Matiye 13:47 - Dɔnɔn kə̂ Siki: Tar kə̂ aw arə təbbə

⁴⁷ «Bbe-kɔn kə̂ darâ to kâra baa tɔ kə ddəngə kə̂ dila ba-katə tə̂ ngaâ uwa kanjije dang dang.

Maketuru le Lubba ke tar kabba

⁴⁷ «Bbe-kɔn ke darâ to ddew kara baa tɔ ke ddenge ke dila bâ ngaa uwa kanjije dang dang.

Matiye 13:47 ပူးပေါင်းရင်းမြစ်များ

Matiye 13:44

«Bbe-kɔn kə̂ darâ to kâra baa kə nɛ̂n-kinga kə̂ diya mə ndɔɔ tə̂. Marə dəw tee dɔɛ̂ tə̂ ngaâ təl unn iya bbay. Rɔɛ̂ nəəle ngaâ naw labbə nɛ̂nje laa tɔyn, a n̂-təl n̂-ddee n̂-ndoko ndɔɔ le.»

Matiye 13:46

Ninga marə mərə kə̂ gatɛ̂ ngəng a, naw labbə nɛ̂nje laa tɔyn ngaâ n̂-ddee n̂-ndoko mərə le.»

Matiye 13:48

Kanjije ddusu ddəngə le a, njê-ndɔn-maannje le ndɔruje teeje nɛ̂n ta maann tə̂. Disije nangə̂ ta kɔru kəm kanjije le. Kanjije kə̂ maji a, dunguje mə karɛ tə̂, a n̂-tilaje kanjije kə̂ maji ang kɔrɔ̂.

Matiye 4:19

Jeju le pa arəde nan: «Unnje gom a, mâ ddase to njê-ndɔn dəwje.»

Marke 1:17

Jeju pa arəde nan: «Unnje gom a, mâ dda karə ə-ddeeje to njê-ddaje ndɔn dəwje.»

Luku 5:10

Bbəəl uta dɔ Jakə de kə Jan kə̂ toje to ngann lə Jebede kə̂ toje to njê-ndɔn mar Simɔn le tɔ. Jeju pa arə Simɔn nan: «Ə-bbəəl ang. A kunn-kute bbokənɛn, ndɔn ləi a to ənga sangə dəwje ngaa.»

Tar kə̂ Maji kə̂ Jan dda makəturu tə̂ 15:2

Barkəm-rɔje tɔyn kə̂ toje rɔm tə̂, a andəje ang, naw tuka kə ddang. A naw gangə dɔ barkəm-rɔje tɔyn kə̂ aw andəje karə dandəje uta ye kə̂ kete bbay.

Tar kə̂ Maji kə̂ Jan dda makəturu tə̂ 15:6

Bbo dəw nayn rɔm tə̂ ang a, dâ kilɛ̂ ddaka tokə barkəm binyə karə n̂-tutu. Ngaâ, dâ koto kungu purô karə puru ɔn.

Kulaje 20:30

Marə njê-ngəmje a kinje horose tə̂ njaa ta dda karə marə njê-mə-kunnje unnje gode.

1 Kɔrɛntinyɛje 11:19

A maji karə tin-naan to horose tə̂ bba dâ gərə nɛ̂n dəwje kə̂ aw ddaje nɛ̂n kə ddəwe.

2 Kɔrɛntinyɛje 11:26

Njaje tə̂ ləm kə̂ maw nja, nɛ̂n-singaje ingam: Baje a ta kuwam. Njê-bbokoje, ngakɔm Jiipije kə dəwje kə̂ toje to Jiipije ang a ta tɔləmje. Nɛ̂n-singaje ingamje mə tɔkə bbeje tə̂, mə kɔr tə̂, dɔ ba-katəje tə̂, ngakɔnʼmje kə̂ tɔkɔrɔ ang aw ddaje səm singa.

Galatəje 2:4

A marə ngakɔnje kə̂ tɔkɔrɔ ang dujuje karə nuja ganja bba. To dede kə̂ dandəje horoje tə̂ hɔy baa. N̂-ddeeje horoje tə̂ ta tənn kisi ləje go bbərə tə̂ kə̂ n-tee kɔɛ tə̂ kə ddang ddəw tə̂ lə Jeju-Kristə le koo. N̂-ndikije ta təl kə je kɔ bbərə tə̂ le guku.

Apokalisi 3:1

«Ə-dda makəturu ula nɛ̂n arə anjə kə̂ Egilisi tə̂ kə̂ Sardə ə-pa nan: «Tar kə̂ dəw kə̂ ee kə ndilje lə Lubba kə̂ siri kə əndɛtɛrɛndɛnje siri pa â nəənn: M-gərə kulaje kə̂ aw dda, dəwje ooje to isi kəm baa, a oy mban.