Marke 4:16 - Dɔnɔn kə̂ Siki: Tar kə̂ aw arə təbbə

¹⁶ Marɛ̂je toje tokə lə lo kə̂ to ər. Dooje tar le a, n̂-taaje tar le njangə baa kə rɔ-nəəl.

Maketuru le Lubba ke tar kabba

¹⁶ Mareje toje toke le loje ke to er. Dooje tar le a, n̂-taaje tar le njange baa ke rɔ-neel.

Marke 4:16 ပူးပေါင်းရင်းမြစ်များ

Matiye 13:5

Marə kandə-koje le gaynje lo tə̂ kə̂ to ər kə̂ nangə ndəər tə̂ ang. Kandə-koje le teeje njangə baa mba nangə le ndəər ang.

Marke 4:15

Marə dəwje toje tokə lə dɔ ddəw kə̂ tar lə Lubba oso tə̂. Koo kə̂ dooje tar le be a, Satan ddee ɔru tar kə̂ n̂-dubbu məde tə̂ le kə ddang.

Marke 4:17

A dinyaje darə tar le ungu ngirɛ̂ məde tə̂ ang. N̂-naynje ddəwe tə̂ ang. Bbo nɛ̂n kəm-to-ndoo wase nɛ̂n-singa ddee ingade mba tar le a, n̂-tusuje dinyaje njangə baa.

Marke 6:20

mba Erodə aw bbəəl Jan le nya. N̂-gərə to Jan to dəw kə̂ to gatə gatə ddəm dəw kə̂ Lubba undɛ̂ dang ddəm arə naw ngəmɛ̂ kə majɛ̂. Noo tar kə̂ Jan aw pa a, n̂-gərə nɛ̂n kə̂ nâ dda ang. A dɔ ye tə̂ənn njaa kara, n̂-ndiki nya ta koo tarje laa.

Luku 8:13

Kandə-ko kə̂ gayn dɔ ər tə̂ le tɔju njê kə̂ ooje tar lə Lubba le a, taaje kə rɔ-nəəl. A tar kə̂ dooje le ungu ngirɛ̂ məde tə̂ ang, dooje məde tə̂ mba gɔju kar baa, a ndɔ kə̂ nɛ̂n nan mə tee a, n̂-tusuje dinyaje.

Tar kə̂ Maji kə̂ Jan dda makəturu tə̂ 5:35

Jan nayn tokə puru lambe kə̂ aw ɔn ngaâ aw ndoko. Ngaâ ə-ndikije tə̂ ta dda rɔ-nəəl mba gɔju kar kɔ puru tə̂ laa le.

Kulaje 26:28

Agiripa pa arə Pɔl nan: «Oo to â dda karə m-ddee to dəw lə Kristə kə ngɔru baa be wa?»

Kulaje 8:13

Simɔn njaa kara oo məɛ̂ tə̂ tɔ ngaâ n̂-ddɛɛ̂ batɛm. Ninya go Pilipi ang ngaa. Noo tɔkə nɛ̂n-mɔrije kə nɛ̂nje kə̂ dum dɔ koo kə̂ Pilipi aw dda le a, dɔɛ̂ ayn.