Matiye 16:27 - Dɔnɔn kə̂ Siki: Tar kə̂ aw arə təbbə

²⁷ Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Maketuru le Lubba ke tar kabba

²⁷ Mba Ngonn le dew a ddee me piti te le Bɔeje, ke anjije laa. Ngaa na kuka dew kara kara ase kula ddae.

Matiye 16:27 ပူးပေါင်းရင်းမြစ်များ

Matiye 13:41

Ngonn lə dəw a kula anjəje laa karə n̂-tɔruje dəwje kə̂ aw ddaje arə mə-kunn lə njê-marədeje aw oso kə dəwje kə̂ aw ddaje nɛ̂nje kə̂ maji ang mə Bbe-kɔn tə̂ laa,

Matiye 13:49

Nɛ̂ɛnn a to tokə baann ddutu ndɔ tə̂ tɔ. Anjəje a ddeeje ta kɔru kəm dəwje kə̂ maji ang kə dəwje kə̂ gatə gatə,

Matiye 24:30

Yeenn ngaâ nɛ̂n kə̂ a tɔju karə dəwje gərəje nɛ̂n təl lə Ngonn lə dəw a kubba mə dara tə̂. Dəwje tɔyn kə̂ duninya tə̂ a nɔnje. Dâ kooje Ngonn lə dəw kə̂ a ddee mə mum tə̂ kə singa-mɔngu nya ddəm kə piti nya ddəm.

Matiye 25:31

«Ndɔ kə̂ Ngonn lə dəw a ddee kə anjəje laa tɔyn mə piti tə̂ laa a, nâ kisi dɔ ngende-mbay tə̂ laa kə̂ to nɛ̂n-piti.

Matiye 26:64

Jeju ilɛ̂ tə̂ nan: «Əi njaa ə-pa mban. A m-pa marəse, bbasinɛn nəənn njaa â kooje Ngonn lə dəw kə̂ isi dɔ ji-kɔl Lubba tə̂ kə̂ nje-singa-mɔngu. A kooeje kar tə̂ kə̂ nâ kin darâ ta ddee mə mum tə̂ tɔ.»

Matiye 8:20

Jeju ilɛ̂ tə̂ nan: «Mulaje, buwa tode to ngaâ əəlje kə̂ darâ kəy tode to, a Ngonn lə dəw, kəy dɔɛ̂ goto.»

Marke 14:62

Jeju ilɛ̂ tə̂ nan: «Ye njaann, m-to Ngonnɛ̂. Â kooje Ngonn lə dəw kə̂ isi dɔ ji-kɔl Lubba tə̂ kə̂ Nje-singa-mɔngu. Nâ kin darâ mə mum tə̂ ta ddee.»

Marke 8:38

Dəw kə̂ dda rɔ-kul ləm kə rɔ-kul tar ləm kəm dəwje tə̂ kə̂ bbokənɛn nəənn, Ngonn lə dəw a dda rɔ-kul laa ndɔ tə̂ kə̂ nâ ddee kə anjəje laa kə̂ majije tɔyn mə piti tə̂ lə Bɔɛ̂je. Mba dəwje kə̂ bbasinɛn nəənn le toje to njê-nɛ̂n-ddaje kə̂ maji ang ddəm dəwje kə̂ pa-nja ləde to kə dannâ ang ddəm.»

Luku 21:27

Kar tə̂ənn, dəwje a kooje Ngonn lə dəw kə̂ a ddee mə mum tə̂ kə singa-mɔngu laa tɔyn ddəm piti laa tɔyn ddəm.

Luku 22:69

A kunn-kute bbasinɛn, Ngonn lə dəw a kisi dɔ ji-kɔl Lubba tə̂ kə̂ to nje-singa-mɔngu.»

Luku 9:26

Tɔkɔrɔ, dəw kə̂ dda rɔ-kul ləm kə rɔ-kul tar ləm a, Ngonn lə dəw a dda rɔ-kul laa ndɔ tə̂ kə̂ nâ ddee kə piti laa kə piti lə bɔɛ̂je kə lə anjəje kə̂ maji tɔyn.

Tar kə̂ Maji kə̂ Jan dda makəturu tə̂ 21:22

Jeju ilɛ̂ tə̂ nan: «Bbo m-ndiki karə n̂-nayn kəm baa ndərəng m-təl m-ddee a, ddi â osoi tə̂ wa? Əi, unn gom.»

Tar kə̂ Maji kə̂ Jan dda makəturu tə̂ 21:23

Dɔ tar tə̂ nəənn â tar nja horo njê-mə-kunnje tə̂ nan nje-nja go Jeju tə̂ kə̂ Jeju ndike nya le a koy ang. A Jeju pa arə Piyɛr baann ang. N̂-pa nan: «Bbo m-ndiki karə n̂-nayn kəm baa ndərəng m-təl m-ddee a, ddi â osoi tə̂ wa?»

Kulaje 1:11

Dingawje le paje arəjede nan: «Dəwje kə̂ Galile, mba ddi bba arje nəənn aw aaje lo kə darâ wa? Jeju kə̂ Lubba unnɛ̂ horose tə̂ aw saa kə darâ le a təl ddee tokə kaw laa kə̂ ooje nəənn.»

Rɔmɛnje 14:12

Yeenn a, jeje kâra kâra tɔyn ja kɔruje naji nɛ̂nje kə̂ n-ddaje, nɔn gɔl Lubba tə̂.

Rɔmɛnje 2:6

Nâ kuka dəw kâra kâra asə kula-ddɛɛ̂.

1 Kɔrɛntinyɛje 15:23

A dəwje kâra kâra tɔyn a ndolje kə goe goe. Kristə to dɔngɔr dəw kə̂ ndol. Goe tə̂ a, dəwje kə̂ toje to dəwje laa a ndolje ndɔ tə̂ kə̂ nâ ddee.

1 Kɔrɛntinyɛje 3:13

kula lə dəw kâra kâra a tee kə ddaka kəm dəwje tə̂ ndɔ gangə sariya tə̂. Dâ nan kula lə dəw kâra kâra kə puru ta gərə.

1 Kɔrɛntinyɛje 8:8

Nɛ̂n-kusa â a dda karə n-ddeeje ngɔsi kə Lubba ang. Bbo jusaje ang a, marə nɛ̂n kâra kə̂ jinyaje jarə oso kɔrɔ̂ goto ngaâ bbo jusaje a, marə nɛ̂n kâra kə̂ jilaje dɔ marɛ̂ tə̂ goto.

2 Kɔrɛntinyɛje 5:10

Mba, a to tar ləje tɔyn ta kar nɔn sariya tə̂ lə Kristə, karə dəw kâra kâra inga kuka laa mba kula-dda kə̂ maji wase kə̂ maji ang kə̂ n̂-dda kə da-rɔɛ̂ le, kar tə̂ kə̂ n̂-nayn nɛ̂n dɔ nangə tə̂.

Epɛjinyɛje 6:8

Ə-gərəje kə majɛ̂: Dəw kə̂ to bbərə wase dəw kə̂ to bbərə ang kara a kinga kuka ji Əbbə-dəwje tə̂ asə kəm maji laa kə̂ n̂-dda.

Kolosinyɛje 3:25

Mba dəw kə̂ aw dda nɛ̂n kə̂ gatə gatə ang, a kinga kuka laa asə kəm nɛ̂n-dda laa kə̂ gatə gatə ang le. Lubba a kɔru kəm dəw kâra ang.

1 Tesalonisinyɛje 1:10

ngaâ aw nginanje Ngonnɛ̂ Jeju kə̂ oy, a n̂-ndole, ne kə̂ nâ kin darâ ta ddee. Ne ngonnɛ̂ kə̂ nɔruje ta wungu tə̂ lə Lubba kə̂ aw ddee le.

1 Tesalonisinyɛje 4:16

Mba ja kooje marə ndu kə̂ Lubba a kunn, ndu marə mbay lə anjəje a bbar ngaâ kɔru təbbə lə Lubba a bbar mə dara tə̂, a ne Əbbə-dəwje njaa nâ kin darâ ddisi. Dəwje kə̂ ooje məde tə̂ kə Kristə bba oyje a ndolje dɔngɔr.

Jakə 5:7

Ngakɔnʼmje, maji karə oreje wurse ndərəng ndɔ təl tə̂ lə Əbbə-dəwje. Ooje nje-ndɔɔ, naw nginan ta kinga nɛ̂n-ndɔɔ kə̂ maji. Nore wure ndərəng n̂-nginan nɛ̂n ndi kə̂ dɔngɔr kə ndi kə̂ to dɔbɔnyɛ̂.

1 Piyɛr 1:17

Lubba aw gangə sariya dɔ dəwje tə̂ asə kəm kula-ddaje ləde, a naw nɔru kəm dəw ang. A bbo mə dujuje tə̂ kə̂ aw dujuje Lubba le aw bbarɛ̂je to Bɔ a, maji karə ə-bbəəleje kar tə̂ kə̂ ə-naynje nɛ̂n dɔ nangə tə̂ nəənn.

1 Jan 2:28

Baann a, ngannje kə̂ ngaji, maji karə ə-naynje ddəw mə-kâra tə̂ kə Kristə, mba karə ndɔ kə̂ n̂-ddee a, bbəəl ddaje ang ddəm karə ndɔ təl laa a, rɔ-kul uta dɔje ngaâ jarje ddəw əw saa ang ddəm.

Judə 1:14

Enɔkə kə̂ to kajeje kə̂ to siri laa go kajeje Adam tə̂, ila mbər tar dɔde tə̂ nan: «Ooje, Əbbə-dəwje kə anjəje laa doro doro dâ ddeeje,

Apokalisi 1:7

Ooje, naw ddee mə mum tə̂! Dəwje tɔyn a kooeje. Njê kə̂ ɔsɛ̂je kə ninga njaa kara a kooeje tɔ. Gəl-dəwje tɔyn a nɔnje mbɛɛ̂. A to tokə baann njaa! Amɛnn.

Apokalisi 2:23

Mâ tɔl ngannɛ̂. Yeenn bba Egilisije tɔyn a gərəje to m-to dəw kə̂ aw gərə kəjəje lə dəwje ddəm bbo nɛ̂nje kə̂ to mə dəwje tə̂ ddəm. Mâ dda nɛ̂n kə se kâra kâra tɔyn asə kəm kula-ddase.

Apokalisi 20:12

Ngaâ moo dəwje kə̂ oyje, njê kə̂ ngaji kə njê kə̂ bo, darje taar nɔn ngende-mbay tə̂ le. N̂-təəyn makəturuje, a n̂-təl n̂-təəyn marə makəturu bbay, to makəturu təbbə. Ngaâ n̂-gangə sariya dɔ dəwje tə̂ kə̂ oyje asə kəm kula-ddade, tokə ye kə̂ n̂-dda makəturuje tə̂ le.