Matiye 12:50 - Dɔnɔn kə̂ Siki: Tar kə̂ aw arə təbbə

⁵⁰ Bbo dəw dda nɛ̂n kə̂ mə Bɔmje kə̂ darâ ndiki a, dəw le to ngokɔnʼm, to kɔn-nannəm wase kɔnʼmje.»

Maketuru le Lubba ke tar kabba

⁵⁰ Toke dew dda ne ke me bɔmje ke darâ ndiki a, dew le to ngokɔm, to kɔnanem, wase to kɔmje.»

Matiye 12:50 ပူးပေါင်းရင်းမြစ်များ

Matiye 12:49

Goe tə̂ a, nula jia kə rɔ njê-njaje goe tə̂, n̂-pa nan: «Kɔnʼmje kə ngakɔnʼmje â nəənn.

Matiye 13:1

Ndɔɛ̂ tə̂ənn njaa, Jeju in mə kəy tə̂ tee ddaka ngaâ aw isi kar tɔkə dangə maann tə̂.

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Matiye 25:45

A nâ kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ngakɔm kə̂ toje to dəwje kə̂ tɛn nəənn, ə-ddaje nɛ̂njeenn le kə marɛ̂ ang a, yeenn to əman â ə-ddaje səm ang.›

Matiye 28:10

Yeenn ngaâ Jeju pa arəde nan: «Ə-bbəəlje ang, aw paje arəje ngakɔnʼmje arəje dawje Galile. Lo kə̂ nunn â dâ koomje tə̂.»

Marke 3:35

Mba dəw kə̂ dda nɛ̂n kə̂ mə Lubba ndiki â to ngokɔnʼm, to kɔn-nannəm ngaâ to kɔnʼmje.»

Luku 8:21

A nilade tə̂ nan: «Kɔnʼmje kə ngakɔnʼmje â toje to nje kə̂ ooje tar lə Lubba, a ddaje nɛ̂n kula.»

Tar kə̂ Maji kə̂ Jan dda makəturu tə̂ 15:14

Bbo ə-ddaje nɛ̂n kə̂ munn ndu karə ə-ddaje a, yeenn tɔju to ə-toje to dəwje kə̂ m-ndikide.

Tar kə̂ Maji kə̂ Jan dda makəturu tə̂ 20:17

Jeju pa arɛ̂ nan: «Ɔrum kə jii ang, mba m-nayn maw rɔ Bɔy tə̂ ang bbay. A aw pa arə ngakɔnʼmje ə-pa nan maw maw kə rɔ Bɔy tə̂ kə rɔ Bɔmje tə̂ kə̂ to Bɔsese ddəm rɔ Lubba tə̂ ləm kə̂ to Lubba ləse ddəm.»

Tar kə̂ Maji kə̂ Jan dda makəturu tə̂ 6:29

Jeju ilade tə̂ nan: «Kula lə Lubba to karə ooje məse tə̂ kə dəw kə̂ nulɛ̂.»

Tar kə̂ Maji kə̂ Jan dda makəturu tə̂ 6:40

Nɛ̂n kə̂ mə Bɔmje ndiki â nəənn: Karə dəwje tɔyn kə̂ ooje Ngonn le ngaâ ooje məde tə̂ saa, ingaje təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndolde.»

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

Kulaje 26:20

A dəwje kə̂ Damas kə Jerujalɛm â mila mbər tar nəənn marəde dɔngɔr. Goe tə̂ a, mila mbər marə dəwje kə̂ Jude kə dəwje kə̂ toje to Jiipije ang. M-pa marəde karə n̂-turuje məde ta daaje lo kə rɔ Lubba tə̂ ngaâ ta n̂-ddaje nɛ̂n kə̂ tɔju to n̂-turuje məde mban.

Rɔmɛnje 8:29

Mba Lubba gərəde ngaâ undade dang tokə kete karə n̂-ddeeje tokə lə Ngonnɛ̂, mba karə Ngonnɛ̂ le təl to Ngonn-dərə horo njê-mə-kunnje tə̂ kə̂ banya.

1 Kɔrɛntinyɛje 9:5

Jee kə ddəw ta ddee kə marə ngokɔnje kə̂ dɛnɛ̂n to dɛnɛ̂n ləje tokə kəsə njê-kaw-kulaje kə ngakɔn Əbbə-dəwje kə Piyɛr daw ddajeenn ang wa?

2 Kɔrɛntinyɛje 11:2

Maw mayn jangə dɔse tə̂ tokə Lubba aw ayn jangə dɔse tə̂ le. M-dda mɔrɔ ləse marə dingaw kâra baa kə̂ to Kristə. M-ndiki ta ddee kə se nɔɛ̂n tə̂ tokə ngonn mandə kə̂ gərə ngaw ang bbay kə̂ aw ngəm rɔɛ̂.

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Galatəje 6:15

Mba kuja ganja wase kuja ganja ang to marə nɛ̂n ang. Nɛ̂n kə̂ ngəng â to, dda kə̂ Lubba dda arə n-ddeeje to dəwje kə̂ siki.

Kolosinyɛje 3:11

Bbasinɛn, Gɛrɛkə wase Jiipi goto ngaa. Dəw kə̂ uja ganja wase uja ganja ang goto. Dəw kə̂ gəle to dang wase dəw kə̂ kəmɛ̂ ɔru ang goto. Dəw kə̂ to bbərə wase to bbərə ang goto ngaa. A Kristə â to nɛ̂n tɔyn, ne â nee mə dəwje tə̂ tɔyn.

1 Timɔte 5:2

Maji karə ə-ndəjə kɔn dɛnɛ̂nje tokə lə kɔinjedede. Ə-ndəjə dɛnɛ̂nje kə̂ naynje kə singade bbay kə mə-nda kayn tokə ngakɔn-nanni.

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

1 Piyɛr 4:2

Yeenn bba karə kəsə ndɔje kə̂ n̂-nayn nɛ̂n dɔ nangə tə̂ nəənn kə da-rɔɛ̂ bbay le, n̂-nja kə ddəw kə̂ mə Lubba ndiki, bbo ddəw bboje tə̂ kə̂ da-rɔ tə̂ ang ngaa.

1 Jan 2:17

Nangə le aw nday kə bbo nɛ̂nje kə̂ nangə̂ tɔ. A dəw kə̂ dda nɛ̂n kə̂ mə Lubba ndiki a kisi kə ndɔ kə ndɔ.

Apokalisi 22:14

Maji arəde, de dəwje kə̂ daw tokoje kubbuje ləde, ta kinga ddəw kusa kandə kakə kə̂ aw arə dəw təbbə ddəm ta kandə kə ta-ndoko mə bbe tə̂ le ddəm.