Marke 8:35 - Dɔnɔn kə̂ Siki: Tar kə̂ aw arə təbbə

³⁵ Mba dəw kə̂ ndiki ta ngəm təbbə laa, təbbə laa le a nayn kə kɔrɔ̂. A dəw kə̂ təbbə laa nayn kə kɔrɔ̂ mbam ddəm mba Tar kə̂ Maji ddəm a kaji təbbə laa le.

Maketuru le Lubba ke tar kabba

³⁵ Mba dew ke ndiki ta ngem tebbe laa a, tebbe laa le a nayn ke kɔrɔ. A dew ke tebbe laa nayn ke kɔrɔ wɔju dɔm, ke dɔ Tar ke maji a, a ngem tebbe laa le toke tɔkɔrɔ njaa.

Marke 8:35 ပူးပေါင်းရင်းမြစ်များ

Matiye 10:22

Dəwje tɔyn a mbətəjese mbam. A dəw kə̂ uwa arə ngəng ndərəng ddutu ndɔ tə̂ a, a kinga kaji.

Matiye 10:39

Dəw kə̂ ndiki ta ngəm təbbə laa, təbbə laa le a nayn kə̂ kɔrɔ̂ nyɔm. A dəw kə̂ arə təbbə laa nayn kə kɔrɔ̂ mbam, a təl kinga təbbə laa le.»

Matiye 16:25

Mba dəw kə̂ ndiki ta kaji təbbə laa, təbbə laa le a nayn kɔrɔ̂. A dəw kə̂ ila təbbə laa kɔrɔ̂ ɔju dɔm, a təl kinga təbbə laa le.

Matiye 19:29

A dəwje tɔyn kə̂ inyaje kəy ləde, ngakɔnde kə̂ dingaw kə ngakɔnde kə̂ dɛnɛ̂n, bɔdede kə kɔndede, ngannde wase ndɔɔje ləde mbam, dâ kinga nɛ̂n gɔl dɔdɔku uta yeje kə̂ kete ddəm dâ kinga təbbə kə̂ to kə ndɔ kə ndɔ ddəm.

Marke 8:36

Bbo dəw inga nɛ̂n tɔyn kə̂ duninya tə̂ nəənn, a bbo təbbə laa nayn kə kɔrɔ̂ a, ddi kə̂ maji a nâ kinga goe tə̂ wa?

Luku 17:33

Dəw kə̂ aw sangə ddəw ta ngəm təbbə laa a, təbbə laa le a nayn kə kɔrɔ̂. A dəw kə̂ təbbə laa nayn kə kɔrɔ̂, a təl kinga təbbə laa le.

Luku 9:24

Dəw kə̂ ndiki ta ngəm təbbə laa a, təbbə laa le a goto. A dəw kə̂ a koy mba tar ləm, dəw le a kaji təbbə laa.

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 21:13

A Pɔl ila tə̂ nan: «Mba ddi bba aw nɔnje ngaâ aw ddaje arə məm aw gangə maann wa? Bbo n̂-tɔm kə kula wase n̂-tɔləm Jerujalɛm mba ri Əbbə-dəwje Jeju njaa kara m-ndiki tə̂.»

Kulaje 9:16

Əman njaa mâ tɔjɛ̂ nɛ̂n kəm-to-ndooje tɔyn kə̂ a kingɛ̂ mba rim.»

1 Kɔrɛntinyɛje 9:23

Maw dda nɛ̂njeenn tɔyn ɔju dɔ Tar kə̂ Maji, mba kinga nɛ̂n nɛ̂n kə̂ maji kə̂ a ddee ddəwe tə̂.

2 Kɔrɛntinyɛje 12:10

Mba yeenn bba, rɔm nəələm nya mə karje tə̂ kə̂ singam goto, mə nɛ̂n-tajije tə̂, mə nɛ̂n-singaje tə̂, mə ndooje tə̂ kə̂ dəwje aw ulaje kəmʼm tə̂, mə nɛ̂n-bbəəlje tə̂ kə̂ aw ingamje ɔju dɔ Kristə. Mba, mə kar tə̂ kə̂ singam goto bba maw mubba singa.

2 Timɔte 1:8

Yeenn bba, maji karə ə-dda rɔ-kul ta pa tar-naji lə Əbbə-dəwje karə dəwje ang ddəm ə-dda rɔ-kul ləm, əman kə̂ dilam kəy-kula tə̂ mbɛɛ̂ le ang ddəm. A maji karə oo səm ndoo mba Tar kə̂ Maji ddəw singa tə̂ kə̂ Lubba arəje.

Ebərəje 11:35

Ddəw mə-kunn tə̂ â marə dɛnɛ̂nje təl ingaje dəwje ləde kə̂ oyje, mba dəwje ləde le ndolje. A marə dəwje, dula kəmde ndoo tə̂ ndərəng ngɔsi kə yo, a n̂-ndikije karə dəwje le inyajede ang, bba karə ndɔ kə̂ doyje ngaâ n̂-ndolje a, disije maji uta ye kə̂ kete.

Apokalisi 12:11

A ngakɔnje le təteje kə ddɔ ddəw məsə Ngonn Batə tə̂ kə ddəw tar tə̂ lə Lubba kə̂ n̂-paje tar-najɛ̂. Kisi ləde kəm baa nəəlde ang ngaa arə yo â n̂-ndingaje.

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.

Apokalisi 7:14

Milɛ̂ tə̂ m-pa nan: «Əbbəmje, əi â ə-gərə.» Yeenn ngaâ n̂-pa narəm nan: «To dəwje kə̂ ndayje mə tɔkə nɛ̂n-singaje tə̂. N̂-tokoje kubbuje ləde kə məsə ngonn batə darə nda.