Matiye 14:19 - Dɔnɔn kə̂ Siki: Tar kə̂ aw arə təbbə

¹⁹ Goe tə̂ a, narə dəwje kə̂ banya le isije dɔ muje tə̂, a n̂-taa mapa kə̂ min kə kanjije kə̂ joo le, nunn kəmɛ̂ kə darâ ngaâ narə wooyo Lubba. Goe tə̂ a, n̂-tətə mapa kə̂ min le narə njê-njaje goe tə̂ narə n̂-kaynje dəwje kə̂ banya le.

Maketuru le Lubba ke tar kabba

¹⁹ Goe te a, nare dewje ke banya le isije dɔ muje te, a n̂-taa mapa ke mi ke kanji ke joo le, ngaa nunn keme ke darâ a nare wooyo Lubba. Goe te a, n̂-tete mapa ke mi le ngaa nare nje-njaje goe te nare n̂-kayn dewje ke banya le.

Matiye 14:19 ပူးပေါင်းရင်းမြစ်များ

Matiye 14:18

Jeju pa arəde nan: «Ə-ddeeje nɛ̂n arəmje.»

Marke 6:39

Yeenn ngaâ Jeju unn ndu arəde karə darə dəwje le tɔyn uwaje dɔ naan kə loe loe ngaâ isije dɔ muje tə̂ kə̂ təbbə.

Marke 6:41

Jeju jin mapa kə̂ min kə kanji kə̂ joo le, unn kəmɛ̂ kə darâ, arə wooyo Lubba. N̂-tətə mapa le narə njê-njaje goe tə̂ karə n̂-kaynje dəwje kə̂ banya le. Jeju kayn kanjije kə̂ joo le dəwje le tɔyn tɔ.

Marke 7:34

Goe tə̂ a, nunn kəmɛ̂ kə darâ, nila kəwn, n̂-pa nan: «Epata.»

Luku 22:17

Nunn maann-binyə kə̂ əngo tə̂, narə wooyo Lubba ngaâ n̂-pa nan: «Ə-taaje maann-binyə kə̂ əngo tə̂ nəənn ə-kaynje naan ayje.

Luku 22:19

Goe tə̂ a, nunn mapa, narə wooyo Lubba, n̂-tətə narəde ngaâ n̂-pa nan: «Mapa nəənn to da-rɔm kə̂ munn marə mba tar dɔse. Ə-ddaje nɛ̂n nəənn mba kole nɛ̂n məse dɔm tə̂.»

Luku 24:30

Nisi ta nɛ̂n-kusa tə̂ kə̂ de a, nunn mapa, narə wooyo Lubba ngaâ goe tə̂ a, n̂-tətə dannâ n̂-kaynde.

Luku 9:14

Dingawje eeje lo tə̂ənn ngɔsi kə doro min. Jeju pa arə njê-njaje goe tə̂ nan: «Arəje disije dɔ naan tə̂ dɔmin dɔmin.»

Luku 9:16

Jeju jin mapa kə̂ min kə kanji kə̂ joo le, naa lo kə darâ ngaâ narə wooyo Lubba. N̂-tətə dannâ ngaâ n̂-kayn njê-njaje goe tə̂ karə kayn dəwje kə̂ banya le.

Tar kə̂ Maji kə̂ Jan dda makəturu tə̂ 11:41

Yeenn ngaâ dɔru ər le kə ddang. A Jeju unn kəmɛ̂ aa lo kə darâ ngaâ pa nan: «Bɔy, mari wooyo mba ilam tar tə̂ mban.

Tar kə̂ Maji kə̂ Jan dda makəturu tə̂ 6:23

A marə tɔkə toje inje Tiberiyadə ddee teeje ngɔsi kə lo kə̂ Əbbə-dəwje arə wooyo Lubba tə̂ ngaâ kaynde mapa arə dusaje tə̂ le.

Kulaje 27:35

Go tarje tə̂ənn a, nunn mapa, narə wooyo Lubba kəm dəwje tə̂ tɔyn, n̂-tətə ngaâ nunn kutu kusa.

Rɔmɛnje 14:6

Dəw kə̂ əjə to ndɔje asəje naan ang, əjə baann mba wal nɛ̂n Əbbə-dəwje. Dəw kə̂ usa nɛ̂n tɔyn, usa mba wal nɛ̂n Əbbə-dəwje, mba narə wooyo Lubba mba nɛ̂n-kusa le. A dəw kə̂ usa nɛ̂n tɔyn ang, usa ang mba wal nɛ̂n Əbbə-dəwje ngaâ ne kara narə wooyo Lubba tɔ.

1 Kɔrɛntinyɛje 10:16

Jaw jarəje wooyo Lubba mba əngo-narɛ kə̂ jaw ddaje nɛ̂n mə-kâra. Yeenn to mə-kâra â jaw ddaje ddəw məsə Kristə tə̂ ang wa? Mapa kə̂ jaw tətəje jusaje to mə-kâra â jaw ddaje kə da-rɔ Kristə ang wa?

1 Kɔrɛntinyɛje 10:31

Yeenn bba, bbo aw usaje nɛ̂n, aw ayje nɛ̂n wase nɛ̂n ddi bba aw ddaje kara, maji karə ə-ddaje nɛ̂n tɔyn mba kɔsu nɛ̂n gaji Lubba.

1 Kɔrɛntinyɛje 11:24

narə wooyo Lubba, goe tə̂ a, n̂-tətə mapa le ngaâ n̂-pa nan: «Nɛ̂n nəənn to da-rɔm kə̂ munn marə mbase. Maji karə ə-ddaje nɛ̂n nəənn mba kole nɛ̂n məse dɔm tə̂.»

Kolosinyɛje 3:17

Nɛ̂n tɔyn kə̂ aw ddaje wase aw paje, maji karə ə-ddaje kə ri Əbbə-dəwje Jeju ngaâ arəje wooyo Lubba kə̂ Bɔ ddəw tə̂ laa.