Matiye 12:18 - Dɔnɔn kə̂ Siki: Tar kə̂ aw arə təbbə

¹⁸ «Lubba pa nan: Ne nəənn â n̂-to Nje-kula ləm kə̂ m-mbəre. Ne kə̂ m-ndike nya ngaâ minga rɔ-nəəl mbɛɛ̂. Mâ karə Ndil ləm isi dɔɛ̂ tə̂, karə nila mbər nɛ̂n-dda kə̂ gatə gatə narə dəwje kə̂ toje to Jiipije ang.

Maketuru le Lubba ke tar kabba

¹⁸ «Lubba pa na: Ne neenn a n̂-to Nje-kula lem ke m-bere. Ne ke m-ndike nya, ngaa minga rɔ-neel ddew te laa. Ma kare Ndil lem isi dɔe te, kare nila mber ne-dda ke gate gate nare dewje ke toje to Jiipije ang.

Matiye 12:18 ပူးပေါင်းရင်းမြစ်များ

Matiye 12:17

Yeenn bba tar kə̂ Ejayi kə̂ to nje-kila mbər tar lə Lubba pa le ddee to tar kə̂ tɔkɔrɔ. Tar le nan:

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Marke 1:11

Marə ndu bbar mə dara tə̂ nan: «Ə-to ngonnəm kə̂ m-ndikii nya. Əi â minga rɔ-nəəl mbai.»

Marke 9:7

Mum ddee kiride ngaâ marə ndu bbar mə mum tə̂ le nan: «Dəw nəənn to Ngonnəm kə̂ m-ndike nya. Ooje tɛɛ̂!»

Luku 23:35

Dəwje arje tə̂ənn aw ooje nɛ̂njeenn le. Mbayje lə Jiipije aw kokoje Jeju nan: «Naji marə dəwje. A bbo n̂-to Kristə kə̂ Lubba mbəre a, maji karə naji da-rɔɛ̂ njaa ngaa.»

Luku 3:22

ngaâ Ndil-mə-nda unn da-rɔ tokə lə dər ddisi dɔɛ̂ tə̂. Marə ndu in darâ nan: «Ə-to Ngonn ndiki ləm! Rɔm nəələm nya mbai.»

Luku 4:18

«Ndil lə Əbbə-dəwje to dɔm tə̂, mba nungu ubbu dɔm tə̂ karə mila mbər Tar kə̂ Maji marə njê-ndooje. Nulam karə m-pa marə bbərəje to dâ teeje kɔ bbərə tə̂, karə m-pa marə njê-kəm-tɔje to dâ təlje kooje lo, nulam karə mɔru dəwje ndoo tə̂ kə ddang.

Luku 9:35

Marə ndu bbar mə mum tə̂ le pa nan: «Dəw nəənn to Ngonnəm kə̂ m-mbəre, ooje tɛɛ̂.»

Tar kə̂ Maji kə̂ Jan dda makəturu tə̂ 3:34

Dəw kə̂ Lubba ulɛ̂ aw pa tarje lə Lubba, mba Lubba aw arɛ̂ Ndil arə dduse.

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 11:18

Dəwje le ooje tarjeenn le a, əwje rɔde ngaâ ɔsuje gaji Lubba paje nan: «Lubba arə ddəw dəwje kə̂ toje to Jiipije ang karə n̂-turuje məde mba kinga nɛ̂n təbbə tɔ.»

Kulaje 14:27

Pɔl de kə Barnabas n̂-teeje Antiyos nangə tə̂ kə̂ Siri a, n̂-mbɔnje njê-mə-kunnje. Dɔruje gəl nɛ̂nje tɔyn kə̂ Lubba dda ddəw tə̂ ləde kə gusu kə̂ Lubba ɔru nɛ̂n ddəw arə dəwje kə̂ toje to Jiipije ang ooje məde tə̂ tɔ le.

Epɛjinyɛje 1:6

Yeenn a, maji karə jɔsuje gaji Lubba mba mə-maji kə̂ n̂-dda kə je kə nangə̂ baa, ddəw tə̂ lə Ngonnɛ̂ kə̂ n̂-ndike nya.

Kolosinyɛje 1:1

Əman Pɔl kə̂ Lubba ndiki tə̂ arə m-ddee to nje-kaw-kula lə Jeju-Kristə kə ngokɔnʼm Timɔte,

Kolosinyɛje 1:13

N̂-tee kə je kɔ singa tə̂ lə mbay kə̂ lo ndul tə̂ kə ddang ngaâ naw kə je mə Bbe-kɔn tə̂ lə Ngonnɛ̂ kə̂ n̂-ndike nya.

1 Piyɛr 2:4

Maji karə ə-ddeeje ngɔsi kə Əbbə-dəwje Jeju. N̂-to ər kə̂ to kəm baa kə̂ dəwje mbətəje, a Lubba mbərə ngaâ oo to nɛ̂n kə̂ ngəng nya kəmɛ̂ tə̂.

2 Piyɛr 1:17

Mba kar tə̂ kə̂ jee nɛ̂n saa dɔ ddingiri tə̂ kə̂ maji tɔyn le, Lubba kə̂ Bɔ pite ngaâ walɛ̂ kar tə̂ kə̂ ne Lubba kə̂ nje-tɔkə-mbangə n̂-pa mə piti tə̂ laa nan: Dəw nəənn to ngonnəm kə̂ m-ndike nya, minga rɔ-nəəl nya ddəw tə̂ laa. Ngaa ndu kə̂ in darâ le, jeje njaa joo kə mbije.