Matiye 10:17 - Dɔnɔn kə̂ Siki: Tar kə̂ aw arə təbbə

¹⁷ Aaje rɔse, mba dâ kaw kə se sariya tə̂ ta dâ tundase kə ndəy mə kəy mbɔn-naanje tə̂ ləde.

Maketuru le Lubba ke tar kabba

¹⁷ Aaje rɔse rɔ dewje te, mba da kaw ke se nɔn sariya te, ta da tundase ke ndey me key-mbɔn naaje te lede.

Matiye 10:17 ပူးပေါင်းရင်းမြစ်များ

Matiye 10:18

Dâ kaw kə se nɔn ngann mbayje tə̂ kə nɔn tɔkə mbayje tə̂ mbam. Kar tə̂ənn, â paje tar-naji ləm karəde ddəm karə dəwje kə̂ toje to Jiipije ang ddəm.

Matiye 20:19

ngaâ dâ kilɛ̂ ji dəwje tə̂ kə̂ gərəje Lubba ang karə dɔjɛ̂je n̂-kokoje nɛ̂n. Dâ tundɛ̂ kə ndəy ngaâ dâ tɔlɛ̂ kakə-dəsə tə̂. Ndɔ mota laa a, nâ ndol.»

Matiye 23:34

Mba yeenn bba, mâ kula njê-kilaje mbər tar lə Lubba, njê-kəm-karɛje kə njê-gərəje-Ndu rɔse tə̂. Â tɔlje marɛ̂je, ta â bbərəje marɛ̂je dɔ kakə-dəsə tə̂. A tundaje marɛ̂je kə ndəy mə kəy mbɔn-naanje tə̂ ləse ngaâ â tubbajede kə bbe bbe.

Matiye 26:59

Mbayje lə njê-poloje Lubba kə njê-gangəje sariya lə Jiipije le tɔyn daw sangəje marə tar ta kunda dɔ Jeju tə̂ bba ta gangə nɛ̂n sariya-yo dɔɛ̂ tə̂.

Matiye 5:22

A əman, m-pa marəse: Bbo dəw dda wungu kə ngokɔɛ̂n a, asə karə n̂-gangə sariya dɔɛ̂ tə̂. Bbo dəw bbar ngokɔɛ̂n mbə a, asə karə daw saa nɔn sariya tə̂. A bbo dəw bbar ngokɔɛ̂n wooy a, asə karə dilɛ̂ kəm puru tə̂ kə̂ aw ɔn kə ndɔ kə ndɔ.

Marke 13:12

«Dəwje a kila ngakɔnde ji dəwje tə̂ karə n̂-tɔlde. Bɔ ngannje a ddaje tokə baann kə ngannde tɔ. Ngannje a təlje to njê-baanje lə bɔdede kə lə kɔndede ngaâ dâ karəje n̂-tɔlde.

Marke 13:9

«A sese, undaje kəmse dɔ rɔse tə̂. Dəwje a kawje kə se nɔn sariya tə̂. Dəwje a tundase mə kəy mbɔn-naan tə̂ lə Jiipije, dâ kawje kə se nɔn ngann mbayje tə̂ kə nɔn tɔkə mbayje tə̂ mbam ngaâ â toje to njê-tar-najije ləm.

Luku 12:11

Bbo daw kə se kəy mbɔn-naan tə̂ lə Jiipije wase nɔn gɔl njê-gangəje sariya tə̂ wase nɔn gɔl njê-kɔn-bbeje tə̂ a, əjəje tar mba gusu kə̂ â kɔruje nɛ̂n naji ləse ang.

Tar kə̂ Maji kə̂ Jan dda makəturu tə̂ 11:47

Yeenn ngaâ mbayje lə njê-poloje Lubba kə Parijinyɛje bbarje kəsə njê-gangəje sariya ləde ngaâ paje nan: «Ddi â ja ddaje wa? Dingaw nəənn dda nɛ̂n-mɔrije nya.

Tar kə̂ Maji kə̂ Jan dda makəturu tə̂ 16:2

Dâ tubbase kəy mbɔn-naanje tə̂. Kar aw ddee karə dəw kə̂ tɔlse a, əjə to polo â naw polo Lubba.

Kulaje 17:14

Njangə baa a, njê-mə-kunnje arəje Pɔl unn ddəw ər kə ta tɔkə ba tə̂, a Silas de kə Timɔte n̂-naynje tə̂ənn.

Kulaje 22:19

Mila tə̂ m-pa nan: ‹Əbbəmje, n̂-gərəje kə majɛ̂ to maw maw kəy mbɔn-naanje tə̂, marə duwa dəwje kə̂ ooje məde tə̂ səi, daw dilade kəy-kula tə̂ ddəm n̂-tundade kə ndəy ddəm.›

Kulaje 26:11

Maw mandə kəy mbɔn-naan tə̂ tɔyn kə ndɔ ndɔ maw mula kəmde ndoo tə̂. Maw muwade kə singa marə n̂-tajije ri Jeju. Bbo wungu ɔnʼm nya a, m-ndole gode ndərəng dɔ bbe tə̂ kə̂ dang.»

Kulaje 9:2

naw duju makəturuje ta kaw nɛ̂n karə njê kə̂ kəy mbɔn-naanje tə̂ kə̂ Damas. Makəturu le a karɛ̂ ddəw karə bbo ninga marə dɛnɛ̂nje wase dingawje kə̂ aw unnje «ddəw lə Əbbə-dəwje» a, n̂-tɔde n̂-ddee kə de Jerujalɛm.

Pilipinyɛje 3:2

Maji karə aaje rɔse rɔ dəwje tə̂ kə aw ddaje majang. Aaje rɔse rɔ dəwje tə̂ kə̂ toje tokə lə bisije baann. Dujaje ganja kə̂ tɔkɔrɔ ang.

2 Timɔte 4:15

Əi kara maji karə aa rɔi rɔɛ̂ tə̂, mba n̂-mbətə tarje ləje kə̂ n-pa nyɔm njaa.

Ebərəje 11:36

Marɛ̂je dɔjude n̂-koko nɛ̂n, n̂-tundade kə ndəy. N̂-tɔ marɛ̂je kə kula njamji ngaâ dungude kəy-kula tə̂.