Matiye 12:32 - Dɔnɔn kə̂ Siki: Tar kə̂ aw arə təbbə

³² Bbo dəw pa tar kə̂ mbətə Ngonn lə dəw a, Lubba a kɔru tar dɔɛ̂ tə̂. A dəw kə̂ pa tar kə̂ mbətə Ndil-mə-nda, Lubba a kɔru tarɛ̂ dɔɛ̂ tə̂ bbokənɛn nəənn ang ddəm ndɔ kə̂ bara ang ddəm.»

Maketuru le Lubba ke tar kabba

³² Toke dew pa tar ke mbete ngonn le dew a, Lubba a kɔru tar dɔe te. A toke dew pa tar ke mbete Ndil-me-nda a, Lubba a kɔru tare dɔe te bbokone neenn ang ddem, ndɔ te ke bara ang ddem.

Matiye 12:32 ပူးပေါင်းရင်းမြစ်များ

Matiye 11:19

Ngonn lə dəw ddee ngaâ ɔn muru ddəm ay nɛ̂n ddəm a dəwje paje nan: ‹N̂-to nje-nɛ̂n-kusa kə nje-nɛ̂n-kay. N̂-to nje-buwa-kura lə njê-taaje narɛ lambo ddəm njê-nɛ̂n-ddaje kə̂ maji ang ddəm.› A kulaje kə̂ kəm-karɛ lə Lubba le aw dda, tɔju to kəm-karɛ le to gatə gatə.»

Matiye 12:31

Mba yeenn bba, m-pa marəse, Lubba a kɔru tar majangje tɔyn kə tar taji kə̂ dəwje aw tajɛ̂je dɔde tə̂. A nâ kɔru tar dɔ dəw tə̂ kə̂ taji Ndil ang.

Matiye 12:8

Mba Ngonn lə dəw njaa to Nje-ndɔ-kuwa-rɔ.»

Matiye 13:22

A marə dəwje toje tokə nangə kə̂ konnje ubbaje tə̂ le. Dooje tar le kə majɛ̂, a kəjə-tarje mba nɛ̂nje kə̂ nangə̂ nəənn kə bbo nɛ̂n-kingaje kə̂ aw ərəde ore dɔ tar le kə nangə̂ arə tar le andə ang.

Matiye 13:39

Nje-baan kə̂ dubbu mu kə̂ maji ang le to Əsu. Ndɔ kuja kandə-ko le to ddutu ndɔ, njê-kujaje kandə-ko le toje to anjəje.

Matiye 13:40

Ddutu ndɔ a, nɛ̂n a to kâra baa tokə daw tɔru mu kə̂ maji ang ta kungu purô.

Matiye 13:55

Ngonn lə nje-dda kula kakə le â nəənn ang wa? Kɔɛ̂nje â to Mari ngaâ ngakɔɛ̂nje â toje to Jakə, Jojɛpə, Simɔn kə Judə ang wa?

Matiye 8:20

Jeju ilɛ̂ tə̂ nan: «Mulaje, buwa tode to ngaâ əəlje kə̂ darâ kəy tode to, a Ngonn lə dəw, kəy dɔɛ̂ goto.»

Marke 10:30

a təl kinga nɛ̂njeenn asə gɔl kɔr kâra bbasinɛn nəənn. Nâ kinga kəy, ngakɔɛ̂nje kə̂ dingaw kə ngakɔɛ̂nje kə̂ dɛnɛ̂n, kɔɛ̂njedede, ngannje kə ndɔɔje ngaâ dəwje a kulaje kəmɛ̂ ndoo tə̂ tɔ. A nâ kinga təbbə kə̂ to kə ndɔ kə ndɔ mə ndɔje tə̂ kə̂ aw ddeeje.

Marke 3:28

«Tɔkɔrɔ njaa m-pa marəse: Lubba a kɔru tar majangje kə tar nɛ̂n-tajije tɔyn kə̂ dəwje tajɛ̂je dɔde tə̂ kə ddang.

Marke 3:29

A dəw kə̂ taji Ndil-mə-nda, tar a kɔru dɔɛ̂ tə̂ ndɔ kâra ang. Mba tar majang kə̂ to kə ndɔ kə ndɔ to dɔɛ̂ tə̂ mban.»

Luku 12:10

Dəw kə̂ pa tar lə Ngonn lə dəw maji ang, Lubba a kɔru tar dɔɛ̂ tə̂. A dəw kə̂ taji Ndil-mə-nda, Lubba a kɔru tar dɔɛ̂ tə̂ ang.

Luku 16:8

Nje-ngəm nɛ̂nje kə̂ to gatə gatə ang le əbbeeje le pite, mba nje-ngəm nɛ̂nje le dda nɛ̂n kə gusu. Dəwje kə̂ nangə̂ nəənn ddaje nɛ̂n kə gusu nya horode tə̂ uta dəwje kə̂ aw njaje dann lo-karɛ tə̂.»

Luku 18:30

nâ kinga nɛ̂n nya mə ndɔje tə̂ nəənn ddəm nâ kinga təbbə kə̂ to kə ndɔ kə ndɔ, mə ndɔje tə̂ kə̂ aw ddeeje ddəm.»

Luku 23:34

Jeju pa nan: «Bɔy, ɔru tar dɔde tə̂, mba n̂-gərəje nɛ̂n kə̂ daw ddaje ang.» N̂-ddɔje mbari n̂-kaynje nɛ̂n naan kubbuje laa.

Luku 7:34

Ngonn lə dəw ddee ngaâ ɔn muru ddəm ay nɛ̂n ddəm, a ə-paje nan: ‹Dəw nəənn to nje-nɛ̂n-kusa, nje-nɛ̂n-kay, nje-buwa-kura lə njê-taaje narɛ lambo ddəm njê-nɛ̂n-ddaje kə̂ maji ang ddəm.›

Tar kə̂ Maji kə̂ Jan dda makəturu tə̂ 7:12

Horo dəwje tə̂ kə̂ banya le, dəwje aw paje tar laa hɔy hɔy. Marɛ̂je paje nan: «N̂-to dəw kə̂ maji.» A marɛ̂je paje nan: «Ngəm, naw nərə dəwje.»

Tar kə̂ Maji kə̂ Jan dda makəturu tə̂ 7:39

Jeju pa tar nəənn ɔju dɔ Ndil kə̂ dəwje kə̂ ooje məde tə̂ saa a kingaje le. Kar tə̂ənn, Ndil-mə-nda ddee ang bbay, mba Jeju nayn inga piti lə Lubba ang bbay.

Tar kə̂ Maji kə̂ Jan dda makəturu tə̂ 7:52

A kəseje ilɛ̂je tə̂ nan: «Ə-to dəw kə̂ Galile tɔ wa? Ə-sangə mə Makəturu tə̂ lə Lubba kə majɛ̂ oo a, â gərə. Marə nje-kila mbər tar lə Lubba in Galile tə̂ ddee ndɔ kâra ang.»

Kulaje 3:19

Yeenn a, maji karə ə-turuje məse ta ə-təlje rɔ Lubba tə̂. Baann bba nâ toko majangje ləse

Epɛjinyɛje 1:21

dɔ ndilje tə̂ tɔyn kə̂ aw ɔnje mbay, dɔ singa-mɔnguje tə̂ tɔyn kə dɔ rije tə̂ tɔyn kə̂ dəwje aw bbar nangə̂ nəənn, ndɔ tə̂ kə̂ bbokənɛn ddəm kə̂ bara ddəm.

1 Timɔte 1:13

A əman kə̂ ləw m-to nje-tuju ria, mula kəm dəwje laa ndoo tə̂, m-tajide le, Lubba oo kəm-to-ndoo ləm, mba moo məm tə̂ saa ang arə m-gərə dɔm nɛ̂n tə̂ kə̂ m-dda le ang.

1 Timɔte 1:15

Tar nəənn to tar kə̂ tɔkɔrɔ, maji karə dəwje tɔyn taaje tar nəənn ngəmje məde tə̂: Jeju-Kristə ddee dɔ nangə tə̂ mba kaji njê-nɛ̂n-ddaje kə̂ maji ang. Əman njaa m-to dəw kə̂ dda majang uta kəsə dəwje tɔyn.

1 Timɔte 4:8

Kunn rɔ kila ndam-singa tə̂ to nɛ̂n kə̂ dda maji njaa, a dda maji ddəw nɛ̂nje tə̂ nya ang. A kunn rɔ karə Lubba to nɛ̂n kə̂ dda maji ddəw nɛ̂nje tə̂ tɔyn. Kunn rɔ karə Lubba le ndu-kunn mba kisi nɛ̂n kə təbbə kə̂ to ndɔ tə̂ kə̂ bbokonɛn ddəm ndɔ tə̂ kə̂ aw ddee ddəm to tə̂.

1 Timɔte 6:17

Maji karə unn ndu arə njê-nɛ̂n-kingaje kə̂ bbokənɛn nəənn arə dɔsuje gaji rɔde baa ang. Maji karə dundaje məde kə dɔ nɛ̂n-kingaje tə̂ ang, mba to nɛ̂nje kə̂ a ndayje. A maji karə dundaje məde dɔ Lubba tə̂ kə̂ aw arəje nɛ̂n tɔyn arə uta dɔɛ̂ karə jisi nɛ̂n kə majɛ̂.

2 Timɔte 4:10

Mba Demas tusum inyam mba bbo nɛ̂nje kə̂ nangə̂ kə̂ bbokənɛn nəənn. Naw Tesalonikə. Keresan aw nangə tə̂ kə̂ Galasi ngaâ Titə aw nangə tə̂ kə̂ Dalmasi.

Titə 2:12

Mə-maji laa le tɔjuje karə jinyaje pa-nja ləje kə̂ maji ang kə bbo nɛ̂nje kə̂ nangə̂ nəənn, mba karə kisi ləje to kə dɔgɔlɛ̂ ddəm gatə gatə ddəm ngaâ karə juwaje tar lə Lubba jarəje ngəng.

Jakə 1:27

Kə̂ kəm Lubba tə̂ kə̂ to Bɔjeje, dda kə Lubba tɔkɔrɔ tə̂ kə̂ nɛ̂n-yərəw ɔru ang, to kaw koo ngann-ndubbaje kə dɛnɛ̂n-ndubbaje lo-kisi ndoo tə̂ ləde ngaâ ta ngəm-rɔ ddəw kula yərəwje tə̂ kə̂ dɔ nangə tə̂ tɔ.