Matiye 11:21 - Dɔnɔn kə̂ Siki: Tar kə̂ aw arə təbbə

²¹ N̂-pa nan: «To ndoo nya arəse, see dəwje kə̂ Korajɛn! To ndoo nya arəse, see dəwje kə̂ Betesayida! Nɛ̂n-mɔrije kə̂ m-dda horose tə̂ nəənn, bbo m-dda mə bbeje tə̂ kə̂ Tir kə Sidɔn â be a, ləw baa njaa dəwje kə̂ mə bbeje tə̂ənn a kulaje kubbu-ndoo ddəm dâ kisije dɔ bu-puru tə̂ ddəm ngaâ dâ turuje məde.

Maketuru le Lubba ke tar kabba

²¹ N̂-pa na: «See dewje ke Korajen, to ndoo nya arese! See dewje ke Betesayida, to ndoo nya arese! Ne-mɔrije ke m-dda horose te neenn, toke m-dda me bbeje te ke Tir ke Sidɔn a be a, lew baa njaa dewje ke me bbeje teenn a kulaje kubbu-ndoo ddem, da kungu bu puru dɔde te ddem ngaa da turuje ddew lede.

Matiye 11:21 ပူးပေါင်းရင်းမြစ်များ

Matiye 11:22

Mba yeenn bba, m-pa marəse: Ndɔ gangə sariya a, sariya kə̂ dɔse tə̂ a ngəng kuta sariya kə̂ dɔ Tir kə Sidɔn tə̂.

Matiye 15:21

Jeju ɔtu lo tə̂ənn aw ər kə nangə tə̂ kə̂ Tir kə Sidɔn.

Matiye 18:7

To ndoo nya arə dəwje kə̂ duninya tə̂. Nɛ̂n kə̂ a dda karə dəw oso mə majang tə̂ banya nya. Tɔkɔrɔ, nɛ̂n kə̂ a dda karə dəw oso mə majang tə̂ a to kə ndɔ tɔyn. A to ndoo nya karə dəw kə̂ a dda karə njê-marɛ̂je osoje mə majang tə̂.

Matiye 26:24

Ngonn lə dəw a koy ddəw kâra baa kə tar kə̂ Makəturu lə Lubba pa dɔɛ̂ tə̂ le. A, a to ndoo nya karə dəw kə̂ a kilɛ̂ ji dəwje tə̂. Dəw le, kuje ang maji nya uta.»

Marke 3:8

Jerujalɛm kə nangə tə̂ kə̂ Idume. Dinje nangə tə̂ kə̂ tura Jurdɛn tə̂ kə bbeje tə̂ kə̂ toje mbɔr Tir tə̂ kə Sidɔn tə̂ tɔ. N̂-ddeeje tokə banya rɔ Jeju tə̂ mba dooje tar nɛ̂nje tɔyn kə̂ Jeju aw dda.

Marke 6:45

Njangə baa goe tə̂ a, Jeju ndasə njê-njaje goe tə̂ karə daal tɔkə to ta daw nginɛ̂ tura baâ ər kə Betesayida. A ne, n̂-nayn ta tubba dəwje kə̂ banya le karə n̂-təlje.

Marke 7:24

Jeju ɔtu lo tə̂ənn aw nangə tə̂ kə̂ Tir. Nandə mə marə kəy tə̂, n̂-ndiki karə dəw gərə to nee lo tə̂ənn ang, a dəwje gɔɔnje gərəje.

Marke 7:31

Jeju ɔtu nangə tə̂ kə̂ Tir nday dɔ nangə kə̂ tɔkə bbeje kə̂ dɔku toje tə̂ ngaâ aw ər kə dangə tə̂ kə̂ Galile kə ddəw kə̂ Sidɔn.

Marke 8:22

Jeju kə njê-njaje goe tə̂ n̂-teeje Betesayida a, dəwje ddeeje kə marə nje-kəm-tɔ rɔ Jeju tə̂ le ngaâ n̂-ddaje rɔde to ndoo rɔɛ̂ tə̂ karə nɔrɛ̂ kə jia.

Luku 4:26

A Lubba ula Eli rɔ marə dɛnɛ̂n-ndubba tə̂ kâra horode tə̂ Ijarayɛl ang, marə dɛnɛ̂n-ndubba kə̂ Sarɛpta, nangə tə̂ kə̂ Sidɔn â Lubba ula Eli rɔɛ̂ tə̂.

Luku 6:17

Jeju in dɔ ddingiri tə̂, ne kə njê-kaw-kulaje, n̂-ddee nar ndakə lo tə̂. Njê-njaje goe tə̂ tokə banya kə dəwje kə̂ banya nya eeje lo tə̂ənn le. Dinje nangə tə̂ kə̂ Jude tɔyn kə Jerujalɛm tə̂, bbeje tə̂ kə̂ toje kar ba-katə tə̂ ər kə Tir kə Sidɔn.

Luku 9:10

Njê-kaw-kulaje lə Jeju le təlje ngaâ n̂-paje tar nɛ̂nje tɔyn kə̂ n̂-ddaje darɛ̂. Jeju ɔrude kə karəde baa aw kə de ddəw əw, ər kə tɔkə bbe tə̂ kə̂ ria nan Betesayida.

Tar kə̂ Maji kə̂ Jan dda makəturu tə̂ 1:44

Pilipi to dəw kə̂ Betesayida kə̂ to bbe lə Andere de kə Piyɛr.

Tar kə̂ Maji kə̂ Jan dda makəturu tə̂ 12:21

N̂-ddeeje ngɔsi kə Pilipi dəw kə̂ Betesayida nangə tə̂ kə̂ Galile ngaâ n̂-dujeje nan: «Əbbəjeje, n-ndiki ta koo Jeju.»

Kulaje 12:20

Wungu ɔn Erodə nya dɔ dəwje tə̂ kə̂ Tir ddəm dəwje tə̂ kə̂ Sidɔn ddəm. A njê kə̂ Tir kə njê kə̂ Sidɔn le ooje ta naan ta ddee kooe. N̂-gɔlje tar kə Balastus kə̂ to nje-ngəm nɛ̂nje le tɔkə mbay le darə noso gode tə̂. N̂-ndikije karə ddekeke to horode tə̂, mba nɛ̂n-kusaje ləde inje nangə tə̂ lə tɔkə mbay le bba aw ddee nangə tə̂ ləde.

Kulaje 27:3

Ndɔ kâra goe tə̂ a, n-tee Sidɔn. A Juliyus kə̂ aw dda Pɔl maji le inyɛ̂ arə naw rɔ njê-buwa-kuraje tə̂ laa mba karə darɛ̂ marə nɛ̂nje kə̂ due.

Judə 1:11

Nɛ̂n-wungu a ddee dɔde tə̂, mba n̂-ddaje nɛ̂n tokə lə Kayn. Dərəje ngəm tokə lə Balaam mba kinga nɛ̂n narɛ, n̂-ddaje dɔ-ngəng tokə lə Kore.

Apokalisi 11:3

Mâ karə njê-tar-najije ləm kə̂ joo ilaje mbər tar ləm kə kubbu-ndoo rɔde tə̂ ndɔ doro kâra, kɔr joo kə dɔmisan (1 260).»

Apokalisi 6:12

Maa lo ngaâ moo Ngonn batə le ddee ɔru nɛ̂n kə̂ n̂-lətə nɛ̂n ta makəturu le kə̂ to misan laa. A nangə yəkə kə singa. Kar tuka ndul tokə kubbu kuwa-ndoo, a nɛyn ddee tokə lə məsə.