Marke 9:43 - Dɔnɔn kə̂ Siki: Tar kə̂ aw arə təbbə

⁴³ Bbo jii a ta dda karə ə-dda majang a, ə-gangə kə ddang. Mba kinga təbbə kə̂ tɔkɔrɔ kə jii kə̂ nayn kâra baa, maji uta ngəm jii joo kəm kaw nɛ̂n kəm puru tə̂ kə̂ aw ɔn kə ndɔ kə ndɔ. [

Maketuru le Lubba ke tar kabba

⁴³ Bbo jii aw dda are e-dda majang a, e-gange ke ddang. Mba kinga tebbe ke tɔkɔrɔ jii kara baa, maji uta ngem jii joo kem kaw ne kem puru te ke aw ɔn ke ndɔ ke ndɔ.

Marke 9:43 ပူးပေါင်းရင်းမြစ်များ

Matiye 17:27

A ta karə jula wungu məde tə̂ ang a, aw baâ aw ila kii. Dɔngɔr kanji kə̂ a kɔrɛ̂ njaa ə-təəyn tɛɛ̂ a, â kinga kandə narɛ. Unn kandə narɛ le aw nɛ̂n arəde to lambo ləm ddəm ləi ddəm.»

Matiye 25:41

«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.

Matiye 3:12

Nuwa bagiri laa jia tə̂. Nâ kuta lo kunda ko laa ngaâ nâ jin kandə-ko le kungu mə dam tə̂ laa, a nâ ro tisa kəm puru tə̂ kə̂ a koy ndɔ kâra ang.»

Matiye 5:22

A əman, m-pa marəse: Bbo dəw dda wungu kə ngokɔɛ̂n a, asə karə n̂-gangə sariya dɔɛ̂ tə̂. Bbo dəw bbar ngokɔɛ̂n mbə a, asə karə daw saa nɔn sariya tə̂. A bbo dəw bbar ngokɔɛ̂n wooy a, asə karə dilɛ̂ kəm puru tə̂ kə̂ aw ɔn kə ndɔ kə ndɔ.

Marke 9:44

Lo tə̂ənn kore kə̂ aw ɔn dəw oy ang ddəm puru kə̂ aw ɔn oy ang ddəm.]

Luku 14:13

A bbo ə-dda nɛ̂n-kusa tokə bo a, ə-bbar njê-ndooje, njê kə̂ jide wase gɔlde goto, njê-mətəje kə njê-kəm-tɔje.

Luku 14:21

Nje-kula le təl ngaâ ndaji tarjeenn le arə əbbeeje le. A wungu ɔn nje-kəy le ngaâ pa arə nje-kula laa le nan: ‹Aw njangə lo tə̂ kə̂ dəwje banya tə̂ kə dɔ ddəwje tə̂ kə̂ tɔkə bbe tə̂ nəənn, ə-ddee kə njê-ndooje kə njê kə̂ jide wase gɔlde goto, njê-kəm-tɔje kə njê-mətəje lo tə̂ nəənn.›

Luku 3:17

Nuwa bagiri laa jia tə̂. Nâ kuta lo kunda ko laa ngaâ nâ jin kandə-ko le kungu mə dam tə̂ laa, a nâ ro tisa kəm puru tə̂ kə̂ a koy ndɔ kâra ang.»

Rɔmɛnje 8:13

Mba bbo ə-njaje ddəw da-rɔ tə̂ a, â koyje. A bbo ə-njaje ddəw tə̂ lə Ndil-mə-nda ngaâ arəje nɛ̂n-ddaje kə̂ maji ang kə̂ rɔse tə̂ oyje a, â kisije kə təbbə.

1 Kɔrɛntinyɛje 9:27

M-dda singa nya kə rɔm njaa, mba kɔn dɔ rɔm le. Baann ang a, əman nje-kila mbər tar karə kəsə dəwje le njaa dâ kɔrum kə guku.

Galatəje 5:24

Dəwje kə̂ toje to ənga Jeju-Kristə ddaje arə bboje kə̂ da-rɔde tə̂ oy kakə-dəsə tə̂ mban.

Kolosinyɛje 3:5

Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

Titə 2:12

Mə-maji laa le tɔjuje karə jinyaje pa-nja ləje kə̂ maji ang kə bbo nɛ̂nje kə̂ nangə̂ nəənn, mba karə kisi ləje to kə dɔgɔlɛ̂ ddəm gatə gatə ddəm ngaâ karə juwaje tar lə Lubba jarəje ngəng.

Ebərəje 12:1

Jeje, dəwje nya kə̂ ddaje nɛ̂n ddəw mə-kunn tə̂ le gukujeje. Yeenn a, maji karə n-mbətəje nɛ̂nje tɔyn kə̂ aw ɔɔyjeje, uta tɔyn majang kə̂ aw unguje mə bandə tə̂ laa kə ngɔru baa, ta jaynje ngɔru kə̂ Lubba dujuje karə jaynje le bbo jinyaje ddəwe ang.

1 Piyɛr 2:1

Maji karə inyaje nɛ̂n-ddaje kə̂ maji ang tɔyn kə nɛ̂n-dda kə̂ kə gusu tɔyn. Maji karə tar kə̂ tase tə̂ to dang kə ye kə̂ məse tə̂ ang, ə-ddaje bbo nɛ̂n lə dəw ang ddəm ə-nanɛnje kə dəw ang ddəm.