Marke 4:24 - Dɔnɔn kə̂ Siki: Tar kə̂ aw arə təbbə

²⁴ Jeju pa arəde bbay nan: «Ooje tar nəənn kə majɛ̂. Nɛ̂n kə̂ unnje ɔjuje nɛ̂n nɛ̂n a, Lubba a kunn kɔju nɛ̂n nɛ̂n karəse tɔ, dâ kila marɛ̂ dɔɛ̂ tə̂ karəse.

Maketuru le Lubba ke tar kabba

²⁴ Jeju pa arede bbay na: « Ooje tar neenn ke maje. Ne ke unnje wɔjuje ne ne areje dew, Lubba a kunn kɔju ne ne karese tɔ. Na kila mare dɔe te karese.

Marke 4:24 ပူးပေါင်းရင်းမြစ်များ

Matiye 7:2

Mba sariya kə̂ ə-gangəje dɔ njê-marəse tə̂ njaa Lubba a gangə dɔse tə̂ tɔ. Nɛ̂n kə̂ unnje ɔjuje nɛ̂n nɛ̂n â dâ kunn kɔju nɛ̂n nɛ̂n karəse tɔ.

Marke 9:7

Mum ddee kiride ngaâ marə ndu bbar mə mum tə̂ le nan: «Dəw nəənn to Ngonnəm kə̂ m-ndike nya. Ooje tɛɛ̂!»

Luku 8:18

Aaje rɔse gusu tə̂ kə̂ aw ooje nɛ̂n tar, mba dəw kə̂ nɛ̂n laa to a, dâ karɛ̂ marɛ̂ dɔɛ tə̂. A dəw kə̂ nɛ̂n laa goto, nɛ̂n kə̂ nəjə to nɛ̂n laa njaa kara dâ taa jia tə̂ kə ddang.»

Tar kə̂ Maji kə̂ Jan dda makəturu tə̂ 10:16

Marə batəje ləm toje bbay kə̂ eeje mə singa tə̂ nəənn ang. Dede kara, to tar ləm ta ddee kə de. Dâ kooje ndum. Baann bba kusu batəje a to kâra baa ngaâ nje-ngəmde a to kâra baa tɔ.

Tar kə̂ Maji kə̂ Jan dda makəturu tə̂ 10:27

Batəje ləm ooje ndum. Əman, m-gərəde ngaâ dunnje gom.

Tar kə̂ Maji kə̂ Jan dda makəturu tə̂ 5:25

Tɔkɔrɔ njaa, m-pa marəse, kar aw ddee ngaâ karɛ̂ le asə mban. Dəwje kə̂ oyje a kooje ndu Ngonn lə Lubba ngaâ njê kə̂ a kooje ndue le a kisije kəm baa.

Kulaje 17:11

Kəjə lə Jiipije kə̂ Bərə maji uta kəjə lə njê kə̂ Tesalonikə arə n̂-taaje tar le kə ngɔru baa. Ndɔ kâra kâra daw disaje makəturu lə Lubba ta gərə se tar kə̂ Pɔl aw pa le to kə dɔgɔlɛ̂ njaa wa?

2 Kɔrɛntinyɛje 9:6

Maji karə ə-gərəje: Dəw kə̂ dubbu nɛ̂n tɛn baa, a kuja nɛ̂n tɛn baa tɔ. A dəw kə̂ dubbu nɛ̂n nya, a kuja nɛ̂n nya tɔ.

Ebərəje 2:1

Mba yeenn bba, maji karə juwaje tarje kə̂ joo le jarə ngəng. Baann ang a, ja ndəəmje ddəw.

1 Piyɛr 2:2

Maji karə ə-ddaje bbo tar lə Lubba tokə ngann əngutayje aw ddaje bbo kay mba kə̂ n̂-pole məɛ̂ ang. Yeenn bba â sangəje ddəwe tə̂ mba kinga nɛ̂n kaji,

1 Jan 4:1

Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.