Matiye 15:11 - Dɔnɔn kə̂ Siki: Tar kə̂ aw arə təbbə

¹¹ Nɛ̂n kə̂ aw andə ta dəw tə̂ â aw dda arə dəw ddee to nɛ̂n-yərəw ang. Nɛ̂n kə̂ aw tee ta dəw tə̂ â aw dda arə dəw ddee to nɛ̂n-yərəw.»

Maketuru le Lubba ke tar kabba

¹¹ Ne ke aw aw me dew te a aw dda are dew ddee ne to ne-yerew ang. Ne ke aw tee ta dew te a aw dda are dew ddee to ne-yerew.»

Matiye 15:11 ပူးပေါင်းရင်းမြစ်များ

Matiye 15:10

Goe tə̂ a, Jeju bbar dəwje kə̂ banya le ngaâ pa arəde nan: «Ooje tar ləm kə majɛ̂ ta ə-gərəje kandɛ̂!

Matiye 15:12

Goe tə̂ a, njê-njaje goe tə̂ ddeeje rɔɛ̂ tə̂ paje arɛ̂je nan: «Tar kə̂ ə-pa le ti wur Parijinyɛje le nya le ə-gərə njaa wa?»

Marke 7:15

Marə nɛ̂n kə̂ in ddaka aw andə rɔ dəw tə̂ kə̂ a dda karə n̂-ddee to nɛ̂n-yərəw goto. Nɛ̂n kə̂ in rɔ dəw tə̂ aw tee kə ddaka â a kasə dda karə dəw ddee to nɛ̂n-yərəw.»

Rɔmɛnje 14:14

Ddəw mə-kâra tə̂ kə̂ m-dda kə Əbbə-dəwje Jeju le m-gərə kə majɛ̂ to marə nɛ̂n kə̂ to nɛ̂n-yərəw kâra goto. A bbo dəw əjə to marə nɛ̂n to nɛ̂n-yərəw a, nɛ̂n le ddee to nɛ̂n-yərəw mba tar laa njaa.

Rɔmɛnje 14:17

Tɔkɔrɔ tə̂, tar Bbe-kɔn lə Lubba to tar nɛ̂n-kusa ang ddəm to tar nɛ̂n-kay ang ddəm. Bbe-kɔn lə Lubba to tar nɛ̂n-dda kə̂ gatə gatə, to mə-wul-lɔm, to rɔ-nəəl kə̂ Ndil-mə-nda aw arə dəwje.

Rɔmɛnje 14:20

Maji karə ə-tuju kula lə Lubba mba tar nɛ̂n-kusa ang. Tɔkɔrɔ njaa, nɛ̂n-kusa tɔyn njaa maji. A ta kusa nɛ̂n kə̂ a dda karə kəsə dəwje ddaje majang to nɛ̂n kə̂ maji ang.

1 Timɔte 4:3

Njê-ngəmje le tɔjuje nɛ̂n nan: Taa-naan lə dɛnɛ̂n de kə dingaw to nɛ̂n kə̂ maji ang wase kusa marə nɛ̂n-kusaje to nɛ̂n kə̂ maji ang. A Lubba dda nɛ̂n-kusajeenn mba njê-mə-kunnje kə̂ gərəje nɛ̂n-tɔju kə̂ tɔkɔrɔ. Maji karə darəje wooyo Lubba mban a, dusaje.

Titə 1:15

Dəwje kə̂ nɛ̂n-yərəw ɔrude ang, nɛ̂n tɔyn to nɛ̂n-yərəw mbade ang. A dəwje kə̂ nɛ̂n-yərəw to məde tə̂ ngaâ mbətəje ta kunn məde, nɛ̂n kâra maji mbade ang, mba nɛ̂n-yərəw tuju nɛ̂n-gərə ləde ddəm kəjə ləde ddəm.

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.

2 Piyɛr 2:18

Mba daw paje tarje kə̂ ngəng ngəng, a to tarje kə̂ baa daw dərəje nɛ̂n dəwje kə̂ bbasinɛn bbay njaa aynje ji dəwje tə̂ kə̂ ndəəmje ddəw. Dərəde ddəw bbo dda lo-to-majang tə̂,