Matiye 15:36 - Dɔnɔn kə̂ Siki: Tar kə̂ aw arə təbbə

³⁶ N̂-jin mapa kə̂ siri kə kanjije le, narə wooyo Lubba ngaâ n̂-tətə narə njê-njaje goe tə̂ ngaâ njê-njaje goe tə̂ arəje dəwje kə̂ banya le.

Maketuru le Lubba ke tar kabba

³⁶ N̂-jin mapa ke siri, ke kanjije le ngaa goe te a nare wooyo Lubba a, n̂-tete ngaa nare nje-njaje goe te are dewje ke banya banya le.

Matiye 15:36 ပူးပေါင်းရင်းမြစ်များ

Matiye 14:19

Goe tə̂ a, narə dəwje kə̂ banya le isije dɔ muje tə̂, a n̂-taa mapa kə̂ min kə kanjije kə̂ joo le, nunn kəmɛ̂ kə darâ ngaâ narə wooyo Lubba. Goe tə̂ a, n̂-tətə mapa kə̂ min le narə njê-njaje goe tə̂ narə n̂-kaynje dəwje kə̂ banya le.

Matiye 15:35

Yeenn ngaâ Jeju duju dəwje kə̂ banya le karə disije nangə̂.

Luku 22:17

Nunn maann-binyə kə̂ əngo tə̂, narə wooyo Lubba ngaâ n̂-pa nan: «Ə-taaje maann-binyə kə̂ əngo tə̂ nəənn ə-kaynje naan ayje.

Luku 22:19

Goe tə̂ a, nunn mapa, narə wooyo Lubba, n̂-tətə narəde ngaâ n̂-pa nan: «Mapa nəənn to da-rɔm kə̂ munn marə mba tar dɔse. Ə-ddaje nɛ̂n nəənn mba kole nɛ̂n məse dɔm tə̂.»

Luku 24:30

Nisi ta nɛ̂n-kusa tə̂ kə̂ de a, nunn mapa, narə wooyo Lubba ngaâ goe tə̂ a, n̂-tətə dannâ n̂-kaynde.

Tar kə̂ Maji kə̂ Jan dda makəturu tə̂ 6:11

Jeju taa mapa le ngaâ arə wooyo Lubba. Goe tə̂ a, n̂-kayn dəwje kə̂ eeje tə̂ənn le. N̂-dda tokə baann kə kanjije le tɔ. Narəde tokə məde ndiki.

Tar kə̂ Maji kə̂ Jan dda makəturu tə̂ 6:23

A marə tɔkə toje inje Tiberiyadə ddee teeje ngɔsi kə lo kə̂ Əbbə-dəwje arə wooyo Lubba tə̂ ngaâ kaynde mapa arə dusaje tə̂ le.

Kulaje 27:35

Go tarje tə̂ənn a, nunn mapa, narə wooyo Lubba kəm dəwje tə̂ tɔyn, n̂-tətə ngaâ nunn kutu kusa.

Rɔmɛnje 14:6

Dəw kə̂ əjə to ndɔje asəje naan ang, əjə baann mba wal nɛ̂n Əbbə-dəwje. Dəw kə̂ usa nɛ̂n tɔyn, usa mba wal nɛ̂n Əbbə-dəwje, mba narə wooyo Lubba mba nɛ̂n-kusa le. A dəw kə̂ usa nɛ̂n tɔyn ang, usa ang mba wal nɛ̂n Əbbə-dəwje ngaâ ne kara narə wooyo Lubba tɔ.

1 Kɔrɛntinyɛje 10:31

Yeenn bba, bbo aw usaje nɛ̂n, aw ayje nɛ̂n wase nɛ̂n ddi bba aw ddaje kara, maji karə ə-ddaje nɛ̂n tɔyn mba kɔsu nɛ̂n gaji Lubba.

1 Kɔrɛntinyɛje 14:16

Bbo aw duju Lubba mba karə nɛ̂n wooyo kə ndili a, dəw kə̂ oo ndɔn-tar kə̂ aw pa le ang le a pa nan «Amɛnn» mba duju ləi le tɔkə baânn wa? Mba ne n̂-gərə kandə tar kə̂ aw pa le ang.