Marke 16:17 - Dɔnɔn kə̂ Siki: Tar kə̂ aw arə təbbə

¹⁷ Nɛ̂n kə̂ dâ gərə nɛ̂n dəwje kə̂ a kooje məde tə̂ â nəənn: Dâ tubbaje ndilje kə̂ maji ang kə rim, dâ paje ndɔn-tarje kə̂ siki.

Maketuru le Lubba ke tar kabba

¹⁷ Ngaa, ne ke da gere ne dewje ke a kooje mede te a neenn: Da tubba ndilje ke maji ang ke rim, ngaa da paje ndɔn-tarje ke siki.

Marke 16:17 ပူးပေါင်းရင်းမြစ်များ

Marke 9:38

Jan pa arə Jeju nan: «Nje-nɛ̂n-tɔju, joo marə dəw kə̂ unn rii aw tubba nɛ̂n ndilje kə̂ maji ang. N-sangə ddəw ta kɔkɛ̂ ddəwe, mba n̂-nja goje tə̂ ang.»

Luku 10:17

Njê-njaje go Jeju tə̂ kə̂ dɔsiri gire joo le təlje kə rɔ-nəəl ngaâ paje nan: «Əbbə-dəwje, ndilje kə̂ maji ang njaa kara bbo junn ndu jarəde kə rii a, dulaje dɔde nangə̂ darəje.»

Tar kə̂ Maji kə̂ Jan dda makəturu tə̂ 14:12

«Tɔkɔrɔ njaa m-pa marəse, dəw kə̂ unn məɛ̂ arəm a, a dda nɛ̂nje kə̂ maw dda tɔ. Nâ dda nɛ̂nje kə̂ utaje ləm bbay, mba maw maw kə rɔ Bɔ tə̂.

Kulaje 10:46

Dooje dəwje kə̂ toje to Jiipije ang aw paje tar kə ndɔn-tarje kə̂ dang dang ddəm aw ɔsuje gaji tɔkə-mbangə lə Lubba ddəm. Yeenn ngaâ Piyɛr pa nan:

Kulaje 16:18

N̂-təl dɔ tar tə̂ənn le ndɔ banya nya. Asə ang boy a, Pɔl turu rɔɛ̂ ngaâ pa arə ndil le nan: «Kə ri Jeju-Kristə, munn ndu mari karə ə-tee mə ngonn kə̂ dɛnɛ̂n tə̂ nəənn kə ddang!» Kar tə̂ənn njaa ndil le unda lo tee.

Kulaje 19:6

Pɔl ila jia dɔde tə̂ ngaâ Ndil-mə-nda ddee dɔde tə̂. N̂-paje tar kə ndɔn-tarje kə̂ dang dang ngaâ dilaje mbər tar lə Lubba.

Kulaje 2:33

Lubba unnɛ̂ undɛ̂ dɔ ji-kɔlɛ̂ tə̂ darâ. Ninga Ndil-mə-nda kə̂ Bɔ unn ndue ta karə le ngaâ n̂-sanrɛ Ndil le dɔje tə̂ ddəw kâra baa tokə aw ooje kə kəmse ddəm kə mbise ddəm nəənn.

Kulaje 5:16

Dəwje tokə banya inje ngann bbeje tə̂ kə̂ toje ngɔsi kə tɔkə bbe kə̂ Jerujalɛm ddeeje tɔ. Dotoje njê-rɔ-toje kə dəwje kə̂ ndilje kə̂ maji ang aw ulaje kəmde ndoo tə̂ n̂-ddeeje kə de ngaâ dede tɔyn dajije.

Kulaje 8:7

Ndilje kə̂ maji ang nya nya teeje mə dəwje tə̂ kə ddang, dundaje əkii bba n̂-teeje nɛ̂n ngaâ dəwje nya kə̂ dəbbə rɔde oy kə njê-mətəje ajije.

1 Kɔrɛntinyɛje 12:10

Ndil le arə marə dəw singa dda nɛ̂n-mɔri, narə marə dəw dang gusu kila mbər tar, narə marə dəw gusu gərə Ndil kə̂ maji kə ndil kə̂ maji ang. Narə marə dəw dang bbay gusu pa tar kə ndɔn-tar kə̂ dəw gərə ang ngaâ narə marə dəw gusu ndaji kandə tarjeenn le.

1 Kɔrɛntinyɛje 12:28

Mba yeenn bba, mə Egilisi tə̂, Lubba unda Njê-kaw-kulaje to dəwje kə̂ dɔngɔr. Njê-kilaje mbər tar lə Lubba toje to joo ləde. Njê-nɛ̂n-tɔjuje toje to mota ləde. A goe tə̂ to njê-ddaje nɛ̂n-mɔri, goe tə̂ a narə gusu kaji njê-rɔ-toje, gusu kuman dəwje, gusu kɔn dɔ dəwje kə gusu pa ndɔn-tarje dang dang.

1 Kɔrɛntinyɛje 12:30

Dəwje tɔyn njaa ingaje gusu kaji njê-rɔ-to wa? Dəwje tɔyn njaa aw paje ndɔn-tarje kə̂ dang wa? Dede tɔyn njaa daw ndajije kandə tarje wa?

1 Kɔrɛntinyɛje 13:1

Bbo maw pa tar kə ndɔn-tarje kə̂ dəwje aw paje wase anjəje aw paje ngaâ ndiki goto məm tə̂ a, m-to tokə dalɛ kə̂ aw bbar baa wase gan sambe kə̂ daw tunda.

1 Kɔrɛntinyɛje 14:2

Dəw kə̂ aw pa tar kə ndɔn-tarje kə̂ dəw gərə ang, pa tar le arə Lubba bbo n̂-pa narə dəwje ang. Mba dəw kâra oo kandə tar laa le ang. Naw pa nɛ̂nje kə̂ to lo-kiyɛ̂ tə̂ ddəw tə̂ lə Ndil-mə-nda.