Matiye 1:21 - Dɔnɔn kə̂ Siki: Tar kə̂ aw arə təbbə

²¹ Nâ kuju ngonn kə̂ dingaw, ta â kunda ria nan Jeju, mba ne â nâ kaji dəwje laa mə majangje tə̂ ləde.»

Maketuru le Lubba ke tar kabba

²¹ Na kuju ngonn ke dingaw, ta a kunda ria na Jeju, mba ne a na kaji dewje laa me majangje te lede.»

Matiye 1:21 ပူးပေါင်းရင်းမြစ်များ

Matiye 1:25

A, n̂-mbɔn saa naan ang ndərəng Mari le uju nɛ̂n ngonn kə̂ dingaw ngaâ Jojɛpə unda ri ngonn le nan Jeju.

Luku 1:13

A anjə le pa arɛ̂ nan: «Ə-bbəəl ang Jakari, mba Lubba oo ndu-nɔn ləi. Dɛnɛ̂n ləi Elijabɛtə a kuju ngonn kə̂ dingaw kari ngaâ â kunda ria nan Jan.

Luku 1:31

Oo, â kuwa səm, â kuju ngonn kə̂ dingaw ngaâ â kunda ria nan Jeju.

Luku 2:11

Bbokənɛn, duju Nje-kaji-dəwje darəse bbe tə̂ lə Dabbiti, n̂-to Kristə, Əbbə-dəwje.

Luku 2:21

Ndɔ jijoo goe tə̂ a, dujɛ̂ ganja ngaâ dunda ria nan Jeju, ri kə̂ anjə tɔju Mari kete bba karə nuwa səm laa le.

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Tar kə̂ Maji kə̂ Jan dda makəturu tə̂ 4:42

Ngaâ, n̂-paje darəje dɛnɛ̂n le nan: «Bbasinɛn, joo məje tə̂ saa mba tarje ləi kə̂ ə-pa le njaa ang ngaa. Joo məje tə̂ mba jeje njaa joo tarje kə̂ tɛɛ̂ tə̂ ngaâ n-gərə to, ne njaa n̂-to Nje-kaji-dəwje kə̂ duninya tə̂.»

Kulaje 13:23

Mə nuju tə̂ lə Dabbiti â duju Jeju kə̂ to Nje-kaji-dəwje kə̂ Ijarayɛl tə̂, ddəw kâra baa kə ndu Lubba kə̂ unn.

Kulaje 3:26

Sese â Lubba unn Nje-kula laa dɔngɔr ulɛ̂ karə n̂-bbar Tar kə̂ Maji dɔse tə̂, karə nɔruse kâra kâra tɔyn mə nɛ̂n-ddaje tə̂ ləse kə̂ maji ang.»

Kulaje 4:12

«Ne kâra baa nasə kajije, mba marə ri dang dɔ nangə tə̂ kə̂ Lubba unda dɔ marə dəw tə̂ karə ajije goto.

Kulaje 5:31

Lubba le unnɛ̂ undɛ̂ dɔ ji-kɔlɛ̂ tə̂ to mbay ddəm Nje-kaji-dəwje ddəm. Baann bba karə ngann Ijarayɛlje ingaje ddəw ta turu məde ddəm karə tar majang ləde ɔru dɔde tə̂ ddəm.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

1 Jan 1:7

A, bbo n-njaje lo-karɛ tə̂, tokə ne njaa kə̂ nee lo-karɛ tə̂ le a, mə-kâra to horoje tə̂ kə ngamarjeje ngaâ məsə Ngonnɛ̂ Jeju toko majang ləje tɔyn.

1 Jan 3:5

A ə-gərəje to Jeju-Kristə ddee mba kɔru majangje lə dəwje, majang kâra to rɔɛ̂ tə̂ ang.

Apokalisi 7:14

Milɛ̂ tə̂ m-pa nan: «Əbbəmje, əi â ə-gərə.» Yeenn ngaâ n̂-pa narəm nan: «To dəwje kə̂ ndayje mə tɔkə nɛ̂n-singaje tə̂. N̂-tokoje kubbuje ləde kə məsə ngonn batə darə nda.