Marke 8:38 - Dɔnɔn kə̂ Siki: Tar kə̂ aw arə təbbə

³⁸ Dəw kə̂ dda rɔ-kul ləm kə rɔ-kul tar ləm kəm dəwje tə̂ kə̂ bbokənɛn nəənn, Ngonn lə dəw a dda rɔ-kul laa ndɔ tə̂ kə̂ nâ ddee kə anjəje laa kə̂ majije tɔyn mə piti tə̂ lə Bɔɛ̂je. Mba dəwje kə̂ bbasinɛn nəənn le toje to njê-nɛ̂n-ddaje kə̂ maji ang ddəm dəwje kə̂ pa-nja ləde to kə dannâ ang ddəm.»

Maketuru le Lubba ke tar kabba

³⁸ Bbo dew dda rɔ-kul lem, ke rɔ-kul tar lem kem dewje te ke bbokone neenn a, Ngonn le dew a dda rɔ-kul laa ndɔ te ke na ddee ke anjije laa ke majije tɔyn me piti te le Bɔeje. Mba dewje ke bbasine neenn le toje to nje-ne-ddaje ke maji ang ddem, nje-mbeteje taa Lubba ddem.

Marke 8:38 ပူးပေါင်းရင်းမြစ်များ

Matiye 12:39

Nilade tə̂ nan: «Dəwje kə̂ bbasinɛn kə̂ majije ang ddəm dəwje kə̂ pa-nja ləde to kə dannâ ang ddəm dujuje nɛ̂n-mɔri. A bbay nɛ̂n-mɔri kə̂ dâ koo â to nɛ̂n kə̂ inga Jonas kə̂ to nje-kila mbər tar lə Lubba.

Matiye 13:41

Ngonn lə dəw a kula anjəje laa karə n̂-tɔruje dəwje kə̂ aw ddaje arə mə-kunn lə njê-marədeje aw oso kə dəwje kə̂ aw ddaje nɛ̂nje kə̂ maji ang mə Bbe-kɔn tə̂ laa,

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Matiye 16:28

Tɔkɔrɔ njaa, m-pa marəse: Marə dəwje horo dəwje tə̂ kə̂ arje nəənn a koyje ang ndərəng dâ kooje Ngonn lə dəw kə̂ a ddee ta kɔn-mbay.»

Matiye 16:4

Dəwje kə̂ bbasinɛn kə̂ majije ang ddəm dəwje kə̂ pa-nja ləde to kə dannâ ang ddəm dujuje nɛ̂n-mɔri. A bbay nɛ̂n-mɔri kə̂ dâ koo â to nɛ̂n kə̂ inga Jonas kə̂ to nje-kila mbər tar lə Lubba.» Goe tə̂ a, Jeju inyade a ɔtu.

Matiye 24:30

Yeenn ngaâ nɛ̂n kə̂ a tɔju karə dəwje gərəje nɛ̂n təl lə Ngonn lə dəw a kubba mə dara tə̂. Dəwje tɔyn kə̂ duninya tə̂ a nɔnje. Dâ kooje Ngonn lə dəw kə̂ a ddee mə mum tə̂ kə singa-mɔngu nya ddəm kə piti nya ddəm.

Matiye 25:31

«Ndɔ kə̂ Ngonn lə dəw a ddee kə anjəje laa tɔyn mə piti tə̂ laa a, nâ kisi dɔ ngende-mbay tə̂ laa kə̂ to nɛ̂n-piti.

Matiye 26:64

Jeju ilɛ̂ tə̂ nan: «Əi njaa ə-pa mban. A m-pa marəse, bbasinɛn nəənn njaa â kooje Ngonn lə dəw kə̂ isi dɔ ji-kɔl Lubba tə̂ kə̂ nje-singa-mɔngu. A kooeje kar tə̂ kə̂ nâ kin darâ ta ddee mə mum tə̂ tɔ.»

Matiye 8:20

Jeju ilɛ̂ tə̂ nan: «Mulaje, buwa tode to ngaâ əəlje kə̂ darâ kəy tode to, a Ngonn lə dəw, kəy dɔɛ̂ goto.»

Marke 13:26

Yeenn ngaâ â kooje Ngonn lə dəw a ddee mə mum tə̂ kə singa-mɔngu laa tɔyn ddəm kə piti ddəm.

Marke 14:62

Jeju ilɛ̂ tə̂ nan: «Ye njaann, m-to Ngonnɛ̂. Â kooje Ngonn lə dəw kə̂ isi dɔ ji-kɔl Lubba tə̂ kə̂ Nje-singa-mɔngu. Nâ kin darâ mə mum tə̂ ta ddee.»

Marke 8:37

Ddi â dəw a kasə ta karə mba təl kinga nɛ̂n təbbə laa wa?

Luku 19:26

A mbay le ila tə̂ nan: ‹M-pa marəse, dəw kə̂ nɛ̂n laa to a, dâ karɛ̂ marɛ̂ dɔɛ̂ tə̂, a dəw nɛ̂n laa goto, nɛ̂n laa njaa kara dâ taa jia tə̂ kə ddang.

Luku 9:26

Tɔkɔrɔ, dəw kə̂ dda rɔ-kul ləm kə rɔ-kul tar ləm a, Ngonn lə dəw a dda rɔ-kul laa ndɔ tə̂ kə̂ nâ ddee kə piti laa kə piti lə bɔɛ̂je kə lə anjəje kə̂ maji tɔyn.

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 1:51

Jeju təl pa bbay nan: «Tɔkɔrɔ m-pa marəse, a kooje dara kə̂ təəyn ngaâ anjəje lə Lubba a kinje dɔ Ngonn lə dəw tə̂ kaw kə taar ddəm ddisi kə dɔɛ̂ tə̂ ddəm.»

Tar kə̂ Maji kə̂ Jan dda makəturu tə̂ 12:34

Dəwje kə̂ banya le ilɛ̂je tə̂ nan: «Makəturu-Ndu ləje pa nan Mesi a nayn kə ndɔ kə ndɔ. A əi, ə-pa nan maji karə dunn Ngonn lə dəw n̂-tɔɛ̂ taar tokə baânn wa? Ngonn lə dəw le to nân wa?»

Tar kə̂ Maji kə̂ Jan dda makəturu tə̂ 5:27

Ngaâ narə Ngonnɛ̂ singa kə̂ ta gangə nɛ̂n sariya, mba n̂-to Ngonn lə dəw.

Kulaje 10:22

Dilaje tə̂ nan: «Kɔrnɛy kə̂ to nje-kɔn dɔ mbambaje â ulaje. N̂-to dəw kə̂ gatə gatə ngaâ naw bbəəl Lubba. Jiipije tɔyn aw paje tar laa maji. Anjə lə Lubba pa arɛ̂ karə n̂-bbari mə kəy tə̂ laa, karə noo tar kə̂ a ta pa karɛ̂.»

Kulaje 5:41

Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.

Rɔmɛnje 1:16

Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

Galatəje 6:14

A əman, bbayɛ̂ njaa koy lə Əbbəjeje Jeju-Kristə kakə-dəsə tə̂ njaa mâ kunda nɛ̂n gum. Ddəw koy tə̂ laa le moo nɛ̂nje kə̂ duninya tə̂ nəənn tokə nɛ̂nje kə̂ oy ngaâ nɛ̂nje kə̂ duninya tə̂ oomje tokə dəw kə̂ oy tɔ.

1 Tesalonisinyɛje 2:19

Sese â jaw junda məje dɔse tə̂, sese â ja kinga rɔ-nəəl mbase, sese tɔ â, â toje to nɛ̂n-piti ləje nɔn Əbbə-dəwje Jeju tə̂ ndɔ tə̂ kə̂ nâ ddee.

1 Tesalonisinyɛje 3:13

Maji karə narə ubbaje singa ngaâ n̂-dda narə ə-ddeeje to dəwje kə̂ maji tɔyn ddəm dəwje kə̂ tar kâra to dɔde tə̂ ang ddəm nɔn Bɔjeje Lubba tə̂, ndɔ tə̂ kə̂ Əbbəjeje Jeju a ddee, ne kə dəwje laa tɔyn. Amɛnn!

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

2 Timɔte 1:16

Maji karə Əbbə-dəwje oo kəm-to-ndoo lə njê kə̂ kə̂y lə Onejipɔr, mba n̂-dda narə minga singa kə ndɔ tɔyn ngaâ n̂-dda rɔ-kul mba kila kə̂ dilam kəy-kula tə̂ le ang.

2 Timɔte 1:8

Yeenn bba, maji karə ə-dda rɔ-kul ta pa tar-naji lə Əbbə-dəwje karə dəwje ang ddəm ə-dda rɔ-kul ləm, əman kə̂ dilam kəy-kula tə̂ mbɛɛ̂ le ang ddəm. A maji karə oo səm ndoo mba Tar kə̂ Maji ddəw singa tə̂ kə̂ Lubba arəje.

Ebərəje 11:16

A kə̂ tɔkɔrɔ njaa, daw ndikije ta kinga marə bbe kə̂ maji uta ye kə̂ kete le. To bbe kə̂ darâ. Mba yeenn bba, bbo dəw bbar Lubba to Lubba ləde a, rɔ Lubba wul ang. Tɔkɔrɔ njaa n̂-gɔl marə bbe mba tar ləde.

Ebərəje 11:26

Noo a, kə̂ ta karə dəwje tajɛ̂je tokə n̂-tajije Kristə to nɛ̂n-kinga kə̂ ngəng uta nɛ̂n-kingaje kə̂ Ejipitə. Mba nunda kəmɛ̂ njaa nyɔm kə dɔ kuka tə̂ kə̂ Lubba a kukɛ̂ ndɔ tə̂ kə̂ bara.

Ebərəje 13:13

Yeenn a, maji karə n-teeje jawje rɔɛ̂ tə̂ ddaka, ta n-tɔ wurje jarə dəwje tajijeje saa tɔ.

Jakə 4:4

See njê kə̂ aw ulaje pa-nja ləse naan tə̂! Ə-gərəje to dəwje kə̂ ndikije nɛ̂n kə̂ dɔ nangə tə̂ nəənn toje to njê-baanje lə Lubba ang wa? Yeenn a, dəw kə̂ ndiki kuwa buwa-kura kə nɛ̂n kə̂ dɔ nangə tə̂ nəənn to nje-baan lə Lubba.

1 Jan 2:23

Dəw kə̂ mbətə Ngonn, mbətə Bɔ tɔ. Dəw kə̂ taa Ngonn kə rɔɛ̂ tə̂, taa Bɔ kə rɔɛ̂ tə̂ tɔ.

1 Jan 2:28

Baann a, ngannje kə̂ ngaji, maji karə ə-naynje ddəw mə-kâra tə̂ kə Kristə, mba karə ndɔ kə̂ n̂-ddee a, bbəəl ddaje ang ddəm karə ndɔ təl laa a, rɔ-kul uta dɔje ngaâ jarje ddəw əw saa ang ddəm.

Apokalisi 14:10

ne kara nâ kay bɛn tɔkə wungu lə Lubba, bɛn kə̂ n̂-pole kə maann ang a dungu mə əngo wungu tə̂ laa. Ngaâ nâ koo ndoo kəm puru tə̂ kə kəm supərə tə̂, kəm anjəje tə̂ kə̂ majije tɔyn ddəm kəm Ngonn batə tə̂ ddəm.