Matiye 16:21 - Dɔnɔn kə̂ Siki: Tar kə̂ aw arə təbbə

²¹ Dɔ ndɔɛ̂ tə̂ənn njaa, Jeju unn kutu pa kə ddaka karə njê-njaje goe tə̂ nan to tar laa ta kaw Jerujalɛm, ta koo ndoo ji tɔkəje tə̂ lə Jiipije kə mbayje lə njê-poloje Lubba kə njê-gərəje-Ndu. Dâ karə n̂-tɔlɛ̂ ta ndɔ mota goe tə̂ a, nâ ndol.

Maketuru le Lubba ke tar kabba

²¹ Dɔ ndɔe teenn njaa, Jeju unn kutu pa ke ddaka kare nje-njaje goe te to to tar le ne ta kaw Jurusalem, ta koo ndoo ji tɔkuje te le Jiipije, ke tɔku nje-poloje Lubba, ke nje-kɔruje gel-ndu. Da kare n̂-tɔlne ta ndɔ mota goe te a, na kin horo dewje te ke oy.

Matiye 16:21 ပူးပေါင်းရင်းမြစ်များ

Matiye 12:40

Tɔkɔrɔ tə̂ njaa, tokə Jonas kə̂ dda ndɔ mota kə til mota mə tɔkə kanji tə̂ le, Ngonn lə dəw a dda ndɔ mota kə til mota mə nangə tə̂ tɔ.

Matiye 16:22

Piyɛr ɔrɛ̂ kə guku ngaâ unn kutu kin saa nan: «Əbbə-dəwje, maji karə Lubba ngəmi. Nɛ̂ɛnn a kingai ndɔ kâra ang.»

Matiye 16:28

Tɔkɔrɔ njaa, m-pa marəse: Marə dəwje horo dəwje tə̂ kə̂ arje nəənn a koyje ang ndərəng dâ kooje Ngonn lə dəw kə̂ a ddee ta kɔn-mbay.»

Matiye 17:12

A əman m-pa marəse, Eli le ddee mban. Dəwje gəreje ang ngaâ n̂-ddaje saa nɛ̂n kə̂ məde ndiki. Dâ kulaje kəm Ngonn lə dəw ndoo tə̂ tokə baann tɔ.»

Matiye 17:9

Kar kə̂ dinje dɔ ddingiri tə̂ le daw ddisije a, Jeju unn ndu nəənn arəde nan: «Dang bba ə-paje tar nɛ̂n kə̂ ooje le arəje dəw ang, ndərəng ndɔ kə̂ Ngonn lə dəw a ndol go koy tə̂ laa.»

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Matiye 26:2

«Ə-gərəje tɔyn to Pakə nayn ndɔ joo baa ngaa. Dâ kila Ngonn lə dəw ji dəwje tə̂ karə n̂-tɔlɛ̂ kakə-dəsə tə̂.»

Matiye 26:47

Jeju nayn aw pa tar bbay a, marə nje-nja goe tə̂ kâra horo marɛ̂je tə̂ kə̂ dɔku gire joo kə̂ ria nan Judas le ddee kə dəwje kə̂ banya. Duwaje tɔkə kiyaje kə kakəje jide tə̂. Mbayje lə njê-poloje Lubba kə tɔkəje lə Jiipije â ulajede.

Matiye 27:12

Mbayje lə njê-poloje Lubba kə tɔkəje lə Jiipije aw undaje tar dɔɛ̂ tə̂ a, nilade tə̂ kâra ang.

Matiye 27:63

n̂-paje nan: «Dəw kə̂ bo, jole məje to, dɔ ndɔ tə̂ kə̂ nje-kərə dəwje nəənn le nayn nɛ̂n kəm baa bbay le, n̂-pa nan: ‹Ndɔ mota go yo tə̂ ləm a, mâ ndol.›

Matiye 28:6

Nee nəənn ang, n̂-ndol tokə n̂-pa le. Ə-ddee ooje lo kə̂ dilɛ̂ tə̂ le.

Marke 8:31

Goe tə̂ a, Jeju unn kutu pa karə njê-njaje goe tə̂ nan: «Maji karə Ngonn lə dəw oo ndoo nya. Tɔkəje lə Jiipije kə mbayje lə njê-poloje Lubba kə njê-gərəje-Ndu mbəteje. Maji karə n̂-tɔlɛ̂je ngaâ ndɔ mota goe tə̂ a, n̂-ndol.»

Marke 9:12

Jeju ilade tə̂ nan: «Tɔkɔrɔ, Eli a ddee dɔngɔr bba njaa, mba mɔsɛ nɛ̂nje tɔyn ture tə̂. A mba ddi bba Makəturu lə Lubba pa nan: ‹Ngonn lə dəw a koo ndoo nya ngaâ dəwje a mbəteje› wa?

Luku 17:25

A maji karə noo ndoo nya dɔngɔr ngaâ dəwje kə̂ bbasinɛn nəənn mbəteje bba.

Luku 24:46

N̂-pa narəde nan: «Makəturu lə Lubba pa nan: ‹Kristə le a koo ndoo ngaâ ndɔ mota a, nâ ndol.

Luku 9:31

Piti lə Lubba to dɔde tə̂ ngaâ daw paje tar koy lə Jeju Jerujalɛm kə̂ a ddee to nɛ̂n kə̂ tɔkɔrɔ.