Matiye 19:27 - Dɔnɔn kə̂ Siki: Tar kə̂ aw arə təbbə

²⁷ Piyɛr pa arɛ̂ nan: «Oo, jinya nɛ̂nje tɔyn, a junn goi. Tar kə̂ dɔje tə̂ a to tokə baânn wa?»

Maketuru le Lubba ke tar kabba

²⁷ Piyar pa are na: «Oo, jinya neje leje tɔyn ngaa junn goi. Tar ke dɔje te a to toke baann wa?»

Matiye 19:27 ပူးပေါင်းရင်းမြစ်များ

Matiye 19:26

Jeju aade ngaâ pa arəde nan: «Nɛ̂ɛnn, to nɛ̂n kə̂ nya dəwje. A Lubba asə ta dda nɛ̂n tɔyn.»

Matiye 19:28

Jeju pa arəde nan: «M-pa tar kə̂ tɔkɔrɔ marəse, ndɔ kə̂ nɛ̂nje tɔyn a turuje tokə siki, kar tə̂ kə̂ Ngonn lə dəw a kisi ngende-mbay tə̂ kə̂ to nɛ̂n-piti, sese kə̂ unnje gom kara â kisije dɔ ngende-mbayje tə̂ dɔku gire joo, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo tɔ.

Matiye 9:9

Jeju in lo tə̂ənn le aw ɔtu a, noo marə dingaw kə̂ daw bbarɛ̂ nan Matiye kə̂ isi lo taa narɛ lambo tə̂. Jeju pa arɛ̂ nan: «Unn gom.» Matiye le in taar ngaâ unn goe.

Marke 10:28

Yeenn ngaâ Piyɛr pa arɛ̂ nan: «Oo! Jinya nɛ̂nje tɔyn, a junn goi.»

Marke 2:14

Kar kə̂ naw nday a, noo Lebi ngonn lə Alpe kə̂ isi lo taa narɛ lambo tə̂. Jeju pa arɛ̂ nan: «Unn gom.» Lebi le in taar ngaâ unn goe.

Luku 14:33

Yeenn le bba Jeju ila tə̂ nan bbo marə dəw horose tə̂ mbətə nɛ̂n-kingaje laa tɔyn ang a, nâ to nje-nja gom tə̂ ang.

Luku 15:29

A nila bɔɛ̂je tə̂ nan: ‹Oo, m-dda kula mari bbal banya nya ngaâ maal tai ndɔ kâra ang. Ngonn binya be njaa kara arəm m-dda nɛ̂n nɛ̂n-kusa m-bbar nɛ̂n njê-buwa-kuraje ləm ndɔ kâra ang.

Luku 18:28

Piyɛr pa nan: «Oo, jinya nɛ̂nje ləje tɔyn a junn goi.»

Luku 5:11

N̂-ddeeje kə toje le kar mbal tə̂ ngaâ dinyaje nɛ̂nje tɔyn, a dunnje go Jeju.

1 Kɔrɛntinyɛje 1:29

Baann bba dəw a kasə kunda gue nɔn Lubba tə̂ ang.

1 Kɔrɛntinyɛje 4:7

Ddi â tɔju to ə-to dəw kə̂ dang wa? Nɛ̂n tɔyn kə̂ ee nɛ̂n to Lubba â ari ang wa? Yeenn a, mba ddi bba aw unda nɛ̂n gui tokə Lubba â ari ang wa?

Pilipinyɛje 3:8

Tɔkɔrɔ, moo nɛ̂njeenn le tɔyn to nɛ̂n kə̂ baa. Tɔkə nɛ̂n-kinga â to ta gərə Əbbəmje Jeju-Kristə. Minya nɛ̂nje tɔyn ɔju dɔ Kristə ngaâ moo nɛ̂n tɔyn tokə lə yərəw mba kinga Kristə le