Matiye 18:31 - Dɔnɔn kə̂ Siki: Tar kə̂ aw arə təbbə

³¹ Kəsə njê-kula marɛ̂je ooje baann a, ddade ndoo ngaâ daw dɔru gəl nɛ̂njeenn le tɔyn darə əbbədede le.

Maketuru le Lubba ke tar kabba

³¹ Kese nje-kula mare ooje baann a ddade ndoo ngaa daw dɔru gel nejeenn le tɔyn dare ebbedede le.

Matiye 18:31 ပူးပေါင်းရင်းမြစ်များ

Matiye 14:9

Rɔ tɔkə mbay Erodə nəəle ang. A mba nunda yo kəm dəwje tə̂ kə̂ n̂-bbarde mban le, nunn ndu karə darɛ̂ nɛ̂ɛnn le.

Matiye 18:28

Kar tə̂ kə̂ nje-kula le tee ddaka a, oo marə nje-kula marɛ̂ kə̂ bbangə laa to dɔɛ̂ tə̂ kandə narɛ dɔdɔku. Nuwa gɔsɛ̂ n̂-tɔ naan tə̂, n̂-pa narɛ̂ nan: ‹Uka bbangə ləm!›

Matiye 18:30

A Nje-kula le mbətə ngaâ uwɛ̂ ilɛ̂ kəy-kula tə̂ karə n̂-nayn tə̂ənn ndərəng ta nuka bbangə laa le tɔyn bba ta dinyɛ̂.

Matiye 18:32

Yeenn bba, əbbədede le ula bbarɛ̂ ngaâ pa arɛ̂ nan: ‹Əi, nje-kula kə̂ maji ang! Mɔru bbangə ləm kə̂ to dɔi tə̂ tɔyn, mba rɔi kə̂ ə-dda to ndoo arəm.

Marke 3:5

Jeju aade tɔyn kə wungu. Rɔɛ̂ nəəle ang mba dəwje ddaje arə məde kətərə. Yeenn ngaâ n̂-pa narə dəw le nan: «Ə-ndɔju jii.» Dəw le ndɔju jia ngaâ jia le təl ddee maji.

Luku 14:21

Nje-kula le təl ngaâ ndaji tarjeenn le arə əbbeeje le. A wungu ɔn nje-kəy le ngaâ pa arə nje-kula laa le nan: ‹Aw njangə lo tə̂ kə̂ dəwje banya tə̂ kə dɔ ddəwje tə̂ kə̂ tɔkə bbe tə̂ nəənn, ə-ddee kə njê-ndooje kə njê kə̂ jide wase gɔlde goto, njê-kəm-tɔje kə njê-mətəje lo tə̂ nəənn.›

Luku 19:41

Jeju ddee ngɔsi kə Jerujalɛm ngaâ oo bbe le a nɔn mbɛɛ̂.

Rɔmɛnje 12:15

Maji karə ə-ddaje rɔ-nəəl kə njê kə̂ aw ddaje rɔ-nəəl, ə-nɔnje kə njê kə̂ aw nɔnje.

2 Kɔrɛntinyɛje 11:21

To rɔ-kul ləm ta pa: Moo a, tokə nɛ̂n kə̂ n-toje to njê-yɔɔje njaa nyɔm. M-pa tar tokə nje-wooy, m-pa nan: Bbo dəw tay unda gue mba marə nɛ̂n a, əman kara, mâ tay kunda gum tɔ.

Ebərəje 13:17

Maji karə ooje ta dəwje kə̂ aw tɔjuse ddəw ngaâ ə-bbəəljede. Mba daw dundaje kəmde dɔse tə̂. Ngaâ a to tar ləde ta pa go nɛ̂n tɔyn dɔse tə̂ nɔn Lubba tə̂. Maji karə ə-ddaje arə n̂-ddaje kula ləde kə rɔ-nəəl bbo kə kəm-rɔ ang, mba a kumanse kâra ang.

Ebərəje 13:3

Maji karə əjəje dɔ dəwje tə̂ kə̂ toje kəy-kula tə̂ tokə nɛ̂n kə̂ sese njaa â ə-toje kəy-kula tə̂ le kə de tɔ. Maji karə əjəje dɔ dəwje tə̂ kə̂ daw ddade maji ang tokə nɛ̂n kə̂ sese njaa â daw ddase maji ang tɔ.