Matiye 13:24 - Dɔnɔn kə̂ Siki: Tar kə̂ aw arə təbbə

²⁴ Jeju təl pa marə gusu-tar arəde nan: «Bbe-kɔn kə̂ darâ to kâra baa kə dəw kə̂ dubbu kandə-ko kə̂ maji mə ndɔɔ tə̂ laa.

Maketuru le Lubba ke tar kabba

²⁴ Jeju tel pa mare gusu-tar arede na: «Bbe-kɔn ke darâ to ddew kara baa ke dew ke dubbu kande-ko ke maji me ndɔɔ te laa.

Matiye 13:24 ပူးပေါင်းရင်းမြစ်များ

Matiye 13:19

Dəwje kə̂ ooje tar kɔn-mbay lə Lubba, a gərəje kandə tar le ang, toje tokə dɔ ddəw kə̂ kandə-koje gaynje tə̂ le. Nje-mə-majang ddee ɔru nɛ̂n kə̂ n̂-dubbu məde tə̂ le kə ddang.

Matiye 13:25

Kar kə̂ dəwje aw tibbije til tə̂ a, marə nje-baan ddee dubbu mu kə̂ maji ang horo kandə-ko tə̂ kə̂ maji le a ɔtu.

Matiye 13:31

Jeju təl pa marə gusu-tar arəde bbay nan: «Bbe-kɔn kə̂ darâ to kâra baa kə kandə-ko kə̂ ria nan mutardə kə̂ dəw dubbu mə ndɔɔ tə̂ laa.

Matiye 13:33

Jeju pa marə gusu-tar arəde bbay nan: «Bbe-kɔn kə̂ darâ to kâra baa kə wum kə̂ dɛnɛ̂n bɔkɔlɔ nɛ̂n nduju kə̂ mə ka tə̂ mota arə ndərəng a, bɔr nduju le tɔyn ti.»

Matiye 13:37

Nilade tə̂ nan: «Nje-dubbu ko kə̂ maji le to Ngonn lə dəw.

Matiye 13:47

«Bbe-kɔn kə̂ darâ to kâra baa tɔ kə ddəngə kə̂ dila ba-katə tə̂ ngaâ uwa kanjije dang dang.

Matiye 18:23

Mba yeenn bba tar Bbe-kɔn kə̂ darâ to tokə tar lə marə mbay kə̂ ndiki ta gərə kɔr nɛ̂n laa kə̂ to dɔ njê-kulaje tə̂ laa.

Matiye 20:1

«Tar Bbe-kɔn kə̂ darâ to tokə tar lə marə nje-ndɔɔ kə̂ tee kə əndɔɔ baa mba sangə dəwje karə aw ndɔɔ binyə tə̂ laa.

Matiye 21:33

«Ooje marə gusu-tar nəənn bbay. Marə nje-ndɔɔ dda ndɔɔ binyə laa. Nila ndoko n̂-guku nɛ̂n dɔɛ̂. Nuru buwa mə ər tə̂ mba kore nɛ̂n maann-binyə le. N̂-dda marə lo taar karə dəw ar dɔɛ̂ tə̂ mba kaa nɛ̂n dɔ ndɔɔ le. Goe tə̂ a, ninya ndɔɔ le ji marə njê-ddaje kula binyə tə̂ le a nɔtu naw mba tə̂.

Matiye 22:2

«Tar Bbe-kɔn kə̂ darâ to kâra baa kə tar nəənn: Marə tɔkə mbay dda kusu taa-naan lə ngonnɛ̂ kə̂ dingaw.

Matiye 25:1

«Yeenn a, Bbe-kɔn kə̂ darâ a to tokə tar lə marə ngann mandəje dɔku kə̂ otoje lambeje ləde ta kaw tila nɛ̂n kəm dingaw kə̂ nje-taa dɛnɛ̂n.

Matiye 3:2

N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Matiye 4:23

Jeju nja nangə tə̂ kə̂ Galile tɔyn. Naw tɔju nɛ̂n dəwje mə kəy mbɔn-naanje tə̂ lə Jiipije kə̂ nangə tə̂ənn ngaâ nila mbər Tar kə̂ Maji kə̂ dɔ Bbe-kɔn tə̂ lə Lubba. Naji njê-rɔ-toje tɔyn ngaâ naji njê kə̂ dəbbə rɔde tuju narə rɔde le təl ddee maji.

Luku 13:18

Jeju pa nan: «Bbe-kɔn lə Lubba unn da-rɔ ddi wa? Ddi â mâ kunn kɔju nɛ̂n wa?

Luku 13:20

N̂-pa bbay nan: «Ddi â mâ kunn kɔju nɛ̂n Bbe-kɔn lə Lubba wa?

Kolosinyɛje 1:5

Mba aw undaje məse dɔ nɛ̂nje tə̂ kə̂ maji kə̂ Lubba ngəm mba tar ləse mə dara tə̂. Ndɔ kə̂ dila nɛ̂n mbər Tar kə̂ Maji kə̂ to tar kə̂ tɔkɔrɔ darəse njaa ooje nɛ̂n tar nɛ̂n kə̂ Lubba gɔl mba tar ləse mə dara tə̂ le.

1 Piyɛr 1:23

Sese le dujuse tokə siki, ddəw tar tə̂ lə Lubba kə̂ a nayn kəm baa kə ndɔ kə ndɔ. Tar le to tokə kandə-ko kə̂ a tuju ndɔ kâra ang. A nayn nyɔm kə ləw.