Matiye 2:13 - Dɔnɔn kə̂ Siki: Tar kə̂ aw arə təbbə

¹³ Go kɔtu tə̂ kə̂ njê-nɛ̂n-gərəje le ɔtuje a, anjə lə Əbbə-dəwje ddee kə nin dɔ Jojɛpə tə̂ pa arɛ̂ nan: «In taar, unn ngonn le kə kɔɛ̂nje. Aynje awje Ejipitə ta ə-nayn nunn ndərəng ndɔ kə̂ mâ pa kari karə ə-təl bba, mba Erodə a sangə ddəw ta tɔl ngonn le.»

Maketuru le Lubba ke tar kabba

¹³ Go kɔte te le nje-ne-gereje le a, anji le Ebbe-dewje ddee ke ni dɔ Jejebbe te ngaa pa are na: «In taar, unn ngonn le de ke kɔenje bbo ayn aw Ejipite ta e-nayn nunn ndereng ndɔ ke ma pa kari kare e-tel, mba Erode a sange ddew ta tɔl ngonn le.»

Matiye 2:13 ပူးပေါင်းရင်းမြစ်များ

Matiye 1:20

Jojɛpə aw əjə tar nəənn le məɛ̂ tə̂ bbay a, marə anjə lə Əbbə-dəwje tee ingɛ̂ mə nin tə̂ ngaâ pa arɛ̂ nan: «Jojɛpə dəw kə̂ gəl Dabbiti tə̂, ə-bbəəl ang bbo ə-taa Mari to dɛnɛ̂n ləi, mba səm lə ngonn kə̂ to məɛ̂ tə̂ le ddee ddəw tə̂ lə Ndil-mə-nda.

Matiye 10:23

Bbo n̂-dda singa kə se marə tɔkə bbe tə̂ a, aynje awje marɛ̂ tə̂. M-pa tar kə̂ tɔkɔrɔ, â nayn njaje mə tɔkə bbeje tə̂ kə̂ Ijarayɛl tɔyn ang bbay a, Ngonn lə dəw a ddee.

Matiye 2:12

Goe tə̂ a, Lubba ndɔru mbide mə nin tə̂ karə n̂-təlje rɔ Erodə tə̂ ang, ta dunnje ddəw kə̂ dang n̂-təlje nɛ̂n bbe ləde.

Matiye 2:14

Tile tə̂ənn njaa, Jojɛpə in taar unn ngonn le kə kɔɛ̂nje ngaâ dawje Ejipitə.

Matiye 2:16

Erodə le gərə to njê-nɛ̂n-gərəje le ulɛ̂je naan tə̂ ngaâ wungu ɔɛ̂n nya. Yeenn bba, nunn ndu karə n̂-tɔl ngannje kə̂ dingaw kə̂ bbalde joo wase bbalde aw ngɔsi kə bbal joo mə bbe tə̂ kə̂ Betelehɛm kə mə bbeje tə̂ kə̂ mbɔrɛ̂ tə̂, asə kəm ndɔje kə̂ nje-nɛ̂n-gərəje ɔjuje arɛ̂je.

Matiye 2:22

Jojɛpə oo nan Arkelawos â ɔn bbe nangə tə̂ kə̂ Jude turu bɔɛ̂je Erodə tə̂ ngaa a, n̂-bbəəl ta təl. A Lubba pa tar arɛ̂ kə nin ngaâ naw nangə tə̂ kə̂ Galile.

Kulaje 10:22

Dilaje tə̂ nan: «Kɔrnɛy kə̂ to nje-kɔn dɔ mbambaje â ulaje. N̂-to dəw kə̂ gatə gatə ngaâ naw bbəəl Lubba. Jiipije tɔyn aw paje tar laa maji. Anjə lə Lubba pa arɛ̂ karə n̂-bbari mə kəy tə̂ laa, karə noo tar kə̂ a ta pa karɛ̂.»

Kulaje 10:7

Anjə kə̂ pa tar le ɔtu a, Kɔrnɛy le bbar njê-kulaje laa joo kə marə mbamba laa kâra kə̂ aw bbəəl Lubba.

Kulaje 12:11

Yeenn ngaâ Piyɛr gərə rɔɛ̂ ngaâ pa nan: «Bbasinɛn m-gərə ngaa. Tɔkɔrɔ njaa, Əbbə-dəwje ula anjə arə ɔrum ji Erodə tə̂ ddəm mə nɛ̂n tə̂ kə̂ maji ang kə̂ Jiipije ndikije ta dda səm ddəm.»

Kulaje 12:7

A ta koo a, marə anjə lə Əbbə-dəwje unda lo tee ngaâ mə kəy-kula le ndoko. Anjə le ɔru kar Piyɛr arə ndol ngaâ pa nan: «In taar njangə.» Kula njamjije kə̂ jia tə̂ le gaynje nangə̂.

Kulaje 16:36

Nje-ngəm ta kəy-kula le ndaji tar le arə Pɔl nan: «Njê-gangəje sariya ulaje karə minyase. Yeenn a, ə-teeje ta awje kə lapiya.»

Kulaje 5:19

A marə anjə lə Əbbə-dəwje ddee til tə̂ tɔru ta kəy-kula arə n̂-teeje ngaâ pa arəde nan:

Kulaje 7:19

Tɔkə mbay le ərə njê kə̂ ləje ngaâ dda kajejedede maji ang. Nuwade kə singa narə n̂-tusuje ngann əngutayje ləde dinyade darə oyje.

Apokalisi 12:14

A darə dɛnɛ̂n le ubba bakɛ̂ joo tokə lə bakə tɔkə təndə karə nin nɛ̂n naw nɛ̂n mə kɔr tə̂, lo tə̂ kə̂ n̂-gɔl mbɛɛ̂, karə darɛ̂ nɛ̂n-kusa tə̂ n̂-gəmɛ̂ nɛ̂n, ddəw əw kə li le. Nâ nayn baann lo tə̂ənn mba bbal mota kə gɛɛ̂n.

Apokalisi 12:4

Bbo n̂-kayn horo əndɛtɛrɛndɛnje kə̂ darâ loe mota a, bbɔngu tɔkə da le saa dəbbə əndɛtɛrɛndɛnje loe kâra tilade nangə̂. Tɔkə da le ddee ar nɔn dɛnɛ̂n tə̂ kə̂ aw nduru ndo le aw nginan ta bbo nuju be njaa a, kunn ngonn kə̂ nuje le kusɛ̂ kure kə loe baa.

Apokalisi 12:6

A dɛnɛ̂n le ayn aw mə kɔr tə̂, lo tə̂ kə̂ Lubba gɔl arɛ̂ karə n̂-ngəmɛ̂ kə nɛ̂n-kusa tə̂ mba ndɔ doro kâra kə kɔr joo gire dɔmisan (1 260).