Matiye 14:6 - Dɔnɔn kə̂ Siki: Tar kə̂ aw arə təbbə

⁶ A ndɔ kə̂ Erodə inga bbal kâra dɔ marɛ̂ tə̂ asə ngaâ n̂-dda kusu a, ngonn lə Erodiyadə kə̂ dɛnɛ̂n la nɔn dəwje tə̂ arə nəəl Erodə nya.

Maketuru le Lubba ke tar kabba

⁶ A ndɔ kusu kuju Erode a, ngonn le Erodiade ke dene la nɔ dewje te are neel Erode nya.

Matiye 14:6 ပူးပေါင်းရင်းမြစ်များ

Matiye 14:3

Ləw, Erodə Antipas arə duwa Jan n̂-tɔɛ̂ dilɛ̂ kəy-kula tə̂ mba Erodiyadə kə̂ to dɛnɛ̂n lə ngokɔɛ̂n Pilipi.

Matiye 14:7

Yeenn bba, Erodə unda yo arə ngonn kə̂ dɛnɛ̂n le nan: «Nɛ̂n tɔyn kə̂ ə-dujum a, mâ kari.»

Matiye 22:24

«Nje-nɛ̂n-tɔju, Mɔyijə pa nan: ‹Bbo dəw uju ngonn ang ngaâ oy a, maji karə ngokɔɛ̂n taa dɛnɛ̂n-ndubba le uju nɛ̂n ngannje arɛ̂.›

Marke 6:14

Mbay Erodə oo tar lə Jeju mba ria bbar kə lo tɔyn. Marə dəwje paje nan: «Jan-Batisi kə̂ oy le â ndol! Mba yeenn bba, ninga singa dda nɛ̂n-mɔrije.»

Marke 6:17

Dɔ ndɔɛ̂ tə̂ənn, Erodə Antipas taa Erodiyadə dɛnɛ̂n lə ngokɔɛ̂n Pilipi jia tə̂. A Jan-Batisi pa arə Erodə le nan: «Ndu ari ddəw ta karə ə-taa dɛnɛ̂n lə ngokɔin ang.» Mba yeenn bba Erodə unn ndu arə duwa Jan n̂-tɔɛ̂ dilɛ̂ kəy-kula tə̂.

Marke 6:19

Erodiyadə ndiki Jan ang njaa nyɔm ngaâ ndiki karə n̂-tɔl Jan le, a ninga ddəw ang,

Marke 8:15

Jeju ndɔru mbide nan: «Ooje kə majɛ̂ bba! Aaje rɔse wum tə̂ lə Parijinyɛje kə Erodə.»

Luku 13:31

Kar tə̂ənn, marə Parijinyɛje awje ngɔsi kə Jeju paje arɛ̂je nan: «Ɔtu lo tə̂ nəənn kə ddang mba Erodə ndiki ta tɔli.»

Luku 23:11

Erodə kə mbambaje laa ooeje maji ang kəmde tə̂. N̂-kokeje ngaâ dulɛ̂je kubbu kə̂ ndɔnrɛn. Goe tə̂ a, dulɛ̂je darə Pilatə guku.

Luku 23:7

N̂-pa darɛ̂ nan Jeju in nangə tə̂ kə̂ tɔkə mbay Erodə â ɔn dɔɛ̂ bba ddee. Mba yeenn bba, nula Jeju le narə Erodə. A Erodə le kara ee Jerujalɛm mə ndɔje tə̂ənn le tɔ.

Luku 3:1

Bbal dɔku gire min laa kə̂ tɔkə mbay Tibɛr aw ɔn bbe, Pɔnsə Pilatə to nje-kɔn dɔ nangə kə̂ Jude ngaâ Erodə to ngonn mbay nangə tə̂ kə̂ Galile, Pilipi ngokɔn Erodə le to ngonn mbay nangə tə̂ kə̂ Iture kə nangə tə̂ kə̂ Trakonitə. Lijaniyas to ngonn mbay kə̂ Abilɛnn,

Luku 3:19

Jan ndangə ngonn mbay Erodə Antipas mba Erodiyadə kə̂ to dɛnɛ̂n lə ngokɔɛ̂n kə̂ n̂-tɛɛ̂ jia tə̂ ddəm mba kulaje kə̂ maji ang tɔyn kə̂ n̂-dda ddəm.

Luku 8:3

kə Jani dɛnɛ̂n lə nje-ngəm nɛ̂n-kingaje le tɔkə mbay Erodə kə̂ ria nan Kuja, Sujann kə marə dɛnɛ̂nje nya kə̂ aw unnje nɛ̂nje ləde aw umanje nɛ̂n Jeju kə njê-njaje goe tə̂.

Kulaje 12:1

Dɔ ndɔɛ̂ tə̂ənn, tɔkə mbay Erodə unn kutu dda nɛ̂n kə̂ maji ang kə marə dəwje kə̂ Egilisi tə̂.

Kulaje 4:27

«Tɔkɔrɔ njaa, Erodə de kə Pɔnsə Pilatə n̂-mbɔnje naan mə bbe tə̂ nəənn kə dəwje kə̂ gəlde to dang ddəm dəwje kə̂ Ijarayɛl ddəm mba mbətə nɛ̂n Jeju kə̂ to nje-kula ləi kə̂ undɛ̂ dang to Kristə le.