Matiye 12:26 - Dɔnɔn kə̂ Siki: Tar kə̂ aw arə təbbə

²⁶ Bbo Satan tubba Satan a, yeenn pa nan n̂-tin kə da-rɔɛ̂ njaa. A Bbe-kɔn laa le a təl nayn bbay tokə baânn wa?

Maketuru le Lubba ke tar kabba

²⁶ Toke satan tubba satan a, yeenn to ne njaa naw n̂-dda ddɔ ke rɔe. A bbe-kɔn laa le a tel nayn toke baann wa?

Matiye 12:26 ပူးပေါင်းရင်းမြစ်များ

Matiye 13:19

Dəwje kə̂ ooje tar kɔn-mbay lə Lubba, a gərəje kandə tar le ang, toje tokə dɔ ddəw kə̂ kandə-koje gaynje tə̂ le. Nje-mə-majang ddee ɔru nɛ̂n kə̂ n̂-dubbu məde tə̂ le kə ddang.

Matiye 4:10

Jeju pa arɛ̂ nan: «Ɔtu kə ddang, Satan! Makəturu lə Lubba pa nan: ‹Maji karə Əbbə-dəwje kə̂ to Lubba ləi njaa kâra baa â ɔsu gɔli nɔɛ̂n tə̂, ta ne kâra baa â ə-pole tɔ.› »

Matiye 9:34

A Parijinyɛje paje nan: «Mbay lə ndilje kə̂ maji ang â arə Jeju singa tubba nɛ̂n ndilje.»

Tar kə̂ Maji kə̂ Jan dda makəturu tə̂ 12:31

Kar gangə sariya dɔ nangə tə̂ nəənn asə ngaa. Bbasinɛn, dâ tubba nje-kɔn dɔ duninya nəənn kə ddang.

Tar kə̂ Maji kə̂ Jan dda makəturu tə̂ 14:30

Mâ pa tar nya karəse ang ngaa. Mba nje-kɔn dɔ duninya nəənn aw ddee. Nubba singa tɛn dɔm tə̂ ang.

Tar kə̂ Maji kə̂ Jan dda makəturu tə̂ 16:11

Nâ tɔjude karə n̂-gərəje nɛ̂n kə̂ ria nan sariya lə Lubba, mba Lubba gangə sariya dɔ nje-kɔn dɔ duninya tə̂ nəənn mban.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

Kolosinyɛje 1:13

N̂-tee kə je kɔ singa tə̂ lə mbay kə̂ lo ndul tə̂ kə ddang ngaâ naw kə je mə Bbe-kɔn tə̂ lə Ngonnɛ̂ kə̂ n̂-ndike nya.

1 Jan 5:19

Jeje, n-gərəje to n-toje to dəwje lə Lubba, a duninya nəənn tɔyn to mə ji Nje-mə-majang tə̂.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 16:10

Anjə kə̂ to min laa mbəl wungu kə̂ mə əngo tə̂ laa dɔ ngende-mbay tə̂ lə da le. Yeenn ngaâ lo tuka ndul dɔ bbe-kɔn tə̂ lə da le. Kəm-to-ndoo uta dɔ dəwje arə dəwje ngəərje ngangəde.

Apokalisi 9:11

Tɔkə mbay ləde to anjə kə̂ to mə tɔkə buwa tə̂ kə̂ sunrɛ̂ goto le. Ria kə ndɔn-tar lə ebərəje nan Abadɔn, a kə ndɔn-tar lə gerekəje nan Apolinyɔ. Kandə ri le nan «Nje-nɛ̂n-tuju».