Marke 9:41 - Dɔnɔn kə̂ Siki: Tar kə̂ aw arə təbbə

⁴¹ Tɔkɔrɔ njaa m-pa marəse, dəw kə̂ arəse maann-kay mə əngo tə̂ ayje, mba ə-toje to dəwje lə Kristə a, dəw le a kinga kuka laa.»

Maketuru le Lubba ke tar kabba

⁴¹ Tɔkɔrɔ njaa m-pa marese, toke dew arese maann-kay me engo-maann te kara are ayje mba to ke e-toj e to dewje le Kiriste a, dew le a kinga kuka laa.

Marke 9:41 ပူးပေါင်းရင်းမြစ်များ

Matiye 10:42

M-pa tar kə̂ tɔkɔrɔ marəse, dəw kə̂ maann kə̂ wul kə̂ əngo tə̂ baa njaa bba arə dəw kə̂ ngaji horo ngamarɛ̂je tə̂ nəənn, mba dəw kə̂ ngaji le to nje-nja gom tə̂ a, kuka laa a koso nangə̂ ang tɔ.»

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Marke 4:10

Kar kə̂ Jeju aw ddəw əw kə dəwje kə̂ banya a, njê-kaw-kulaje kə̂ dɔku gire joo kə dəwje kə̂ aw njaje saa le dujeje nan: Mba ddi bba gusu-tarje â naw tɔju nɛ̂n nɛ̂n wa?

Rɔmɛnje 14:15

Bbo ə-dda arə rɔ ngokɔin nəəle ang mba nɛ̂n kə̂ naw nusa a, yeenn tɔju to aw dda nɛ̂n ddəw ndiki tə̂ ang ngaa. Maji karə ə-dda arə ngokɔin kə̂ Kristə oy mba tar laa tuju mba nɛ̂n-kusa ang.

Rɔmɛnje 8:9

A sese, aw njaje ddəw bbo tə̂ kə̂ da-rɔse tə̂ ang. Aw njaje ddəw tə̂ lə Ndil-mə-nda, mba Ndil lə Lubba dda bbe məse tə̂. Dəw kə̂ Ndil lə Kristə to məɛ̂ tə̂ ang, to dəw laa ang.

1 Kɔrɛntinyɛje 15:23

A dəwje kâra kâra tɔyn a ndolje kə goe goe. Kristə to dɔngɔr dəw kə̂ ndol. Goe tə̂ a, dəwje kə̂ toje to dəwje laa a ndolje ndɔ tə̂ kə̂ nâ ddee.

1 Kɔrɛntinyɛje 3:23

A sese, ə-toje to ənga Kristə ngaâ Kristə to ənga Lubba.

2 Kɔrɛntinyɛje 10:7

Maji karə aaje nɛ̂n kə̂ to kəmse tə̂ ddaka baa nəənn ooje: Bbo dəw əjə to n̂-to dəw lə Kristə a, maji karə n̂-gərə kə majɛ̂ to, jeje kara n-to dəwje lə Kristə tɔ.

Galatəje 3:29

Bbo ə-toje to ənga Kristə a, yeenn pa nan, ə-toje to ngaka Abaraham. Ə-toje to dəwje kə̂ Lubba unn ndue ta karəse nɛ̂n le.

Galatəje 5:24

Dəwje kə̂ toje to ənga Jeju-Kristə ddaje arə bboje kə̂ da-rɔde tə̂ oy kakə-dəsə tə̂ mban.