Marke 16:19 - Dɔnɔn kə̂ Siki: Tar kə̂ aw arə təbbə

¹⁹ Go tar tə̂ kə̂ Əbbə-dəwje Jeju pa arəde tokə baann a, Lubba unnɛ̂ aw saa darâ ngaâ nisi dɔ ji-kɔlɛ̂ tə̂.

Maketuru le Lubba ke tar kabba

¹⁹ Go tar te ke Ebbe-dewje Jeju pa arede toke baann a, Lubba unne aw ne dara, ngaa nisi dɔ ji-kɔle te.

Marke 16:19 ပူးပေါင်းရင်းမြစ်များ

Marke 16:20

Njê-njaje go Jeju tə̂ aw ilaje mbər tar le loje tə̂ tɔyn. Əbbə-dəwje dda kula kə de arə n̂-ddaje nɛ̂n-mɔrije kə̂ tɔju to tar kə̂ daw dilaje mbəre le to tar kə̂ tɔkɔrɔ.]

Luku 22:69

A kunn-kute bbasinɛn, Ngonn lə dəw a kisi dɔ ji-kɔl Lubba tə̂ kə̂ to nje-singa-mɔngu.»

Luku 9:51

Ndɔ kə̂ Lubba a ta kunn Jeju ta təl saa darâ ddee ngɔsi. Yeenn bba Jeju le ndiki ta kaw to kaw njaa Jerujalɛm.

Tar kə̂ Maji kə̂ Jan dda makəturu tə̂ 13:1

Nayn ndɔ kâra karə kusu Pakə asə a, Jeju gərə to kar kə̂ nâ kinya duninya nəənn ta kaw rɔ Bɔ tə̂ asə. Jeju ndiki dəwje laa kə̂ duninya tə̂ nəənn le ngaâ ndikide ndərəng tee kɔnyɛ̂ tə̂.

Tar kə̂ Maji kə̂ Jan dda makəturu tə̂ 16:28

Min rɔ Bɔy tə̂ bba m-ddee duninya tə̂. Bbasinɛn, maw minya duninya ta təl kə rɔ Bɔy tə̂.»

Tar kə̂ Maji kə̂ Jan dda makəturu tə̂ 17:13

«Bbasinɛn, maw maw kə rɔi tə̂. A maw pa tar be duninya tə̂ bba karə rɔ-nəəl kə̂ minga le dingaje məde tə̂ tɔ, rɔ-nəəl kə̂ asə loe njaa.

Tar kə̂ Maji kə̂ Jan dda makəturu tə̂ 20:17

Jeju pa arɛ̂ nan: «Ɔrum kə jii ang, mba m-nayn maw rɔ Bɔy tə̂ ang bbay. A aw pa arə ngakɔnʼmje ə-pa nan maw maw kə rɔ Bɔy tə̂ kə rɔ Bɔmje tə̂ kə̂ to Bɔsese ddəm rɔ Lubba tə̂ ləm kə̂ to Lubba ləse ddəm.»

Tar kə̂ Maji kə̂ Jan dda makəturu tə̂ 21:15

Go nɛ̂n-kusa tə̂ le a, Jeju duju Piyɛr nan: «Simɔn ngonn lə Jan, ə-ndikim uta dəwje nəənn tɔyn wa?» Piyɛr ilɛ̂ tə̂ nan: «Ye njaa, Əbbə-dəwje, ə-gərə to m-ndikii.» Jeju pa arɛ̂ nan: «Ə-ngəm ngann batəje ləm.»

Tar kə̂ Maji kə̂ Jan dda makəturu tə̂ 21:22

Jeju ilɛ̂ tə̂ nan: «Bbo m-ndiki karə n̂-nayn kəm baa ndərəng m-təl m-ddee a, ddi â osoi tə̂ wa? Əi, unn gom.»

Tar kə̂ Maji kə̂ Jan dda makəturu tə̂ 6:62

Ngaâ bbo ooje Ngonn lə dəw in aw kə darâ, lo kə̂ nee tə̂ dɔngɔr le a, â paje nan ddi wa?

Kulaje 1:22

unn kute dɔ ndɔ tə̂ kə̂ Jan ddɛɛ̂ nɛ̂n batɛm ndərəng ndɔ tə̂ kə̂ Lubba unnɛ̂ nɛ̂n horoje tə̂ təl saa darâ. Maji karə marə dəw kâra horo dəwje tə̂ nəənn le təl to nje-tar-naji kə je dɔ tar ndol tə̂ lə Jeju-Kristə kə̂ oy, a ndol le.»

Kulaje 2:33

Lubba unnɛ̂ undɛ̂ dɔ ji-kɔlɛ̂ tə̂ darâ. Ninga Ndil-mə-nda kə̂ Bɔ unn ndue ta karə le ngaâ n̂-sanrɛ Ndil le dɔje tə̂ ddəw kâra baa tokə aw ooje kə kəmse ddəm kə mbise ddəm nəənn.

Kulaje 3:21

Karje tə̂ nəənn, Kristə le a nayn darâ ndərəng ndɔ kə̂ Lubba a təl kə nɛ̂nje tɔyn karə to kə dɔgɔlɛ̂. Tar nəənn le Lubba unda ta njê-kilaje mbər tar tə̂ laa kə̂ nundade dang narə paje.

Rɔmɛnje 8:34

Nân bba a gangə sariya dɔde tə̂ wa? Dəw kâra ang, mba Jeju-Kristə njaa oy. Uta tɔyn, n̂-təl n̂-ndol, nisi dɔ ji-kɔl Lubba tə̂ ngaâ naw duju Lubba mba tar ləje.

Kolosinyɛje 3:1

Ə-ndolje kâra baa kə Kristə kə̂ oy ngaâ ndol le mban. Yeenn a, maji karə kəmse to kə dɔ nɛ̂n tə̂ kə̂ darâ, lo tə̂ kə̂ Kristə isi tə̂, dɔ ji-kɔl Lubba tə̂.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 4:14

Tɔkə nje-polo Lubba ləje to. Ne kə̂ nuta kəseje tɔyn, kə̂ naw ndərəng n̂-tee nɔn Lubba tə̂ darâ: To Jeju Ngonn lə Lubba. Yeenn bba joo nɛ̂n məje tə̂ mban arə maji karə juwaje jarə ngəng.

Ebərəje 6:20

Jeju andə lo tə̂ le kete arəje to nje-kɔru nɔnje. N̂-ddee to tɔkə nje-polo Lubba tokə Mɛlkisedɛk. Nâ nayn to tɔkə nje-polo Lubba kə̂ to kə ndɔ kə ndɔ.

Ebərəje 7:26

Yeenn a, Jeju â to tɔkə nje-polo Lubba kə̂ maji karə jingaje. N̂-maji tɔyn, nɛ̂n-yərəw kâra ɔrɛ̂ ang, n̂-dda majang ang. Lubba undɛ̂ dang kə njê-nɛ̂n-ddaje kə̂ maji ang ngaâ aw undɛ̂ ddutu dara tə̂ nu.

Ebərəje 8:1

Tar kə̂ ngəng uta kəseje kə̂ ja ta pa â nəənn: Tɔkə nje-polo Lubba ləje to darâ. Nisi dɔ ji-kɔl ngende-mbay tə̂ lə Lubba kə̂ to nje-singa-mɔngu kə̂ uta tɔyn.

Ebərəje 9:24

Kəy lə Lubba kə̂ dəwje â ddaje kə jide â Kristə andə tə̂ ang. Yeenn to ndil nɛ̂n kə̂ tɔkɔrɔ le baa. Nandə mə dara tə̂ njaa, bbasinɛn naw nar nɔn Lubba tə̂ mba tar ləje.

1 Piyɛr 3:22

Jeju-Kristə le in aw darâ ngaâ isi dɔ ji-kɔl Lubba tə̂. Naw nɔn dɔ anjəje ddəm ndilje kə̂ aw ɔnje mbay ddəm singa-mɔnguje ddəm.