Matiye 16:16 - Dɔnɔn kə̂ Siki: Tar kə̂ aw arə təbbə

¹⁶ Simɔn Piyɛr ilɛ̂ tə̂ nan: «Ə-to Mesi, Ngonn lə Lubba kə̂ nje-kisi kəm baa.»

Maketuru le Lubba ke tar kabba

¹⁶ Piyar ilae te na: «E-to Mesi, Ngonn le Lubba ke isi kem baa.»

Matiye 16:16 ပူးပေါင်းရင်းမြစ်များ

Matiye 1:16

Jakobbo uju Jojɛpə ngaw lə Marije kə̂ to kɔn Jejuje kə̂ daw bbarɛ̂ to Kristə.

Matiye 14:33

Njê-njaje go Jeju tə̂ kə̂ isije mə tɔkə to tə̂ le ɔsuje məkəjə-gɔlde nangə̂ nɔɛ̂n tə̂ ngaâ paje nan: «Ə-to Ngonn lə Lubba njaa.»

Matiye 16:15

Jeju dujude nan: «A sese, ə-paje nan m-to nân wa?»

Matiye 26:63

A Jeju pa tar ang. Yeenn ngaâ tɔkə nje-polo Lubba pa arɛ̂ nan: «M-duji kə ri Lubba kə̂ nje-kisi kəm baa karə ila tar tə̂ nəənn: Ə-to Kristə, Ngonn lə Lubba wa?»

Matiye 27:54

Nje-kɔn dɔ mbambaje kə̂ Rɔm kə mbambaje kə̂ daw ngəmje Jeju le dooje nangə kə̂ aw yəkə kə nɛ̂nje kə̂ toje le a, bbəəl uta dɔde nya ngaâ n̂-paje nan: «Dəw nəənn to Ngonn lə Lubba njaa.»

Matiye 4:3

Əsu ddee ngɔsi saa ngaâ pa nan: «Bbo ə-to Ngonn lə Lubba a, unn ndu arə ərje nəənn təlje nɛ̂n-kusa.»

Marke 14:61

A Jeju ar ddekeke, nila tar tə̂ kâra ang. Tɔkə nje-polo Lubba le təl duje bbay nan: «Ə-to Kristə, Ngonn lə Lubba kə̂ jaw pole le wa?»

Luku 2:11

Bbokənɛn, duju Nje-kaji-dəwje darəse bbe tə̂ lə Dabbiti, n̂-to Kristə, Əbbə-dəwje.

Tar kə̂ Maji kə̂ Jan dda makəturu tə̂ 1:49

Yeenn ngaâ Natanayɛl le pa arɛ̂ nan: «Nje-nɛ̂n-tɔju, ə-to Ngonn lə Lubba, ə-to tɔkə mbay kə̂ Ijarayɛl.»

Tar kə̂ Maji kə̂ Jan dda makəturu tə̂ 11:27

Martə ilɛ̂ tə̂ nan: «Baann njaa, Əbbə-dəwje, moo məm tə̂ to ə-to Mesi, Ngonn lə Lubba, ne kə̂ n̂-ddee dɔ nangə tə̂ le.»

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Tar kə̂ Maji kə̂ Jan dda makəturu tə̂ 6:57

Bɔ kə̂ ulam le to nje-təbbə. Ne â narə misi kə təbbə. Ddəw kâra baa, dəw kə̂ usa taal-rɔm a, mâ karə isi kə təbbə.

Tar kə̂ Maji kə̂ Jan dda makəturu tə̂ 6:68

Simɔn Piyɛr ilɛ̂ tə̂ nan: «Əbbə-dəwje, nân bba ja kaw rɔɛ̂ tə̂ wa? Əi â, tar kə̂ aw arə təbbə kə̂ to kə ndɔ kə ndɔ to tai tə̂.

Tar kə̂ Maji kə̂ Jan dda makəturu tə̂ 6:69

Ngaâ, jeje joo məje tə̂. N-gərə to əi, ə-to dəw kə̂ maji tɔyn kə̂ Lubba â ulai.»

Kulaje 14:15

«Mba ddi bba ə-ddaje nɛ̂n tokə be wa? Jeje kara n-to dəwje tokə sese tɔ. Jaw pa Tar kə̂ Maji jarəse karə ta ə-mbətəje nɛ̂n kə̂ ture goto, ta aaje lo kə rɔ Lubba tə̂ kə̂ isi kəm baa. Lubba le â dda dara kə nangə, ba-katə kə nɛ̂nje tɔyn kə̂ toje tə̂.

Kulaje 8:36

Daw dawje bbay a, n̂-teeje ta marə maann tə̂ ngaâ enuku le pa nan: «Maann â nəənn, a ddi bba ɔku ddəw karə minga batɛm wa?» [

Kulaje 8:37

Pilipi le pa nan: «Bbo oo məi tə̂ kə Jeju a, â kasə kinga batɛm.» Dingaw le ilɛ̂ tə̂ nan: «Moo məm tə̂ to Jeju to Ngonn lə Lubba.»]

Kulaje 9:20

ngaâ njangə baa a, Sɔl aw ila mbər kəy mbɔn-naanje tə̂ lə Jiipije pa nan Jeju to Ngonn lə Lubba.

Rɔmɛnje 1:4

A ddəw tə̂ lə Ndil-mə-nda, Lubba undɛ̂ to Ngonnɛ̂ kə̂ narɛ̂ singa-mɔngu ddəw ndol tə̂ kə̂ noy a, n̂-ndole. N̂-to Əbbəjeje Jeju-Kristə.

2 Kɔrɛntinyɛje 1:19

Mba Jeju-Kristə Ngonn lə Lubba, kə̂ əman kə Silas kə Timɔte, jila mbər tar laa bbe ləse le, n̂-ddee ta pa nan «An än» ddəm «Ân an» ddəm ang. Tar laa tɔyn njaa to «An än» dɔrɔ.

2 Kɔrɛntinyɛje 3:3

Sese njaa ə-toje to makəturu kə̂ Kristə dda ngaâ ula jije jee njê-kulaje tə̂ arə n-ddee nɛ̂n. N̂-dda kə maann nɛ̂n-dda makəturu ang, n̂-dda kə Ndil lə Lubba kə̂ nje-kisi kəm baa. N̂-dda bəkərə-ər tə̂ ang. N̂-dda da-rɔse tə̂, bbəngərəse tə̂.

2 Kɔrɛntinyɛje 6:16

Ddi bba a mbɔn kəy-polo Lubba kə kɔrje naan tə̂ wa? Mba jeje, n-to kəy-polo Lubba kə̂ nje-kisi kəm baa. Lubba le njaa pa nan: «Mâ kisi horode tə̂ ddəm mâ nja horode tə̂ ddəm. Mâ to Lubba ləde ngaâ dâ toje to dəwje ləm.»

1 Tesalonisinyɛje 1:9

Dəwje tɔyn aw paje tar tee kə̂ n-tee rɔse tə̂, ndɔ tə̂ kə̂ jaw nɛ̂n bbeê ləse kə gusu kə̂ inyaje nɛ̂n kɔrje kə̂ aw poloje, a ə-turuje rɔse kə rɔ Lubba tə̂ ta dda saa, ne Lubba kə̂ nisi kəm baa ddəm n̂-to Lubba kə̂ tɔkɔrɔ ddəm le

1 Timɔte 3:15

A bbo m-ddee kə tɔkɛ̂ ang a, ndəjəje kə̂ mari nəənn a kari ddəw karə ə-gərə ddəw kə̂ â nja nɛ̂n horo dəwje tə̂ lə Lubba. Dəwje lə Lubba le to Egilisi lə Lubba kə̂ to Nje-kisi kəm baa. Egilisi le aw uwa tar kə̂ tɔkɔrɔ arə ngəng.

1 Timɔte 4:10

Jaw jooje ndoo wase jaw ddaje ddɔ mba məje kə̂ jundaje dɔ Lubba tə̂ kə̂ Nje-kisi kəm baa. Lubba kə̂ to Nje-kaji-dəwje tɔyn, uta tɔyn, n̂-to Nje-kaji njê-mə-kunnje.

Ebərəje 10:31

To nɛ̂n-bbəəl nya ta koso mə ji Lubba kə̂ nje-kisi kəm baa tə̂.

Ebərəje 12:22

A sese, ə-ddeeje ngɔsi kə ddingiri kə̂ Sinyɔ, kə̂ to bbe lə Lubba kə̂ nje-kisi kəm baa, Jerujalɛm kə̂ darâ, kə̂ anjəje toje tə̂ doro doro.

Ebərəje 3:12

Ngakɔnʼmje, aaje rɔse arəje marə dəw kâra horose tə̂ arə məɛ̂ maji ang ang ddəm mbətə ta koo məɛ̂ tə̂ ang ddəm aw ddəw əw kə Lubba kə̂ Nje-kisi kəm baa le ang ddəm.

Ebərəje 9:14

Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.

1 Jan 4:15

Dəw kə̂ pa kə tɛɛ̂ nan Jeju to Ngonn lə Lubba, Lubba nayn ddəw mə-kâra tə̂ saa ddəm ne kâra n̂-nayn ddəw mə-kâra tə̂ kə Lubba ddəm.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

1 Jan 5:5

Nân bba tətə duninya nəənn kə ddɔ wa? Dəw kə̂ ndiki tə̂ məɛ̂ tə̂ nan Jeju to Ngonn lə Lubba â tətə ddɔ le.

Apokalisi 7:2

Moo marə anjə dang in ər kəm kar tə̂ ngaâ uwa nɛ̂n-kuja əndaji lə Lubba kə̂ nje-kisi kəm baa jia tə̂. Nila ko narə anjəje sɔ kə̂ darəde ddəw karə n̂-tujuje nangə ddəm ba-katə ddəm le. N̂-pa nan: