Matiye 11:29 - Dɔnɔn kə̂ Siki: Tar kə̂ aw arə təbbə

²⁹ Ə-taaje juku ləm otoje ngaâ arəje m-tɔjuse nɛ̂n, mba m-wul pee ddəm məm to mə ngonn-kasə ddəm. Yeenn bba â kuwaje rɔse.

Maketuru le Lubba ke tar kabba

²⁹ E-taaje juku lem otoje, ngaa areje m-tɔjuse ne, mba m-wul pee ddem, mem to me ngonn kase ddem. Yeenn bba a kuwaje rɔse.

Matiye 11:29 ပူးပေါင်းရင်းမြစ်များ

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Matiye 21:5

«Ə-paje arə dəwje kə̂ Sinyɔ: Ooje, mbay ləse aw ddee kə rɔse tə̂, n̂-to dəw kə̂ wul pee, nisi dɔ kɔn kororo tə̂, kə dɔ ngonn kororo tə̂ kə̂ to da kə̂ daw dda nɛ̂n kula.»

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Matiye 7:24

«Yeenn bba, bbo dəw kə̂ oo tarje tɔyn kə̂ m-pa nəənn ngaâ dda nɛ̂n kula a, to kâra baa kə nje-kəm-karɛ kə̂ dda kəy laa dɔ ər tə̂.

Luku 8:35

Dəwje awje ta koo nɛ̂n kə̂ to le. N̂-ddeeje rɔ Jeju tə̂ ngaâ dingaje dingaw kə̂ ndilje teeje məɛ̂ tə̂ kə ddang le, nisi nangə̂ kɔ gɔl Jeju tə̂. Kubbu to rɔ dingaw tə̂ le ddəm kəjə laa təl to kə majɛ̂ ddəm ngaâ bbəəl uta dɔde.

Tar kə̂ Maji kə̂ Jan dda makəturu tə̂ 13:15

Mba to nɛ̂n-kɔju-marɛ̂ â m-dda m-tɔjuse karə sese kara ə-ddaje tokə m-dda kə se le tɔ.

Tar kə̂ Maji kə̂ Jan dda makəturu tə̂ 13:17

Bbasinɛn, ə-gərəje nɛ̂ɛnn le ngaa. Bbo ə-ddaje nɛ̂ɛnn le a rɔ-nəəl to ləse.

Kulaje 7:37

Ne Mɔyijə le â n̂-pa narə ngann Ijarayɛlje nan: ‹Lubba a kula marə ngokɔnse karəse to nje-kila mbər tar lə Lubba tokə əman nəənn.›

1 Kɔrɛntinyɛje 9:21

Ddəw kâra baa, bbo misi kə dəwje kə̂ gərəje Ndu lə Mɔyijə ang a, m-dda tokə dəw kə̂ gərə Ndu le ang tɔ, mba kinga nɛ̂n de. Tɔkɔrɔ m-gərə ndu lə Lubba, mba maw dda nɛ̂n kə turu ndu Kristə.

2 Kɔrɛntinyɛje 10:1

Əman Pɔl, maw dujuse marə nɛ̂n kə ri Kristə kə̂ wul pee ddəm to nje-mə-maji ddəm. Aw paje nan, bbo misi horose tə̂ a m-wul, â bbo misi ddəw əw kə se a, maw nya dɔse tə̂ nya.

2 Kɔrɛntinyɛje 10:5

Jaw tujuje tarje tɔyn kə̂ dəwje kə̂ ooje rɔde bo nya aw paje mba kɔku nɛ̂n ddəw dəw karə gərə Lubba. Jaw juwa kəjəje lə dəwje tɔyn bbərə tə̂ karə dooje ta Kristə.

Pilipinyɛje 2:5

Maji karə pa-nja ləse horo naan tə̂ to ddəw kâra baa kə pa-nja lə Jeju-Kristə:

1 Tesalonisinyɛje 4:2

Mba ə-gərəje nduje kə̂ Əbbə-dəwje Jeju arə n-pa jarəse mban.

2 Tesalonisinyɛje 1:8

Nâ ddee dann ndɔn-puru tə̂ kə̂ aw ɔn ta kila barə dɔ dəwje tə̂ kə̂ gərəje Lubba ang ngaâ mbətəje ta dda nɛ̂n kə turu ndu Tar kə̂ Maji lə Əbbə-dəwje Jeju.

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

1 Jan 2:6

Dəw kə̂ pa nan n̂-dda mə-kâra kə Lubba a, maji karə dəw le nja tokə Jeju nja.