Matiye 12:28 - Dɔnɔn kə̂ Siki: Tar kə̂ aw arə təbbə

²⁸ A bbo Ndil lə Lubba â maw tubba nɛ̂n ndilje kə̂ maji ang a, yeenn tɔju to kɔn-mbay lə Lubba ddee ndərəng tee rɔse tə̂ ngaa.

Maketuru le Lubba ke tar kabba

²⁸ A toke ddew singa te le Ndil le Lubba a maw m-tubba ne ndilje ke maji ang a, yeenn tɔju to kɔn-bbe le Lubba tee dɔse te ngaa.

Matiye 12:28 ပူးပေါင်းရင်းမြစ်များ

Matiye 12:18

«Lubba pa nan: Ne nəənn â n̂-to Nje-kula ləm kə̂ m-mbəre. Ne kə̂ m-ndike nya ngaâ minga rɔ-nəəl mbɛɛ̂. Mâ karə Ndil ləm isi dɔɛ̂ tə̂, karə nila mbər nɛ̂n-dda kə̂ gatə gatə narə dəwje kə̂ toje to Jiipije ang.

Matiye 12:29

Bbo dəw ndiki ta kandə kə̂y le marə nje-singa mba koto nɛ̂n-kingaje laa a, nâ kuwɛ̂ tɔɛ̂ kete bba ang tokə baann wa? Nâ dda baann bba nâ kasə ta koto nɛ̂nje tɔyn kə̂ to mə kəy tə̂ le.

Matiye 21:31

Jeju dujude nan: «Horo ngannje tə̂ kə̂ joo nəənn, ne kə̂ dda â n̂-dda nɛ̂n kə̂ bɔɛ̂je ndiki wa?» Dilɛ̂je tə̂ nan: «Ne kə̂ dɔngɔr.» Jeju pa arəde nan: «Tɔkɔrɔ njaa, m-pa marəse, njê-taaje narɛ lambo kə dɛnɛ̂n njê-kayaje a kandəje mə Bbe-kɔn tə̂ lə Lubba dɔngɔr karəse.

Matiye 21:43

Mba yeenn bba, m-pa marəse: Lubba a kɔru Bbe-kɔn laa jise tə̂ karə marə gəl-dəwje kə̂ a ddaje kula kə̂ maji.

Matiye 4:24

Ri Jeju bbar dɔ nangə Siri tə̂ tɔyn arə dəwje ddeeje kə njê-rɔ-toje dang dang rɔɛ̂ tə̂: Dede kə̂ rɔ-toje dang dang ula kəmde ndoo, njê kə̂ ndilje kə̂ maji ang toje məde tə̂, njê-dɔ-kilaje kə nje kə̂ dəbbə rɔde oy ngaâ Jeju ajide.

Matiye 6:33

Ə-sangəje Bbe-kɔn lə Lubba kə gatə gatə laa dɔngɔr, a nâ karəse kəsə nɛ̂njeenn tɔyn dɔɛ̂ tə̂.

Marke 1:15

N̂-pa nan: «Kar kə̂ Lubba ɔju le asə ngaâ kɔn-mbay lə Lubba ddee ngɔsi ngaa. Ə-turuje məse bbo ooje məse tə̂ kə Tar kə̂ Maji.»

Marke 11:10

Maji karə Lubba bbar tar kə̂ maji dɔ kɔn-mbay tə̂ kə̂ aw ddee, kɔn-mbay lə kajeje Dabbiti. Jɔsuje gaji Lubba kə̂ isi ddutu dara tə̂ nu!»

Marke 16:17

Nɛ̂n kə̂ dâ gərə nɛ̂n dəwje kə̂ a kooje məde tə̂ â nəənn: Dâ tubbaje ndilje kə̂ maji ang kə rim, dâ paje ndɔn-tarje kə̂ siki.

Luku 10:11

‹Bum nangə kə̂ mə bbe tə̂ ləse kə̂ uwa gɔlje le njaa kara n-tunda jarə təl kə dɔse tə̂ ta kɔru nɛ̂n naji ləse, a maji karə ə-gərəje to kɔn-mbay lə Lubba ddee ngɔsi kə se.›

Luku 11:20

A bbo Lubba â arəm singa maw tubba nɛ̂n ndilje kə̂ maji ang a, yeenn tɔju to kɔn-mbay lə Lubba ddee ndərəng tee rɔse tə̂ ngaa.

Luku 16:16

«Ndu lə Mɔyijə kə tar lə njê-kilaje mbər tar lə Lubba tɔju ddəw dəwje ndərəng ndɔ tə̂ lə Jan-Batisi. Unn kute ndɔɛ̂ tə̂ənn kə̂ daw dila mbər Tar kə̂ Maji dɔ Bbe-kɔn tə̂ lə Lubba darə dəwje, nân nân kara aw dda singa mba kandə tə̂.

Luku 9:2

Nulade karə dila mbər tar kɔn-mbay lə Lubba darə dəwje ddəm karə daji njê-rɔ-toje ddəm.

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Rɔmɛnje 14:17

Tɔkɔrɔ tə̂, tar Bbe-kɔn lə Lubba to tar nɛ̂n-kusa ang ddəm to tar nɛ̂n-kay ang ddəm. Bbe-kɔn lə Lubba to tar nɛ̂n-dda kə̂ gatə gatə, to mə-wul-lɔm, to rɔ-nəəl kə̂ Ndil-mə-nda aw arə dəwje.

Kolosinyɛje 1:13

N̂-tee kə je kɔ singa tə̂ lə mbay kə̂ lo ndul tə̂ kə ddang ngaâ naw kə je mə Bbe-kɔn tə̂ lə Ngonnɛ̂ kə̂ n̂-ndike nya.

Ebərəje 12:28

Lubba aw arəje Bbe-kɔn kə̂ nɛ̂n a kasə ta yəkə ang. Yeenn bba, maji karə jarɛ̂je wooyo ngaâ n-poleje kə ddəw kə̂ a karɛ̂ rɔ-nəəl, n-ngəmje rɔje mba tar laa ddəm n-bbəəleje ddəm.

1 Jan 3:8

Dəw kə̂ nayn ddəw majang tə̂ to dəw lə Əsu, mba Əsu to nje-nɛ̂n-dda kə̂ maji ang kunn-kutu nɛ̂nje tə̂ njaa. Mba yeenn bba, Ngonn lə Lubba ddee ta tuju kula-dda lə Əsu.