Marke 9:50 - Dɔnɔn kə̂ Siki: Tar kə̂ aw arə təbbə

⁵⁰ Katə to nɛ̂n kə̂ maji. A bbo katə təl dɔɔn ang ngaa a, ddi bba dəw a dda karə katə le təl dɔɔn bbay wa? Maji karə katə to rɔse tə̂, ta isije kə̂ mə-wul-lɔm horose tə̂.»

Maketuru le Lubba ke tar kabba

⁵⁰ Kate to ne ke maji. A bbo kate tel neel ang ngaa a, ddi bba dew a dda kare kate le tel neel bbay wa? Maji kare kate to rɔse te ta isije ke me-wul-lɔm horose te.

Marke 9:50 ပူးပေါင်းရင်းမြစ်များ

Matiye 5:13

«Sese â ə-toje to katə kə̂ dɔ nangə̂ tə̂ nəənn. A bbo dɔɔn lə katə le goto a, ddi bba dəw a dda karə katə le təl dɔɔn bbay wa? Marə nɛ̂n dang kə̂ ta dda nɛ̂n goto. To nɛ̂n kungu kɔrɔ̂ karə dəwje mbɔynje kə gɔlde.

Marke 9:34

A dilaje tar tə̂ ang, mba kar tə̂ kə̂ n̂-naynje ddəw-boô bbay le, daw maynje naan tar ta gərə dəw kə̂ uta marɛ̂je horode tə̂.

Marke 9:49

Mba puru a kɔru dəwje tɔyn tokə katə kə̂ ɔru nɛ̂n.

Rɔmɛnje 12:18

Bbo ddəw to a, arəje mə-wul-lɔm to horose tə̂ kə dəwje tɔyn.

2 Kɔrɛntinyɛje 13:11

Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Epɛjinyɛje 4:29

Maji karə tar kə̂ maji ang kâra tee tase tə̂ ang. Tar kə̂ maji kə̂ a kuman dəw, kə̂ aw arə singa dəw ngaâ a dda maji kə dəwje kə̂ aw ooje tar kə̂ aw paje, tarje kə̂ baann â ta ə-paje.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Kolosinyɛje 3:12

Lubba â mbərəse arə ə-ddeeje to dəwje laa kə̂ n̂-ndikise nya. Yeenn bba, maji karə ooje ndoo lə dəwje, ə-ddaje maji kə dəwje, ə-ddaje rɔse ngaji, ə-wulje pee ngaâ ə-tɔje wurse.

Kolosinyɛje 4:6

Maji karə tar kə̂ tase tə̂ maji to maji dɔrɔ ngaâ nəəl dəwje. Maji karə ə-gərəje gusu kə̂ â kilaje nɛ̂n tar tə̂ lə dəwje kâra kâra.

1 Tesalonisinyɛje 5:13

Maji karə oojede maji kəmse tə̂ ddəm ə-ndikijede ddəm ɔju dɔ kula ləde le. Maji karə isije kə mə-wul-lɔm horose tə̂.

2 Timɔte 2:22

Ayn nɛ̂nje kə̂ maji ang kə̂ bboe aw dda basanje. Ə-sangə ddəw ta to gatə gatə, uwa mə-kunn ləi arə ngəng, ə-ndiki dəwje, arə mə-wul-lɔm to hori tə̂ kə dəwje kə̂ aw dujuje Əbbə-dəwje kə mə-nda.

Ebərəje 12:14

Maji karə ə-sangəje ddəw kisi kə mə-wul-lɔm kə dəwje tɔyn. Ngaâ arəje nɛ̂n-yərəw ɔruse ang. Baann ang a, dəw kâra horose tə̂ a koo Əbbə-dəwje ang.

Jakə 1:20

mba wungu lə dəw dda nɛ̂n kə̂ gatə gatə kəm Lubba tə̂ ang.

1 Piyɛr 3:8

Ta kutu nɛ̂n dɔ tar ləm a, maji karə kəjə ləse to kâra baa ddəm ooje kəm-to-ndoo lə naan ddəm. Maji karə ə-ndikije naan to ngakɔn-naan njaa, ə-ddaje maji kə naan, ə-ddaje rɔse ngaji.