Matiye 13:25 - Dɔnɔn kə̂ Siki: Tar kə̂ aw arə təbbə

²⁵ Kar kə̂ dəwje aw tibbije til tə̂ a, marə nje-baan ddee dubbu mu kə̂ maji ang horo kandə-ko tə̂ kə̂ maji le a ɔtu.

Maketuru le Lubba ke tar kabba

²⁵ Kare ke dewje aw tibbije til te a, mare nje-baan ddee dubbu mu ke maji ang horo ko te ke maji le a ɔtu.

Matiye 13:25 ပူးပေါင်းရင်းမြစ်များ

Matiye 13:24

Jeju təl pa marə gusu-tar arəde nan: «Bbe-kɔn kə̂ darâ to kâra baa kə dəw kə̂ dubbu kandə-ko kə̂ maji mə ndɔɔ tə̂ laa.

Matiye 13:26

Kar kə̂ koje le teeje ngaâ aw andəje a, mu kə̂ maji ang le tee tɔ.

Matiye 13:27

Njê-kulaje lə nje-ndɔɔ le ddeeje rɔɛ̂ tə̂, paje nan: ‹Əbbəjeje, kandə-ko kə̂ maji â ə-dubbu ndɔɔ̂ ləi. A lo kə̂ dda bba mu kə̂ maji ang nəənn in tə̂ tee wa?›

Matiye 13:29

Nilade tə̂ nan: ‹Ə-tɔruje mu kə̂ maji ang le ang, mba kin karə aw tɔruje a, ə-tɔruje nɛ̂n ko kə̂ maji le tɔ.

Matiye 13:30

Inyajede arə n̂-nduje naan tə̂ ndərəng ndɔ kuja ko le. A bbo ndɔ kuja ko le asə a, mâ pa karə njê kə̂ a kujaje ko le nan: Ə-tɔruje mu kə̂ maji ang le dɔngɔr, ə-tɔje kə dɔɛ̂ dɔɛ̂ ta ulaje puru tə̂. Goe tə̂ a, ə-tɔje ko kə̂ maji le unguje mə dam tə̂ ləm.› »

Matiye 13:39

Nje-baan kə̂ dubbu mu kə̂ maji ang le to Əsu. Ndɔ kuja kandə-ko le to ddutu ndɔ, njê-kujaje kandə-ko le toje to anjəje.

Matiye 25:5

Nje-taa dɛnɛ̂n le nayn ddee njangə ang bbay le a, bbi a ta tɔlde arə n̂-tibbije tɔyn.

Galatəje 2:4

A marə ngakɔnje kə̂ tɔkɔrɔ ang dujuje karə nuja ganja bba. To dede kə̂ dandəje horoje tə̂ hɔy baa. N̂-ddeeje horoje tə̂ ta tənn kisi ləje go bbərə tə̂ kə̂ n-tee kɔɛ tə̂ kə ddang ddəw tə̂ lə Jeju-Kristə le koo. N̂-ndikije ta təl kə je kɔ bbərə tə̂ le guku.

Ebərəje 12:15

Aaje kə majɛ̂ arəje marə dəw dda arə mə-maji lə Lubba due ang, bba karə dəw kâra ddee tokə marə kam kə̂ atə kə̂ aw ndu horo dəwje tə̂ ang. Dəw kə̂ baann le aw ddee kə tar horo dəwje tə̂ ddəm aw tuju dəwje ddəm.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

2 Piyɛr 2:1

Ləw, marə njê-kilaje mbər tar lə Lubba kə̂ tɔkɔrɔ ang toje horo dəwje tə̂ kə̂ Ijarayɛl. Ddəw kâra baa, njê-nɛ̂n-tɔjuje kə̂ tɔkɔrɔ ang a teeje horose tə̂ tɔ. Ddəw gusu tə̂, dâ ddeeje kə nɛ̂n-tɔjuje kə̂ tɔkɔrɔ ang ddəm aw tuju dəwje ddəm. Dâ mbətəje Əbbə-dəwje kə̂ ajide le ngaâ dâ bbarje yo kə dɔde tə̂ kə ngɔru baa.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 13:14

Nərə dəwje kə̂ dɔ nangə tə̂ ddəw nɛ̂n-mɔrije tə̂ kə̂ darɛ̂ singa karə n̂-dda dɔ kəm da tə̂ kə̂ in mə maann tə̂ tee le, narə dəwje le ddaje marə kɔr kə̂ unn da-rɔ da kə̂ inga do tɔkə kiya, a nayn kəm baa le.

Apokalisi 2:20

A nɛ̂n kə̂ m-mbətə səi â to kinya kə̂ inya Jejabɛl kə̂ dda rɔɛ̂ to nje-kila mbər tar lə Lubba arə tɔju ddəw kə̂ maji ang njê-kulaje ləm. Nərəde narə n̂-ddaje kaya ngaâ dusaje da kə̂ n̂-polo nɛ̂n kɔrje.