Matiye 1:22 - Dɔnɔn kə̂ Siki: Tar kə̂ aw arə təbbə

²² Nɛ̂njeenn tɔyn teeje mba karə tar kə̂ Əbbə-dəwje unda ta nje-kila mbər tar tə̂ laa arə pa ddee to tar kə̂ tɔkɔrɔ. Tar le nan:

Maketuru le Lubba ke tar kabba

²² Nejeenn tɔyn teeje mba kare tar ke Ebbe-dewje unda ta nje-kila mber-tar laa are pa ddee to tar ke tɔkɔrɔ. Tar le na:

Matiye 1:22 ပူးပေါင်းရင်းမြစ်များ

Matiye 12:17

Yeenn bba tar kə̂ Ejayi kə̂ to nje-kila mbər tar lə Lubba pa le ddee to tar kə̂ tɔkɔrɔ. Tar le nan:

Matiye 13:21

A tar le ungu ngirɛ̂ məde tə̂ ang, kure əw məde tə̂ ang. Bbo nɛ̂n kəm-to-ndoo wase nɛ̂n-singa ddee ingade mba tar lə Lubba le a, mə-kunn ləde oso njangə baa.

Matiye 13:35

Yeenn bba tar lə Lubba kə̂ nje-kila mbər tar pa le ddee to tar kə̂ tɔkɔrɔ. N̂-pa nan: «Mâ kunn gusu-tar bba mâ pa nɛ̂n tar, Mâ kila mbər nɛ̂nje kə̂ toje lo-kiyɛ̂ tə̂, unn kute dɔ ndɔ tə̂ kə̂ m-dda nɛ̂n duninya.»

Matiye 2:15

N̂-naynje nunn ndərəng Erodə oy. Yeenn bba tar kə̂ Əbbə-dəwje unda ta nje-kila mbər tar tə̂ laa le ddee to tar kə̂ tɔkɔrɔ. Tar le nan: «M-bbar Ngonnəm karə in nangə tə̂ kə̂ Ejipitə tee kə ddang.»

Matiye 2:23

Naw ngaâ n̂-dda bbe kə̂ Najarɛtə. Yeenn bba karə tar kə̂ njê-kilaje mbər tar lə Lubba paje le ddee to tar kə̂ tɔkɔrɔ. Tar le nan: «Dâ bbarɛ̂ to dəw kə̂ Najarɛtə.»

Matiye 5:17

«Əjəje to m-ddee ta tuju Ndu lə Mɔyijə wase nɛ̂n-tɔjuje lə njê-kilaje mbər tar lə Lubba wa? M-ddee ta tuju nɛ̂njeenn ang. M-ddee ta dda karə dəwje gərəje kandə tarje kə̂ ndujeenn paje le kə majɛ̂.

Matiye 8:17

N̂-dda baann bba karə tar lə Ejayi kə̂ to nje-kila mbər tar lə Lubba le ddee to tar kə̂ tɔkɔrɔ. Tar le nan: «Nɔru naməje ləje kə ddang ngaâ n̂-taa rɔ-toje ləje kə dɔɛ̂ tə̂.»

Luku 21:22

Mba a to ndɔ kə̂ Lubba a gangə nɛ̂n sariya dɔ dəwje tə̂, mba karə nɛ̂nje tɔyn kə̂ n̂-dda Makəturu tə̂ lə Lubba ddeeje to nɛ̂n kə̂ tɔkɔrɔ.

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Tar kə̂ Maji kə̂ Jan dda makəturu tə̂ 10:35

Dəw kâra asə kɔru marə tar kə̂ Makəturu-Ndu tə̂ ang. A Makəturu-Ndu tə̂ənn, dəwje kə̂ Lubba aw pa tar arəde â naw bbarde to lubbaje.

Tar kə̂ Maji kə̂ Jan dda makəturu tə̂ 15:25

A nɛ̂ɛnn le to tokə baann bba karə tar kə̂ n̂-dda Makəturu-Ndu tə̂ ləde ddee to nɛ̂n kə̂ tɔkɔrɔ. Tar le nan: ‹N̂-mbətəmje baa njaa.›

Tar kə̂ Maji kə̂ Jan dda makəturu tə̂ 17:12

Kar kə̂ m-nayn kə de bbay le, maw ngəmde ddəw singa tə̂ ləi kə̂ arəm. M-ngəmde marə dəw kâra horode tə̂ nayn kɔrɔ̂ ang. Bbayɛ̂ â to ne kə̂ nâ nayn kə kɔrɔ̂ le, yeenn bba karə tar kə̂ Makəturu tə̂ ləi ddee to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 18:9

Nɛ̂ɛnn to baann bba karə tar kə̂ Jeju pa le ddee to tar kə̂ tɔkɔrɔ. Tar le nan: «Bɔy, dəw kâra horo dəwje tə̂ kə̂ arəm le nayn kɔrɔ̂ ang.»

Kulaje 3:18

Ləw baa njaa, Lubba unda tar nəənn ta njê-kilaje mbər tar tə̂ laa tɔyn nan Kristə laa a koo ndoo. Tar le â ddee to nɛ̂n kə̂ tɔkɔrɔ nəənn.

Rɔmɛnje 1:2

Lubba unn ndue ləw baa, ddəw tə̂ lə njê-kilaje mbər tar laa makəturu tə̂ laa ta karə Tar kə̂ Maji nəənn dəwje.

Apokalisi 17:17

Mba Lubba ula kəjə laa məde tə̂ karə n̂-ddaje nɛ̂n kə̂ məɛ̂ ndiki. Dâ ddaje nɛ̂n kə̂ kâra baa. Dâ kinyaje singa kɔn-mbay ləde ji da tə̂ le ndərəng ta karə tarje lə Lubba ddeeje to nɛ̂n kə̂ tɔkɔrɔ.