Marke 6:11 - Dɔnɔn kə̂ Siki: Tar kə̂ aw arə təbbə

¹¹ Bbo dəwje kə̂ marə bbe tə̂ ndikije ta taase kə kə̂y ang ngaâ dooje tar ləse ang a, bbo a ta kɔtuje lo tə̂ənn le a, ə-tundaje bum nangə kə̂ gɔlse tə̂. Nayn to naji ləse â ɔruje.»

Maketuru le Lubba ke tar kabba

¹¹ Toke dewje ke mare bbe te ndikije ta taase ke key ang, ngaa dooje tar lese ang, a bbo a ta kɔtuje lo teenn a, e-tundaje bum nange ke gɔlse te. Nayn to naji lese a ɔruje.»

Marke 6:11 ပူးပေါင်းရင်းမြစ်များ

Matiye 12:36

M-pa marəse, tarje kə̂ baa baa tɔyn kə̂ dəwje aw paje, dâ kɔruje gəle ndɔ gangə sariya tə̂.

Marke 6:10

Jeju pa arəde bbay nan: «Bbo ə-teeje marə lo tə̂, â bbo n̂-taase kə kə̂y a, ə-naynje tə̂ənn ndərəng ɔtuje nɛ̂n.

Luku 9:5

Bbe kə̂ ə-teeje tə̂, â bbo dəwje taase kə kə̂y ang ngaâ â ta kɔtuje kə kete a, ə-tundaje bum nangə kə̂ gɔlse tə̂ ɔruje nɛ̂n naji ləse ta tɔju to n̂-ddaje majang.»

Kulaje 18:6

A Jiipije mbətəje tar laa ngaâ daw tajɛ̂je. Yeenn bba, Pɔl le tunda bum kə̂ kubbu tə̂ laa ngaâ pa arəde nan: «Məsəse təl kə dɔse tə̂, tarɛ̂ a kuwa dɔm ang. Bbasinɛn nəənn mâ kaw kə rɔ dəwje tə̂ kə̂ toje to Jiipije ang ngaa.»

Rɔmɛnje 2:16

Nɛ̂ɛnn a tee kə ddaka kəm dəwje tə̂ dɔ ndɔ tə̂ kə̂ Lubba a karə Jeju-Kristə gangə sariya dɔ nɛ̂nje tə̂ kə̂ dəwje aw ddaje lo-kiyɛ̂ tə̂ tokə Tar kə̂ Maji kə̂ maw mila mbəre pa.

Rɔmɛnje 2:5

A məi kətərə arə ə-ndiki ta turu ddəw ləi ang. Aw mbɔn wungu lə Lubba dɔi tə̂ mba nginan nɛ̂n ndɔ kə̂ Lubba a gangə nɛ̂n sariya laa kə̂ gatə gatə dɔ dəwje tə̂.

2 Piyɛr 2:6

Goe tə̂ a, dəwje kə̂ Sɔdɔm kə Gɔmɔr, Lubba gangə sariya-yo dɔde tə̂ ngaâ narə n̂-ro bbeje le darə ddee to bu. Yeenn to nɛ̂n-kɔju-marɛ̂ mba njê-nɛ̂n-ddaje kə̂ maji ang kə̂ ndɔ tə̂ kə̂ bara.

2 Piyɛr 2:9

Yeenn tɔju to Əbbə-dəwje gərə gusu kə̂ ta kɔru nɛ̂n dəwje kə̂ unnje rɔde arɛ̂je mə nɛ̂n-nan tə̂ kə ddang. A naw ngəm njê kə̂ toje gatə gatə ang mba gangə sariya dɔde tə̂ ndɔ gangə sariya tə̂.

2 Piyɛr 3:7

A ddəw tar kə̂ tɛɛ̂ tə̂ ne Lubba le njaa naw ngəm nɛ̂n dara kə nangə kə̂ bbokənɛn nəənn ta nginan nɛ̂n ndɔ kə̂ puru a kɔnde. Dara kə nangə le a nginanje ndɔ kə̂ nâ gangə nɛ̂n sariya dɔ njê-nɛ̂n-ddaje tə̂ kə̂ maji ang kə ndɔ kə̂ nâ tuju nɛ̂n de nyɔm.

1 Jan 4:17

Ddəw nɛ̂n tə̂ kə̂ be â ja gərəje to ndiki laa to məje tə̂ kə majɛ̂. Baann bba məje a koso pɔn ndɔ gangə sariya tə̂, mba kisi ləje dɔ nangə tə̂ to ddəw kâra baa kə ənga Jeju.

Judə 1:7

Oleje məse dɔ tar tə̂ lə dəwje kə̂ bbeje tə̂ kə̂ Sɔdɔm kə Gɔmɔr kə lə dəwje kə̂ mə bbeje tə̂ kə̂ mbɔrde tə̂. N̂-ddaje maji ang tokə lə anjəje le tɔ. Dunnje rɔde dilaje kula kaya tə̂. N̂-ndikije ta dda nɛ̂n kə̂ asə karə dəw dda ang. Yeenn bba, Lubba gangə sariya dɔde tə̂ arə puru kə̂ to kə ndɔ kə ndɔ aw ɔnde. N̂-təlje to nɛ̂n-kɔju-marɛ̂ horo dəwje tə̂.