Marke 8:33 - Dɔnɔn kə̂ Siki: Tar kə̂ aw arə təbbə

³³ A Jeju turu rɔɛ̂ aa njê-njaje goe tə̂ le ngaâ in kə Piyɛr nan: «Ɔtu gom tə̂ kə ddang, Satan, mba kəjə ləi to kəjə lə Lubba ang, to kəjə lə dəw.»

Maketuru le Lubba ke tar kabba

³³ A Jeju turu rɔe aa nje-njaje goe te le ngaa in ke Piyar pa na: « Ɔtu ke ddang gom te, Satan, mba keje lei to keje le dew bbo to keje le Lubba ang.»

Marke 8:33 ပူးပေါင်းရင်းမြစ်များ

Matiye 15:23

A Jeju le ilɛ̂ tar tə̂ ang. Njê-njaje goe tə̂ ddeeje rɔɛ̂ tə̂, paje nan: «Ə-tubba dɛnɛ̂n nəənn kə ddang, mba naw nuru əkii naw ndole nɛ̂n goje.»

Matiye 16:23

A Jeju turu rɔɛ̂ ngaâ pa arə Piyɛr le nan: «Ɔtu gom tə̂ kə ddang, Satan! A ta dda karə moso, mba kəjə ləi to kəjə lə Lubba ang, to kəjə lə dəw.»

Matiye 4:10

Jeju pa arɛ̂ nan: «Ɔtu kə ddang, Satan! Makəturu lə Lubba pa nan: ‹Maji karə Əbbə-dəwje kə̂ to Lubba ləi njaa kâra baa â ɔsu gɔli nɔɛ̂n tə̂, ta ne kâra baa â ə-pole tɔ.› »

Marke 3:34

Goe tə̂ a, naa dəwje kə̂ isije gukeje le ngaâ n̂-pa nan: «Ooje, kɔnʼmje kə ngakɔnʼm â isije nəənn.

Marke 3:5

Jeju aade tɔyn kə wungu. Rɔɛ̂ nəəle ang mba dəwje ddaje arə məde kətərə. Yeenn ngaâ n̂-pa narə dəw le nan: «Ə-ndɔju jii.» Dəw le ndɔju jia ngaâ jia le təl ddee maji.

Luku 22:61

Əbbə-dəwje turu rɔɛ̂ ngaâ aa Piyɛr le. Piyɛr le ole məɛ̂ dɔ tar tə̂ kə̂ Əbbə-dəwje pa arɛ̂ nan: «Kete bba karə kuran nɔn bbokənɛn, â mayn pa nan ə-gərəm ang gɔl mota le.»

Luku 4:8

Jeju ilɛ̂ tə̂ nan: «Makəturu lə Lubba pa nan: ‹Əbbə-dəwje kə̂ to Lubba ləi kâra baa â, â kɔsu nɔin nangə̂ nɔɛ̂n tə̂ ta pole.› »

Luku 9:55

Jeju turu rɔɛ̂ kə rɔde tə̂ ngaâ nin kə de nya.

1 Kɔrɛntinyɛje 5:5

maji karə inyaje dəw kə̂ baann ji Satan tə̂ arəje da-rɔɛ̂ tuju, a ta ndile inga kaji ndɔ tə̂ lə Əbbə-dəwje.

Pilipinyɛje 3:19

Dunnje ddəw yo, mba məde â to lubba ləde. Daw dɔsuje rɔde mba nɛ̂n-rɔ-kul ləde. Kəjə ləde to kə dɔ nɛ̂nje tə̂ kə̂ nangə̂ dɔrɔ.

1 Timɔte 5:20

A bbo dəw dda majang a, ə-ndangɛ̂ kəm dəwje tə̂ tɔyn. Baann bba kəsə dəwje a bbəəlje ta dda majang.

Titə 1:13

Tar laa le to tar kə̂ tɔkɔrɔ njaa. Mba yeenn bba, maji karə ə-ndangəde kə singa, mba karə mə-kunn ləde to gatə gatə.

1 Piyɛr 4:1

Kristə oo ndoo da-rɔɛ̂ tə̂. Yeenn a, sese kara maji karə kəjə ləse to tokə baann tɔ. Mba dəw kə̂ oo ndoo da-rɔɛ̂ tə̂, to dəw kə̂ ɔru rɔɛ̂ majang tə̂ kə ddang ngaa.

1 Jan 2:15

Maji karə ə-ndikije nangə nəənn ang ddəm ə-ndikije nɛ̂n kə̂ dɔ nangə tə̂ nəənn ang ddəm. Bbo dəw ndiki nɛ̂n kə̂ nangə̂ nəənn a, n̂-ndiki Lubba kə̂ Bɔ ang.

Apokalisi 3:19

Dəwje tɔyn kə̂ m-ndikide, maw təl kə de ddəw tə̂ kə̂ maji ddəm maw tundade ddəm. Yeenn bba, maji karə ə-dda kula le kə mə-kâra ta ə-turu məi.