Matiye 11:5 - Dɔnɔn kə̂ Siki: Tar kə̂ aw arə təbbə

⁵ Ə-paje nan: ‹Njê-kəm-tɔje ooje lo, njê-gɔl-gotoje njaje, banji lə dəwje goto rɔde tə̂ kə ddang, njê-mbi-kutuje ooje tar, dəwje kə̂ oyje ndolje ngaâ njê-ndooje ooje Tar kə̂ Maji.›

Maketuru le Lubba ke tar kabba

⁵ Nje-kem-tɔje ooje lo, nje-meteje njaje, rɔ nje-banjije ddee maji, nje-mbikutuje ooje tar ddem, dewje ke oyje ndolje ddem, ngaa dila mber Tar ke maji dare nje-ndooje.

Matiye 11:5 ပူးပေါင်းရင်းမြစ်များ

Matiye 10:8

Ajije njê-rɔ-toje, ə-ndolje dəwje kə̂ oyje, ajije njê-banjije arəje rɔde ddee maji, ə-tubbaje ndilje kə̂ maji ang. Lubba arəse nɛ̂n le baa, yeenn a, maji karə arəje dəwje baa tɔ.

Matiye 11:4

Jeju ilade tə̂ nan: «Aw paje nɛ̂n kə̂ ooje kə kəmse ddəm kə mbise ddəm le arəje Jan.

Matiye 12:13

Yeenn ngaâ Jeju pa arə dingaw le nan: «Ə-ndɔju jii.» N̂-ndɔju jia le ngaâ jia le təl ddee maji tokə ye kə̂ kâra.

Matiye 21:14

Njê-kəm-tɔje kə njê-mətəje ddeeje rɔɛ̂ tə̂ mə kəy-polo Lubba tə̂ le ngaâ najide narə rɔde ddee maji.

Matiye 5:3

«Maji arəse, see dəwje kə̂ ə-gərəje to nɛ̂n ndil duse, mba Bbe-kɔn kə̂ darâ to ləse.

Matiye 9:30

Kəmde le uja ngaâ Jeju ndɔru mbide nya nan: «Ooje kə majɛ̂, maji karə dəw kâra gərə tarɛ̂ ang.»

Marke 7:37

Tar le dum dɔ dəwje kə̂ banya le ngaâ paje nan: «Nɛ̂nje tɔyn kə̂ n̂-dda to nɛ̂nje kə̂ maji nya. N̂-dda narə njê-mbi-kutuje ooje tar ngaâ njê kə̂ ndɔnde tɔ kara paje tar tɔ.»

Marke 9:25

Jeju oo dəwje kə̂ banya kə̂ aw ddeeje kə ngɔru kə rɔde tə̂ a, ndangə ndil kə̂ maji ang le nan: «Əi ndil kə̂ nje-dda karə dəw pa tar ang ddəm oo tar ang ddəm ə-tee rɔ ngonn tə̂ nəənn kə ddang ta ə-təl andə məɛ̂ tə̂ ang ngaa.»

Luku 4:18

«Ndil lə Əbbə-dəwje to dɔm tə̂, mba nungu ubbu dɔm tə̂ karə mila mbər Tar kə̂ Maji marə njê-ndooje. Nulam karə m-pa marə bbərəje to dâ teeje kɔ bbərə tə̂, karə m-pa marə njê-kəm-tɔje to dâ təlje kooje lo, nulam karə mɔru dəwje ndoo tə̂ kə ddang.

Tar kə̂ Maji kə̂ Jan dda makəturu tə̂ 10:25

Jeju ilade tə̂ nan: «M-pa marəse mban, a ə-ndikije tə̂ kə tar ləm le ang. Nɛ̂nje kə̂ maw dda kə ri Bɔmje ɔruje naji ləm.

Tar kə̂ Maji kə̂ Jan dda makəturu tə̂ 10:38

A bbo maw dda kulaje le, a bbo ə-ndikije tə̂ kə tar ləm ang kara, maji karə kulaje le ə-ndikije tə̂. Yeenn bba a gərəje kə majɛ̂ to, əman kə Bɔ, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 2:23

Jeju ee Jerujalɛm kar tə̂ kə̂ daw dda kusu Pakə. Dəwje nya ooje nɛ̂n-mɔrije kə̂ Jeju aw dda le ngaâ ooje məde tə̂ saa.

Tar kə̂ Maji kə̂ Jan dda makəturu tə̂ 3:2

N̂-ddee ninga Jeju til tə̂ ngaâ n̂-pa nan: «Nje-nɛ̂n-tɔju, n-gərə to Lubba ulai ta karə ə-tɔjuje nɛ̂n. Dəw kə̂ Lubba ee saa ang a kasə ta dda nɛ̂n-mɔrije kə̂ aw dda nəənn ang.»

Tar kə̂ Maji kə̂ Jan dda makəturu tə̂ 5:36

«A tar-naji kə̂ dɔm tə̂, kə̂ ngəng uta ye kə̂ Jan pa to. Mba kula kə̂ Bɔ ulam arə maw dda le njaa aw pa tar-naji ləm ngaâ tɔju to Bɔ â ulam.

Tar kə̂ Maji kə̂ Jan dda makəturu tə̂ 9:7

Goe tə̂ a, n̂-pa narə nje-kəm-tɔ le nan: «Aw toko kəmi maann tə̂ kə̂ Silowe.» Silowe le kandɛ̂ nan: «Ngonn nje-kula.» Nje-kəm-tɔ le aw toko kəmɛ̂ maann tə̂ le ngaâ təl a, oo lo.

Kulaje 2:22

«Ngann Ijarayɛlje, maji karə ooje tar kə̂ mâ ta pa karəse nəənn. Jeju kə̂ Najarɛtə le to dəw kə̂ Lubba tɔjuse to ne â nulɛ̂ narəse. Yeenn bba Lubba arə n̂-dda nɛ̂n-mɔrije, nɛ̂nje kə̂ dum dɔ koo kə nɛ̂n-kɔbbuje dang dang horose tə̂. Ə-gərəje nɛ̂njeenn kə majɛ̂.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.