Matiye 16:19 - Dɔnɔn kə̂ Siki: Tar kə̂ aw arə təbbə

¹⁹ Mâ kari kele ta Bbe-kɔn kə̂ darâ. Nɛ̂n tɔyn kə̂ ə-tɔ nangə̂ nəənn to nɛ̂n kə̂ n̂-tɔ darâ mban, nɛ̂n tɔyn kə̂ ə-tutu nangə̂ nəənn, n̂-tutu darâ mban tɔ.»

Maketuru le Lubba ke tar kabba

¹⁹ Ma kari kele ta Bbe-kɔn ke darâ. Ne tɔyn ke ɔku ddewe nangê to ne ke dɔku ddewe darâ mban, ne tɔyn ke ɔru ddewe nangê neenn, Lubba ɔru ddewe darâ mban tɔ.»

Matiye 16:19 ပူးပေါင်းရင်းမြစ်များ

Matiye 18:18

«Tɔkɔrɔ m-pa marəse, nɛ̂n tɔyn kə̂ ə-tɔje nangə̂ nəənn, n̂-tɔ darâ mban. Nɛ̂n tɔyn kə̂ ə-tutuje nangə̂ nəənn, n̂-tutu darâ mban.

Tar kə̂ Maji kə̂ Jan dda makəturu tə̂ 20:23

Dəw kə̂ ɔruje tar majang laa dɔɛ̂ tə̂ a, Lubba a ɔru tar majang laa tɔ. Dəw kə̂ ɔruje tar majang laa ang a, tar majang laa a nayn dɔɛ̂ tə̂.»

Kulaje 15:7

N̂-maynje naan tar ngəng nya ngaâ Piyɛr in taar pa nan: «Ngakɔnʼmje, ə-gərəje to Lubba bbarəm horose tə̂ ləw baa karə m-pa Tar kə̂ Maji marə dəwje kə̂ toje to Jiipije ang, karə dooje tar le ngaâ dooje məde tə̂.

2 Kɔrɛntinyɛje 2:10

Bbo ɔruje tar dɔ dəw tə̂ a, əman kara mɔru tar dɔɛ̂ tə̂ tɔ. Bbo mɔru tar dɔ dəw tə̂ le a, tar tɔyn kə̂ mɔru dɔɛ̂ tə̂ le, mɔru mba tar ləse kəm Kristə tə̂.

1 Tesalonisinyɛje 4:8

Yeenn bba bbo dəw kə̂ mbətə nduje nəənn a, to dəw â n̂-mbəte ang, Lubba kə̂ arəse Ndil-mə-nda laa â n̂-mbəte.

Apokalisi 1:18

M-to nje-kisi kəm baa. Ləw moy, a bbasinɛn misi kəm baa kə ndɔ kə ndɔ. Mee kə singa dɔ yo tə̂ ddəm dɔ lo tə̂ lə dəwje kə̂ oyje ddəm.

Apokalisi 11:6

Deeje kə singa ta kutu kəm dara karə ndi ərə ang mə ndɔje tə̂ kə̂ daw dilaje nɛ̂n mbər tar lə Lubba. Deeje kə singa ta dda karə maannje təlje to məsə ngaâ ta dda karə nɛ̂n kəm-to-ndooje dang dang osoje dɔ nangə tə̂ tokə məde ndiki.

Apokalisi 3:7

Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.

Apokalisi 9:1

Anjə kə̂ to min laa to təbbə, a moo marə əndɛtɛrɛndɛn in darâ oso nangə̂. Darɛ̂ ngaw kele ta tɔkə buwa kə̂ sunrɛ̂ goto.