Marke 8:31 - Dɔnɔn kə̂ Siki: Tar kə̂ aw arə təbbə

³¹ Goe tə̂ a, Jeju unn kutu pa karə njê-njaje goe tə̂ nan: «Maji karə Ngonn lə dəw oo ndoo nya. Tɔkəje lə Jiipije kə mbayje lə njê-poloje Lubba kə njê-gərəje-Ndu mbəteje. Maji karə n̂-tɔlɛ̂je ngaâ ndɔ mota goe tə̂ a, n̂-ndol.»

Maketuru le Lubba ke tar kabba

³¹ Goe te a, Jeju unn kutu tɔju ne nje-njaje goe te na: « Maji kare Ngonn le dew oo ndoo nya. Tɔkuje le Jiipije, ke tɔku nje-poloje Lubba, ke nje-kɔruje gel Ndu a mbeteje. Da tɔleje, ngaa ndɔ mota goe te a, na kin horo dewje te ke oy.

Marke 8:31 ပူးပေါင်းရင်းမြစ်များ

Matiye 12:40

Tɔkɔrɔ tə̂ njaa, tokə Jonas kə̂ dda ndɔ mota kə til mota mə tɔkə kanji tə̂ le, Ngonn lə dəw a dda ndɔ mota kə til mota mə nangə tə̂ tɔ.

Matiye 21:42

Goe tə̂ a, Jeju dujude nan: «Ə-turaje tar kə̂ Makəturu lə Lubba pa nəənn ndɔ kâra ang bbay wa? Tar kə̂ nan: ‹Ər kə̂ njê-kɔsuje kəy mbətəje, təl ddee to singa gɔl kəy kə̂ dungu nangə̂. To nɛ̂n kə̂ in rɔ Əbbə-dəwje tə̂ ngaâ to nɛ̂n-mɔri kəmje tə̂.›

Matiye 27:63

n̂-paje nan: «Dəw kə̂ bo, jole məje to, dɔ ndɔ tə̂ kə̂ nje-kərə dəwje nəənn le nayn nɛ̂n kəm baa bbay le, n̂-pa nan: ‹Ndɔ mota go yo tə̂ ləm a, mâ ndol.›

Marke 12:10

Ə-turaje tar kə̂ Makəturu lə Lubba pa nəənn ang wa? Makəturu le nan: ‹Ər kə̂ njê-kɔsu kəyje mbətəje le, ddee to singa gɔl kəy kə̂ dungu nangə̂.

Luku 17:25

A maji karə noo ndoo nya dɔngɔr ngaâ dəwje kə̂ bbasinɛn nəənn mbəteje bba.

Luku 24:26

Maji karə Kristə le oo ndoo tokə baann kete bba karə ninga piti ji Lubba tə̂ ang wa?»

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Tar kə̂ Maji kə̂ Jan dda makəturu tə̂ 12:48

Bbo dəw mbətəm ngaâ taa tar ləm ang a, ddutu ndɔ tə̂, nɛ̂n kə̂ a gangə sariya dɔɛ̂ tə̂ to tarje kə̂ m-pa â a gangəje sariya dɔɛ̂ tə̂.

Tar kə̂ Maji kə̂ Jan dda makəturu tə̂ 2:19

Jeju ilade tə̂ nan: «Ə-tɔje kəy-polo Lubba nəənn a, mâ təl nɛ̂n kunda taar mə ndɔ mota tə̂.»

Kulaje 7:35

«Mɔyijə kə̂ ngann Ijarayɛlje mbəteje ngaâ paje arɛ̂je nan: ‹Nân bba undai to mbay ddəm nje-gangə sariya ddəm dɔje tə̂ wa le›, ne â Lubba ulɛ̂ to mbay ddəm nje-kɔrude bbərə tə̂ ddəm ddəw tə̂ lə anjə kə̂ Mɔyijə ooe mə bər-kam tə̂ le.

1 Kɔrɛntinyɛje 15:4

N̂-dubbe dda ndɔ mota a, n̂-ndol tokə makəturu lə Lubba pa le.