Matiye 10:5 - Dɔnɔn kə̂ Siki: Tar kə̂ aw arə təbbə

⁵ Kete bba karə Jeju ula njê-kaw-kulaje kə̂ dɔku gire joo le, n̂-ndəjəde nan: «Dəwje kə̂ toje to Jiipije ang ta awje rɔde tə̂ ang ddəm andəje mə bbe tə̂ lə dəwje kə̂ Samari ang ddəm.

Maketuru le Lubba ke tar kabba

⁵ Kete bba kare Jeju ula nje-kayn-kulaje ke dɔku gire joo le a, n̂-ndejede na: «Dewje ke toje to Jiipije ang a, awje rɔde te ang ddem, andeje me bbe te le dewje ke Samari ang ddem.

Matiye 10:5 ပူးပေါင်းရင်းမြစ်များ

Matiye 22:3

Nula njê-kulaje laa karə bbar dəwje kə̂ n̂-bbarde kusu tə̂ le. A dəwje le mbətəje ta ddee.

Matiye 4:15

«Nangə kə̂ Jabulɔn kə Nepetali, kə̂ toje ddəw ba-katə tə̂, tura maann Jurdɛn tə̂, kə̂ to Galile, nangə lə dəwje kə̂ toje to Jiipije ang.

Marke 6:7

Jeju bbar njê-kaw-kulaje laa kə̂ dɔku gire joo le. Nulade joo joo. Narəde singa tubba nɛ̂n ndilje kə̂ maji ang.

Luku 10:1

Goe tə̂ a, Əbbə-dəwje təl tɔru njê-njaje goe tə̂ dɔsiri gire joo horo marɛ̂je tə̂. Nulade joo joo nɔɛ̂n tə̂ kete karə dawje mə bbeje tə̂ kâra kâra kə loje tə̂ tɔyn kə̂ ne njaa n̂-ndiki ta kaw tə̂.

Luku 10:33

A marə dəw kə̂ Samari kə̂ aw aw kə mba tə̂ ddee ngɔsi kə dəw le ooe a, ddɛɛ̂ ndoo.

Luku 17:16

Noso nangə̂, n̂-dəbbə kəmɛ̂ kə nangə̂ nɔn gɔl Jeju tə̂ ngaâ narɛ̂ wooyo. N̂-to dəw kə̂ Samari.

Luku 9:1

Jeju mbɔn njê-kaw-kulaje laa kə̂ dɔku gire joo ngaâ arəde singa ddəm singa kɔn-mbay ddəm karə n̂-tubbaje nɛ̂n ndilje kə̂ maji ang ddəm narəde singa kaji njê-rɔ-toje ddəm.

Luku 9:2

Nulade karə dila mbər tar kɔn-mbay lə Lubba darə dəwje ddəm karə daji njê-rɔ-toje ddəm.

Tar kə̂ Maji kə̂ Jan dda makəturu tə̂ 17:18

Dede le, mulade duninya tə̂ tɔ tokə əi ulam duninya tə̂ le.

Tar kə̂ Maji kə̂ Jan dda makəturu tə̂ 20:21

Jeju təl pa arəde bbay nan: «Mə-wul-lɔm ee kə se. Ddəw kâra baa tokə Bɔy ulam le, əman kara mulase tɔ.»

Tar kə̂ Maji kə̂ Jan dda makəturu tə̂ 4:20

Kajeje jee dəwje kə̂ Samari poloje Lubba dɔ ddingiri tə̂ toonn. A see Jiipije, ə-paje nan, lo kə̂ maji polo Lubba tə̂ â to Jerujalɛm.»

Tar kə̂ Maji kə̂ Jan dda makəturu tə̂ 4:5

N̂-tee ngɔsi kə marə tɔkə bbe kə̂ Samari kə̂ daw bbar nan Sikar. Tɔkə bbe le to ngɔsi kə ndɔɔ kə̂ Jakobbo arə ngonnɛ̂ Jojɛpə.

Tar kə̂ Maji kə̂ Jan dda makəturu tə̂ 4:9

Dɛnɛ̂n kə̂ Samari le pa arə Jeju nan: «Əi, ə-to Jiipi, a əman, m-to dəw kə̂ Samari, a â dujum maann-kay tokə baânn wa?» Mba marə nɛ̂n kâra aw mbɔn Jiipije kə dəwje kə̂ Samari naan tə̂ ang.

Tar kə̂ Maji kə̂ Jan dda makəturu tə̂ 7:35

Yeenn ngaâ Jiipije dujuje naan nan: «Nâ kaw dda bba ja kasə ta kingɛ̂ ang wa? Nâ kaw rɔ Jiipije tə̂ kə̂ sanrɛje naan horo Gɛrɛkəje tə̂, ta tɔju nɛ̂n Gɛrɛkəje wa?

Tar kə̂ Maji kə̂ Jan dda makəturu tə̂ 8:48

Jiipije ilaje Jeju tə̂ nan: «Tar kə̂ n-pa nan ə-to dəw kə̂ Samari ngaâ ndil kə̂ maji ang to məi tə̂ le to kə dɔgɔlɛ̂ njaa.»

Kulaje 1:8

A, â kingaje singa-mɔngu ddəw tə̂ lə Ndil-mə-nda kə̂ a ddee dɔse tə̂. Ngaâ â təlje to njê-tar-najije ləm mə bbe tə̂ kə̂ Jerujalɛm, dɔ nangə Jude tə̂ tɔyn, dɔ nangə Samari tə̂, ndərəng kɔyn nangə tə̂ tɔyn.»

Kulaje 10:45

Njê-mə-kunnje kə̂ toje to Jiipije kə̂ dannje Piyɛr le dɔde ayn, mba dooje a, Lubba arə Ndil-mə-nda dəwje kə̂ toje to Jiipije ang tɔ.

Kulaje 8:1

Tɔl kə̂ n̂-tɔl Etiyɛnn le Sɔl ndiki tə̂. Ndɔɛ̂ tə̂ənn njaa, dəwje unnje kutu kula kəm Egilisi kə̂ Jerujalɛm ndoo tə̂. Njê-mə-kunnje sanrɛje naan dɔ nangə tə̂ kə̂ Jude kə Samari, a njê-kaw-kulaje â naynje.

1 Tesalonisinyɛje 2:16

Dɔkuje ddəw kila mbər tar karə dəwje kə̂ toje to Jiipije ang darəje dəwje le ingaje kaji ang. Nɛ̂ɛnn dda arə majangje lə Jiipije le uta dɔɛ̂. A ta tee kɔnyɛ̂ tə̂ a, wungu lə Lubba oso dɔde tə̂.