ə-pa.»

Luku 23:38

N̂-bbərə makəturu dɔ kakə-dəsə tə̂ le taar nan: «Tɔkə mbay lə Jiipije â nəənn.»

Tar kə̂ Maji kə̂ Jan dda makəturu tə̂ 1:49

Yeenn ngaâ Natanayɛl le pa arɛ̂ nan: «Nje-nɛ̂n-tɔju, ə-to Ngonn lə Lubba, ə-to tɔkə mbay kə̂ Ijarayɛl.»

Tar kə̂ Maji kə̂ Jan dda makəturu tə̂ 12:13

Dede tɔyn njaa n̂-tije kam mburuje duwaje jide tə̂ ngaâ dinje mə bbe tə̂ le n̂-tilaje kəmɛ̂. Duruje əkii nan: «Jɔsuje gaji Lubba! Maji karə Lubba bbar tar kə̂ maji dɔ dəw tə̂ kə̂ ddee kə ri Əbbə-dəwje! N̂-to tɔkə mbay kə̂ Ijarayɛl!»

Tar kə̂ Maji kə̂ Jan dda makəturu tə̂ 18:37

Pilatə duje nan: «Yeenn a, ə-to tɔkə mbay wa?» Jeju ilɛ̂ tə̂ nan: «Əi njaa ə-pa. M-to tɔkə mbay. Nɛ̂n kə̂ dujum mbɛɛ̂ ngaâ nɛ̂n kə̂ m-ddee duninya tə̂ mbɛɛ̂ â nəənn: M-ddee ta kɔru naji lə tar kə̂ tɔkɔrɔ. Dəw kə̂ to ənga tar kə̂ tɔkɔrɔ aw oo tar kə̂ maw pa.»

Tar kə̂ Maji kə̂ Jan dda makəturu tə̂ 19:19

Pilatə arə n̂-dda makəturu n̂-bbərə dɔ kakə-dəsə tə̂ le taar nan: «Jeju kə̂ Najarɛtə, tɔkə mbay lə Jiipije.»

Tar kə̂ Maji kə̂ Jan dda makəturu tə̂ 20:28

Toma le ilɛ̂ tə̂ nan: «Əbbəmje, Lubba ləm!»

Tar kə̂ Maji kə̂ Jan dda makəturu tə̂ 5:23

Yeenn bba karə dəwje tɔyn walje Ngonn le, ddəw kâra baa tokə dəwje tɔyn walje Bɔ. Dəw kə̂ wal Ngonn ang, wal Bɔ kə̂ ulɛ̂ le ang tɔ.

Tar kə̂ Maji kə̂ Jan dda makəturu tə̂ 9:38

Yeenn ngaâ dingaw le pa nan: «Əbbə-dəwje, moo məm tə̂.» Ngaâ nɔsu məkəjə-gɔlɛ̂ nɔn Jeju tə̂ le.

Ebərəje 1:6

A kar tə̂ kə̂ Lubba aw ula ngonn-dəre dɔ nangə tə̂ le, n̂-pa nan: «Maji karə anjəje lə Lubba tɔyn poleje.»

Apokalisi 22:16

«Əman Jeju, mula anjə ləm karə pa tar-najije nəənn tɔyn arəse mə Egilisije tə̂. M-to dəw kə̂ gəl nuju tə̂ lə Dabbiti. M-to əndɛtɛrɛndɛn kə̂ ta lo-karɛ tə̂ kə̂ ndoko nya.»