Matiye 13:21 - Dɔnɔn kə̂ Siki: Tar kə̂ aw arə təbbə

²¹ A tar le ungu ngirɛ̂ məde tə̂ ang, kure əw məde tə̂ ang. Bbo nɛ̂n kəm-to-ndoo wase nɛ̂n-singa ddee ingade mba tar lə Lubba le a, mə-kunn ləde oso njangə baa.

Maketuru le Lubba ke tar kabba

²¹ A tar le ungu ngira nange mede te ang, goe ew mede te ang. Bbo ne-kem-to-ndoo, wase ne-singa ddee ingade wɔju dɔ tar le Lubba a, koo me te lede oso njange baa.

Matiye 13:21 ပူးပေါင်းရင်းမြစ်များ

Matiye 10:22

Dəwje tɔyn a mbətəjese mbam. A dəw kə̂ uwa arə ngəng ndərəng ddutu ndɔ tə̂ a, a kinga kaji.

Matiye 11:6

Maji arə dəw kə̂ əman â, mâ to nje-dda karə mə-kunn laa oso ang.»

Matiye 13:20

Marə dəwje toje kâra baa kə lo kə̂ to ər. Dooje tar le a, n̂-taaje kə rɔ-nəəl njangə baa.

Matiye 13:57

Nɛ̂ɛnn le dda arə n̂-mbətəje ta kunn məde karɛ̂. A Jeju pa arəde nan: «Dəwje aw walje nje-kila mbər tar lə Lubba kəsə loje tə̂ tɔyn, a bbe kə̂ nisi tə̂ wase mə kəy tə̂ laa, daw walɛ̂ tə̂ ang.»

Matiye 13:6

Kar ɔsu nya a, puru kar le ɔn koje le arə tutu, mba ngirade andə nangə̂ ang.

Matiye 24:13

A dəw kə̂ uwa arə ngəng ndərəng tee kɔnyɛ̂ tə̂ a, a kinga kaji.

Matiye 26:31

Yeenn ngaâ Jeju pa arəde nan: «Til tə̂ nəənn, â tusumje tɔyn kinyamje, mba n̂-dda Makəturu tə̂ lə Lubba nan: ‹Mâ tɔl nje-ngəm batəje, ta kusu batəje le a sanrɛ naan.›

Matiye 26:33

Piyɛr pa arɛ̂ nan: «Le dəwje tɔyn tusije inyaije kara, əman mâ kinyai ndɔ kâra ang.»

Marke 4:17

A dinyaje darə tar le ungu ngirɛ̂ məde tə̂ ang. N̂-naynje ddəwe tə̂ ang. Bbo nɛ̂n kəm-to-ndoo wase nɛ̂n-singa ddee ingade mba tar le a, n̂-tusuje dinyaje njangə baa.

Luku 8:13

Kandə-ko kə̂ gayn dɔ ər tə̂ le tɔju njê kə̂ ooje tar lə Lubba le a, taaje kə rɔ-nəəl. A tar kə̂ dooje le ungu ngirɛ̂ məde tə̂ ang, dooje məde tə̂ mba gɔju kar baa, a ndɔ kə̂ nɛ̂n nan mə tee a, n̂-tusuje dinyaje.

Tar kə̂ Maji kə̂ Jan dda makəturu tə̂ 6:26

Jeju ilade tə̂ nan: «Tɔkɔrɔ njaa, m-pa marəse, aw sangəmje mba mapa kə̂ usaje arəje məse ndann, bbo aw sangəmje mba nɛ̂n-mɔrije kə̂ ooje le ang.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Galatəje 6:12

Dəwje tɔyn kə̂ uwajese karə ujaje ganja le ndikije karə dəwje oojede maji kəmde tə̂. Nɛ̂n kə̂ daw sangə njaa to, karə koy lə Kristə dɔ kakə-dəsə tə̂ le dəwje ulaje kəmde ndoo mbɛɛ̂ ang.

Galatəje 6:15

Mba kuja ganja wase kuja ganja ang to marə nɛ̂n ang. Nɛ̂n kə̂ ngəng â to, dda kə̂ Lubba dda arə n-ddeeje to dəwje kə̂ siki.

Epɛjinyɛje 3:17

M-duje karə narə Kristə dda bbe məse tə̂ ddəw mə-kunn tə̂ le, karə ndiki naan ləse dda arə ubbaje singa tokə lə kakə kə̂ ngirɛ̂ ungu nangə̂ arə kətərə ddəm tokə kəy kə̂ gɔlɛ̂ uwa nangə kə majɛ̂ ddəm.

Pilipinyɛje 1:6

Nɛ̂n kə̂ m-gərə â tokə be: Lubba kə̂ unn kutu kula kə̂ maji tɔyn nəənn ddəw tə̂ ləse a kaw nɛ̂n ndərəng karə tunga ndɔ tə̂ kə̂ Jeju-Kristə a təl.

2 Timɔte 1:15

Ə-gərə maji to dəwje tɔyn kə̂ Aji tusumje Inyamje. Pijɛl de kə Ɛrmojɛnn kara dinyamje tɔ.

2 Timɔte 4:10

Mba Demas tusum inyam mba bbo nɛ̂nje kə̂ nangə̂ kə̂ bbokənɛn nəənn. Naw Tesalonikə. Keresan aw nangə tə̂ kə̂ Galasi ngaâ Titə aw nangə tə̂ kə̂ Dalmasi.

Jakə 3:2

Mba jeje tɔyn njaa jaw ndəəmje ddəw nya. A bbo marə dəw aw pa tar uru nɛ̂n muû ang a, n̂-to dəw kə̂ maji tɔyn, n̂-to dəw kə̂ nasə ta ngəm da-rɔɛ̂ tɔyn kə majɛ̂.

1 Piyɛr 1:5

sese kə̂ naw ngəmse ddəw singa-mɔngu tə̂ laa mba mə-kunn ləse karə ingaje kaji nəənn le. Ddutu ndɔje tə̂ a, nâ tɔju kaji kə̂ najise le kə ddaka karə dəwje tɔyn ooje.

Apokalisi 2:13

M-gərə lo kə̂ ə-dda bbe tə̂ kə majɛ̂: Ngende-mbay lə Satan to tə̂ənn. A dɔ ndɔ tə̂ kə̂ n̂-tɔl nɛ̂n Antipas kə̂ to nje-tar-naji ləm kə̂ gatə gatə bbeê ləse kə̂ Satan dda bbe tə̂ le njaa kara ə-nayn gom tə̂ nyɔm bbo ə-tusu məi kə̂ unn arəm le inya ang.