Marke 8:34 - Dɔnɔn kə̂ Siki: Tar kə̂ aw arə təbbə

³⁴ Goe tə̂ a, n̂-bbar dəwje kə̂ banya kə njê-njaje goe tə̂ ngaâ n̂-pa narəde tɔyn nan: «Bbo dəw ndiki ta kuwa gom a, maji karə nəjə rɔɛ̂ ang, noto kakə-dəsə laa ta nuwa gom.

Maketuru le Lubba ke tar kabba

³⁴ Goe te a, n̂-bbar dewje ke banya, ke nje-njaje goe te ngaa n̂-pa narede tɔyn na: « Toke dew ndiki ta kunn gom a, maji kare neje rɔe ang, ngaa noto kake-dese laa, a nunn gom.

Marke 8:34 ပူးပေါင်းရင်းမြစ်များ

Matiye 10:38

Dəw kə̂ oto kakə-dəsə laa ang ddəm uwa gom ang ddəm a kasə ta ddee to dəw ləm ang.

Matiye 16:24

Yeenn bba, Jeju pa arə njê-njaje goe tə̂ nan: «Bbo dəw ndiki ta kuwa gom a, maji karə nəjə rɔɛ̂ ang, maji karə noto kakə-dəsə laa bba ta nuwa gom.

Matiye 27:32

Mbambaje le inje mə bbe tə̂ le aw teeje saa kə ddaka a, dingaje marə dingaw kə̂ bbe tə̂ kə̂ Sirɛnn, ria nan Simɔn. Duwɛ̂je darə noto kakə-dəsə lə Jeju le.

Marke 10:21

Jeju ɛɛ̂ a, ndike ngaâ pa arɛ̂ nan: «Nɛ̂n kâra ngaa â dui: Aw labbə nɛ̂nje tɔyn kə̂ inga ta ə-kayn narɛ̂ dangətəje a, â kinga marə dam narɛ darâ. Goe tə̂ a, ə-ddee unn gom.»

Marke 7:14

Goe tə̂ a, Jeju bbar dəwje kə̂ banya le ngaâ pa arəde nan: «Əsese tɔyn, ooje tar ləm kə majɛ̂ ta ə-gərəje kandɛ̂.

Luku 13:24

«Maji karə ə-ddaje singa andəje kə ta-ddəw kə̂ ngaji. Mba, m-pa marəse: Dəwje nya a sangəje ddəw ta kandə. A dâ kasəje ang.

Luku 14:33

Yeenn le bba Jeju ila tə̂ nan bbo marə dəw horose tə̂ mbətə nɛ̂n-kingaje laa tɔyn ang a, nâ to nje-nja gom tə̂ ang.

Luku 18:22

Jeju oo tar laa le a, pa arɛ̂ nan: «Marə nɛ̂n kâra dui bbay. Ə-labbə nɛ̂nje tɔyn kə̂ inga ta ə-kayn narɛ̂ dangətəje a, â kinga nɛ̂n darâ. Goe tə̂ a, ə-ddee unn gom.»

Luku 20:45

Dəwje kə̂ banya aw ooje tar lə Jeju a, Jeju pa arə njê-njaje goe tə̂ nan:

Luku 9:23

N̂-pa narəde tɔyn nan: «Bbo dəw ndiki ta kuwa gom a, maji karə nəjə rɔɛ̂ ang. Maji karə noto kakə-dəsə laa kə ndɔ ndɔ bba ta nuwa gom.

Tar kə̂ Maji kə̂ Jan dda makəturu tə̂ 10:27

Batəje ləm ooje ndum. Əman, m-gərəde ngaâ dunnje gom.

Tar kə̂ Maji kə̂ Jan dda makəturu tə̂ 19:17

Jeju njaa oto kakə-dəsə laa in nɛ̂n mə tɔkə bbe tə̂ le aw nɛ̂n lo tə̂ kə̂ daw bbar nan: «Lo ka-dɔ-dəw», kə̂ daw bbar nan: «Gɔlogota» kə tar ebərə tɔ.

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Rɔmɛnje 6:6

N-gərəje kə majɛ̂ to da-rɔ nɛ̂n-dda kə̂ maji ang le oy kə Kristə dɔ kakə-dəsə tə̂ mban. Yeenn a, bbo kə̂ da-rɔje tə̂ oy mban ngaa arə ja naynje to bbərəje le majang ang ngaa.

Rɔmɛnje 8:17

Yeenn a, bbo n-toje to ngannɛ̂ a, ja kingaje nɛ̂nje kə̂ maji kə̂ Lubba unn ndue ta karə dəwje laa. Ja kingaje nɛ̂nje le naan tə̂ kâra baa kə Kristə. Mba bbo jaw jooje ndoo saa a, ja kingaje piti saa tɔ.

1 Kɔrɛntinyɛje 15:31

Mərəse ang, ngakɔnʼmje kə ndɔ kâra kâra tɔyn yo aw bbərə gom. Tɔkɔrɔ njaa rɔm nəələm nya mbase, sese kə̂ əman kə se n-ddaje mə-kâra kə Əbbəjeje Jeju-Kristə le.

1 Kɔrɛntinyɛje 8:13

Mba yeenn bba, bbo nɛ̂n-kusa asə ta dda karə ngokɔnʼm oso mə nɛ̂n tə̂ kə̂ maji ang a, mâ kɔn taal-da ndɔ kâra ang nan karə ngokɔnʼm in oso mə majang tə̂.

1 Kɔrɛntinyɛje 9:19

Tɔkɔrɔ, dəw kâra asə ta kuwam kə singa karə m-dda marə nɛ̂n ang. M-to bbərə lə dəw kâra ang, a əman njaa m-ndiki ta dda rɔm to bbərə ləse tɔyn, mba kinga nɛ̂n dəwje tokə banya karə Kristə.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Galatəje 5:24

Dəwje kə̂ toje to ənga Jeju-Kristə ddaje arə bboje kə̂ da-rɔde tə̂ oy kakə-dəsə tə̂ mban.

Galatəje 6:14

A əman, bbayɛ̂ njaa koy lə Əbbəjeje Jeju-Kristə kakə-dəsə tə̂ njaa mâ kunda nɛ̂n gum. Ddəw koy tə̂ laa le moo nɛ̂nje kə̂ duninya tə̂ nəənn tokə nɛ̂nje kə̂ oy ngaâ nɛ̂nje kə̂ duninya tə̂ oomje tokə dəw kə̂ oy tɔ.

Pilipinyɛje 3:10

Nɛ̂n kə̂ m-ndiki kâra baa njaa to gərə Kristə kə gərə singa-mɔngu kə̂ noy, a ndole, ta koo ndoo saa ngaâ ta ddee tokə laa ddəw yo tə̂ kə̂ noy.

Pilipinyɛje 3:7

Məjə to nɛ̂njeenn toje to nɛ̂n-kingaje kə̂ bo nya. A bbasinɛn nɛ̂njeenn moo to nɛ̂n kə̂ baa kəmʼm tə̂ ɔju dɔ Kristə.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

Kolosinyɛje 3:5

Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

2 Tesalonisinyɛje 3:11

A joo nan marə dəwje horose tə̂ aw ddaje dabbə. N̂-ddaje kula ang, a tar lə dəwje â daw dulaje tade kə tə̂.

Titə 2:12

Mə-maji laa le tɔjuje karə jinyaje pa-nja ləje kə̂ maji ang kə bbo nɛ̂nje kə̂ nangə̂ nəənn, mba karə kisi ləje to kə dɔgɔlɛ̂ ddəm gatə gatə ddəm ngaâ karə juwaje tar lə Lubba jarəje ngəng.

Ebərəje 13:13

Yeenn a, maji karə n-teeje jawje rɔɛ̂ tə̂ ddaka, ta n-tɔ wurje jarə dəwje tajijeje saa tɔ.

1 Piyɛr 4:1

Kristə oo ndoo da-rɔɛ̂ tə̂. Yeenn a, sese kara maji karə kəjə ləse to tokə baann tɔ. Mba dəw kə̂ oo ndoo da-rɔɛ̂ tə̂, to dəw kə̂ ɔru rɔɛ̂ majang tə̂ kə ddang ngaa.

1 Piyɛr 4:13

A maji karə ə-ddaje rɔ-nəəl, mba aw ooje ndoo kə Kristə, ta bbo ndɔ kə̂ ooje piti laa a, sese kara rɔse nəəlse nya.

2 Piyɛr 1:14

Mba m-gərə to m-to ngɔsi ta kinya dɔ nangə nəənn ngaa. Əbbə-dəwje Jeju-Kristə tɔjum arə m-gərə.

1 Jan 3:16

Nɛ̂n kə̂ tɔju ndiki le â nəənn: Jeju unn təbbə laa ila kɔrɔ̂ mbaje. Baann a, maji karə jeje kara jarəje təbbə ləje mba ngakɔnje tɔ.

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.