Marke 9:20 - Dɔnɔn kə̂ Siki: Tar kə̂ aw arə təbbə

²⁰ Yeenn ngaâ n̂-ddeeje kə ngonn le darɛ̂. A koo kə̂ ndil kə̂ maji ang le oo Jeju a, unn kutu yəkə ngonn le kə singa. Ngonn le oso nangə̂ aw ndubbu ngaâ njum-tɛɛ̂ aw tee.

Maketuru le Lubba ke tar kabba

²⁰ Yeenn ngaa n̂-ddeeje ke ngonn le dareje. A kake ndil ke maji ang le oo Jeju a, unn kutu yeke ngonn le ke singa. Ngonn le oso nangê naw ndubbu ngaa jum-tae aw tee.

Marke 9:20 ပူးပေါင်းရင်းမြစ်များ

Marke 1:26

Ndil kə̂ maji ang le yəkə dingaw le kə singa ngaâ unda əkii tee nɛ̂n kə ddang.

Marke 9:18

Lo tɔyn njaa ndil le aw unnɛ̂ tə̂ ilɛ̂ nangə̂. Njum-tɛɛ̂ aw tee, naw ngəər ngangɛ̂ ngaâ n̂-mɔngu. M-duju njê-njaje goi tə̂ karə n̂-tubbaje ndil le a, dumanje nɛ̂n pin.»

Marke 9:19

Jeju pa arəde nan: «See dəwje kə̂ mə-kunn ləse goto nəənn, mâ nayn kə se be mba ndɔ baânn wa? Mâ kumanse mba ndɔ baânn bbay wa? Ə-ddeeje kə ngonn le arəmje.»

Marke 9:21

Jeju duju bɔ ngonnje le nan: «Nɛ̂ɛnn aw ddɛɛ̂ dda ndɔ baânn ngaa wa?» Bɔɛ̂je le ila Jeju tə̂ nan: «Kə kasɛ̂ baa njaa.

Marke 9:26

Ndil kə̂ maji ang le uru əkii, yəkə ngonn le kə singa ngaâ tee kə ddang. Ngonn le to tokə dəw kə̂ oy ngaâ dəwje nya paje nan: «Noy mban.»

Luku 4:35

Jeju ndangə ndil le pa nan: «Utu tai bbo ə-tee rɔ dingaw tə̂ nəənn kə ddang.» Ndil kə̂ maji ang le unn dingaw le ilɛ̂ nangə̂ kəm dəwje tə̂ ngaâ tee kə ddang, a nɛ̂n kə̂ maji ang kâra njaa ndil le dda kə dingaw le ang.

Luku 8:29

N̂-pa baann, mba Jeju pa tar kə ndu kə̂ mɔngu arə ndil kə̂ maji ang le karə n̂-teeje mə dingaw tə̂ le kə ddang. Kete le, nya njaa ndil le aw uwa dingaw le arə daw tɔ gɔlɛ̂ kə kula njamji ngaâ dilɛ̂ kakə bba daw ngəmɛ̂ nɛ̂n. Naw ti kulaje kə̂ n̂-tɔɛ̂ nɛ̂n ngaâ ndilje le aw ɔrɛ̂je awje saa mə kɔr tə̂.

Luku 9:39

Ndɔ tɔyn njaa bbo ndil uwa ngonn le a, njangə baa njaa nunda əkii. Ndil le yəke kə singa ngaâ njum-tɛɛ̂ tee. Ndil le ula kəmɛ̂ ndoo tə̂ ndərəng bba inyɛ̂.

Luku 9:42

Ngonn le aw ddee ngɔsi kə Jeju a, ndil kə̂ maji ang le unnɛ̂ ilɛ̂ nangə̂ ngaâ aw yəke kə singa. A Jeju ndangə ndil kə̂ maji ang le. Naji ngonn le ngaâ n̂-təl saa narə bɔɛ̂je.

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.