Matiye 17:20 - Dɔnɔn kə̂ Siki: Tar kə̂ aw arə təbbə

²⁰ Jeju pa arəde nan: «Mba mə-kunn ləse tɛn baa. Tɔkɔrɔ m-pa marəse, bbo mə-kunn ləse tɛn baa tokə lə kandə-ko kə̂ ria nan mutardə bba ə-paje arəje ddingiri nəənn ə-paje nan: ‹Ə-ngəsə nəənn aw to yoonn› a, nâ ngəsə. Marə nɛ̂n kâra kə̂ a nyase goto. [

Maketuru le Lubba ke tar kabba

²⁰ Jeju pa arede na: «Mba koo me te lese ten baa. Tɔkɔrɔ m-pa marese, bbo koo me te lese to ten baa toke le kande ko ke ria na motarde a e-paje are ddingiri neenn na: ‹E-ngese neenn aw to yonn› a, na ngese.› Mare ne kara ke a kuta singase goto.

Matiye 17:20 ပူးပေါင်းရင်းမြစ်များ

Matiye 13:31

Jeju təl pa marə gusu-tar arəde bbay nan: «Bbe-kɔn kə̂ darâ to kâra baa kə kandə-ko kə̂ ria nan mutardə kə̂ dəw dubbu mə ndɔɔ tə̂ laa.

Matiye 14:29

Jeju pa nan: «Ə-ddee!» Piyɛr in mə tɔkə to tə̂ le ddisi ngaâ unn kutu nja dɔ maann tə̂ le ta kaw kə rɔ Jeju tə̂.

Matiye 17:17

Jeju pa nan: «See dəwje kə̂ mə-kunn ləse goto nəənn, mâ nayn kə se be mba ndɔ baânn wa? Mâ kumanse mba ndɔ baânn bbay wa? Ə-ddeeje kə ngonn le arəmje.»

Matiye 17:19

Goe tə̂ a, njê-njaje go Jeju tə̂ le ddeeje rɔɛ̂ tə̂, dede kə karəde baa saa bba n̂-dujeje nan: «Mba ddi bba jeje juman kə tubba ndil le pin wa?»

Matiye 17:9

Kar kə̂ dinje dɔ ddingiri tə̂ le daw ddisije a, Jeju unn ndu nəənn arəde nan: «Dang bba ə-paje tar nɛ̂n kə̂ ooje le arəje dəw ang, ndərəng ndɔ kə̂ Ngonn lə dəw a ndol go koy tə̂ laa.»

Matiye 21:21

Jeju pa arəde nan: «M-pa tar kə̂ tɔkɔrɔ marəse. Bbo mə-kunn ləse to ngaâ əjəje tar dang ang a, â ddaje nɛ̂n kə̂ m-dda kə kakə pigə nəənn. Â kasəje ta pa karə ddingiri nəənn nan: ‹Ɔtu lo tə̂ nəənn aw oso mə ba tə̂› a, nɛ̂ɛnn a ddee to nɛ̂n kə̂ tɔkɔrɔ.

Matiye 8:26

Jeju ilade tə̂ nan: «Mba ddi bba bbəəl uta dɔse wa? See njê kə̂ mə-kunn ləse ngaji baa.» Yeenn ngaâ nin taar, n̂-ndangə ləl le ddəm maann le ddəm ngaâ lo təl to ddekeke.

Marke 11:22

Jeju pa arəde nan: «Unnje məse arəje Lubba.

Marke 11:23

Tɔkɔrɔ njaa m-pa marəse: Bbo dəw pa arə ddingiri toonn nan: ‹Ɔtu lo tə̂ nəənn aw oso baâ›, a bbo kəjə-tar dang to məɛ̂ tə̂ ang, a noo məɛ̂ tə̂ to nɛ̂n le a to a, nɛ̂n le a to njaa.

Marke 4:31

Bbe-kɔn lə Lubba to tokə lə kandə-ko kə̂ ria nan mutardə. Kar dubbe a, to kandə-ko kə̂ tɛn baa uta kəsə kandə-koje tɔyn kə̂ dɔ nangə tə̂.

Marke 9:23

Jeju pa arɛ̂ nan: «Mba ddi bba ə-pa nan: ‹Bbo asə ta dda marə nɛ̂n a›, wa? Dəw kə̂ mə-kunn laa to a kasə dda nɛ̂n tɔyn!»

Luku 1:37

Mba marə nɛ̂n kâra kə̂ nya Lubba goto.»

Luku 17:6

A Əbbə-dəwje ilade tə̂ nan: «Bbo mə-kunn ləse to ngaji tokə lə kandə mutardə kə tɛn baa le a, â kasəje ta pa karə kakə sikɔmɔr nəənn nan: ‹Ɔru rɔi kə ngirai tɔyn aw maan rɔi baâ› a, nâ koo tase.»

Luku 18:27

Jeju ila tə̂ nan: «Nɛ̂n kə̂ nya dəwje nya Lubba ang.»

Tar kə̂ Maji kə̂ Jan dda makəturu tə̂ 11:40

A Jeju ilɛ̂ tə̂ nan: «M-pa mari kete m-pa nan: Bbo oo məi tə̂ a, â koo piti lə Lubba.»

1 Kɔrɛntinyɛje 12:9

Ndil kə̂ kâra baa le njaa arə marə dəw mə-kunn ngaâ arə marə dəw dang gusu kaji nɛ̂n njê-rɔ-toje.

1 Kɔrɛntinyɛje 13:2

Bbo mee kə gusu kila mbər tar lə Lubba wase gusu kɔru gəl nɛ̂nje tɔyn kə̂ toje lo-kiyɛ̂ tə̂ ngaâ m-gərə nɛ̂nje tɔyn wase mə-kunn ləm asə ngəsə ddingirije, a bbo ndiki goto məm tə̂ a, m-to nɛ̂n kə̂ baa.

Ebərəje 3:19

Mba joo a, dandəje dɔ nangə kuwa-rɔ tə̂ le ang, mba dooje məde tə̂ ang.