Matiye 1:20 - Dɔnɔn kə̂ Siki: Tar kə̂ aw arə təbbə

²⁰ Jojɛpə aw əjə tar nəənn le məɛ̂ tə̂ bbay a, marə anjə lə Əbbə-dəwje tee ingɛ̂ mə nin tə̂ ngaâ pa arɛ̂ nan: «Jojɛpə dəw kə̂ gəl Dabbiti tə̂, ə-bbəəl ang bbo ə-taa Mari to dɛnɛ̂n ləi, mba səm lə ngonn kə̂ to məɛ̂ tə̂ le ddee ddəw tə̂ lə Ndil-mə-nda.

Maketuru le Lubba ke tar kabba

²⁰ Toke Jejebbe aw eje tar neenn le mee te bbay a, mare anji le Ebbe-dewje tee ingae me ni te ngaa pa are na: «Jejebbe dew ke gel Dabbiti te, are bbeel ddai ang bbo e-taa Mari to dene lei, mba sem le ngonn ke to mee te le ddee ddew te le Ndil-me-nda.

Matiye 1:20 ပူးပေါင်းရင်းမြစ်များ

Matiye 1:18

Tar kuju Jeju-Kristə tokə be: Jojɛpə aw aw mɔrɔ lə Mari kɔn Jejuje. N̂-nayn n̂-taa naan ang bbay a, Mari le uwa səm ddəw tə̂ lə Ndil-mə-nda.

Matiye 2:12

Goe tə̂ a, Lubba ndɔru mbide mə nin tə̂ karə n̂-təlje rɔ Erodə tə̂ ang, ta dunnje ddəw kə̂ dang n̂-təlje nɛ̂n bbe ləde.

Matiye 2:13

Go kɔtu tə̂ kə̂ njê-nɛ̂n-gərəje le ɔtuje a, anjə lə Əbbə-dəwje ddee kə nin dɔ Jojɛpə tə̂ pa arɛ̂ nan: «In taar, unn ngonn le kə kɔɛ̂nje. Aynje awje Ejipitə ta ə-nayn nunn ndərəng ndɔ kə̂ mâ pa kari karə ə-təl bba, mba Erodə a sangə ddəw ta tɔl ngonn le.»

Matiye 2:19

Go koy tə̂ lə Erodə a, anjə lə Əbbə-dəwje ddee dɔ Jojɛpə tə̂ kə nin bbe tə̂ kə̂ Ejipitə.

Matiye 2:22

Jojɛpə oo nan Arkelawos â ɔn bbe nangə tə̂ kə̂ Jude turu bɔɛ̂je Erodə tə̂ ngaa a, n̂-bbəəl ta təl. A Lubba pa tar arɛ̂ kə nin ngaâ naw nangə tə̂ kə̂ Galile.

Matiye 27:19

Kar tə̂ kə̂ Pilatə isi ngende-gangə sariya tə̂ le bbay a, dɛnɛ̂n laa ula pa arɛ̂ nan: «Ula tai tar tə̂ lə dəw kə̂ gatə gatə nəənn ang. Mba til tə̂ nəənn, moo ndoo nya mə nin tə̂ mbɛɛ̂.»

Matiye 28:5

A anjə le pa arə dɛnɛ̂nje le nan: «Sese, ə-bbəəlje ang, mba m-gərə to aw sangəje Jeju kə̂ n̂-tɔlɛ̂ kakə-dəsə tə̂ le.

Luku 1:19

Anjə le ilɛ̂ tə̂ nan: «Əman m-to Gabriyɛl nje-kar nɔn Lubba tə̂. Lubba ulam ta pa tar kari, ta ndaji tar kə̂ maji kari.

Luku 2:4

Jojɛpə kara in bbe tə̂ kə̂ ria nan Najarɛtə, nangə tə̂ kə̂ Galile, aw bbe tə̂ kə̂ ria nan Betelehɛm, nangə tə̂ kə̂ Jude. Betelehɛm le to bbe lə Dabbiti. Naw nu mba gəle in mə nuju tə̂ lə Dabbiti.

Kulaje 5:19

A marə anjə lə Əbbə-dəwje ddee til tə̂ tɔru ta kəy-kula arə n̂-teeje ngaâ pa arəde nan:

Apokalisi 19:7

N-ddaje rɔ-nəəl, jarəje rɔje nəəlje, n-piteje, mba kar kusu taa-naan lə Ngonn batə le asə ngaa, dɛnɛ̂n laa le gɔl rɔɛ̂ mban.